انحسبت عليك بس اعليك انه ابعيد
يل املبسني بيدك انته اطهر ثوب
فهمني العشگ ينراد نشمي وياك
يل مادرت وجهك من لگيت اذنوب
علمني استحي من افعالي لا موخوف
اليخاف من الذنب يرجعله من ايتوب
واحچيلي اليحب مو چلمه التنگال
واريد الچم والچم ناسك انه انوب
اشكثر عنك طرت لكن ارد مچتوف
ابعتبتك واعترف تبقى انته اعز محبوب
يلفاتحلي گلبك ارد اظل وياك
عليك الزهره لاتطبگ ابوجهي البوب
بيظه افتحلي صفحه وياك يامولاي
عليك ال من وگع حيلك صبح متعوب
اظمن دمعتي وخليني احس بالااه
واريد احترگ بالطف ويه كل مكتوب