{ *لطميه لاستشهاد مولانه علي الاكبر*}
*عليه السلام*
{1}

*طور : سامحيني - ملا باسم الكربلائي*

https://youtu.be/spcyilt8KVw

••••••••••••••••••••••••••••••••••••••••••

*مِن شفت مصرعك يبني .. نِشَف دمي*
*ولن مُصابك هِدم رُكني .. ونِحَل عظمي*

*ياحِلم مذبوح بأرض الغاضريه*
*العفه اعله الدنيا بعدك ياشِفيه*

*آ يا الاكبر*

••••••••••••••••••••••••••••••••••••••••••

ياعديل الروح يبني .. ونجمي الازهر
يانَفَس ريتي وعروقي .. علي الاكبر
ياحبيبي اعله الارض .. شِفتك امعفر
بالسيوف امقطع .. وجسمك اموذر

ياعلي ظهري كِسرته .. وشاب راسي
قلبي تتلاهب جَمُرته .. وكل حواسي

*چن رسول الله اعتفر فوق الوطيه*
*العفه اعله الدنيا بعدك ياشِفيه*

*آ يا الاكبر*

••••••••••••••••••••••••••••••••••••••••••

يبني وسيوف المِنيه .. اعليك صلت
ومِن دِمه نحرك .. علي يبني توضت
ياعلي اجبال الرواسي .. قهر حنت
وبويه أرض الغاضريه .. حسره ونت
ْ
مددت طولي اعله طولك .. علي بويه
للخيم مقدر اشيلك .. علي بويه

*بالمُخيم تنتظر سِكْنَه ورُقيه*
*العفه اعله الدنيا بعدك ياشِفيه*

*آ يا الاكبر*

••••••••••••••••••••••••••••••••••••••••••

اشلون قلبك يرضى بويه .. عني تِرحل
يادمه الشريان ماظن .. يبني يِقبل
نور عيني ياعلي .. لحظه تِمَهل
نِزف قلبي اعليك يبني .. ونبضه اختل

*يبني هَد حيلي مُصابك .. ياوِريدي*
*مالي حِمل اعله غِيابك .. علي اوليدي*

*ياعلي ونيران بضلوعي سِريه*
*العفه اعله الدنيا بعدك ياشِفيه*

*آ يا الاكبر*

••••••••••••••••••••••••••••••••••••••••••

ياحبيبي ومُهجتي .. وياحِلم عمري
مِن طحت يوليدي .. طاح اوياك صبري
إنهدم حِصني وكياني .. انهدم قصري
كترك ابدمعه جِريه .. احفرت قبري

بالدِّمه سابح يروحي .. وطِحِت يَمك
بالقلب زادت جروحي .. جيت اضُمك

*منين اجتني يالولد هاي الرِزيه*
*العفه اعله الدنيا بعدك ياشِفيه*

*آ يا الاكبر*

••••••••••••••••••••••••••••••••••••••••••

أبد ماچان اعله بالي .. اتروح مني
يبني يالاكبر يغالي .. زاد وني
منهو بالشده يروحي .. ايذود عني
آه منك أيَسِتْ .. واقطعِت ظني

عالتُرب يابدر ليلي .. وسفه مذبوح
وابد مايبرد غليلي .. يا دِوا الروح

*زاد يبني ياعلي هم العليه*
*العفه اعله الدنيا بعدك ياشِفيه*

*آ يا الاكبر*

••••••••••••••••••••••••••••••••••••••••••

لخادمة النبي الاكرم ص (م)

رقيه التركي - دولة الكويت

{{ *اللهم عجل لوليك الفرج*}}

*اسالكم الدعاء للشفاء والفرج*
*عن اختي وصديقتي الغاليه*

← *لا اسمح بإزالة الاسم عند الارسال*→


لخدمتكم قناتنا عالتلقرام : *نَبِيِ الحياة*

https://t.me/NaBiAlHaYAT

قناة المحاضرات : *شَذرات مُحمديه*

https://t.me/MOha7979


✨ مدد يا أبا الزهراء ✨