يبو الهم الثجيل .. بدمعه سچّابه
تَعنّه للكريم الما يسد بابه

••••••••••

يبو الهم .. البعد ما تگدر اتحمله
وچم دكتور .. يعجز جرحك ايشلّه
ادلّيك بطبيب الما يصح مثله
دِنَت ذكرى مصابه .. وآه يمصابه

••••••••••

بعينك من بُعد لو تلمح القُبّه
تحس چن للوطن راجع بعد غربه
تاخذ طِلبتك من خير ابو طلبه
ابو ادْلال ودِليل .. امدلّل احبابه

••••••••••

من تلْگه الزچيه اهناك .. واسيها
واذا ضيَّعَت گبره .. بگبره دليها
تدري بقُنفذ اعله العين ماذيها
بعد لسّه الحَمار اتلفّه عصّابه

••••••••••

استغلها ولا تظن هالفرصه تتعوّض
المحال ايصير ممكن .. والهوه ينكض
بس إقسم عليه بالصدر المرضرض
بصدرك ما تظل نيران لهّابه

••••••••••

وسط شبّاچ گبره الوصفه تلگاها
بحزن .. (هذا الغريب منين) تنعاها
ووره (ياسين) .. (عاشوراء) تقراها
بدمعه .. وتاخذ الردته عله اعتابه

••••••••••

اجيتك گله مولاي وتركت الناس
امدنگِ الراس .. وابابك اشيل الراس
واذا تگدر .. حَدِي اقراله عله العباس
من زينب تعاتب ساعة اغيابه

••••••••••

✍️خادم باب المراد✍️
احمد هادي الشمري