🌿 Shayton makri...
Yarim kechasi bir kishi imom Abu Hanifaning uyiga iltimos bilan keldi:
- Qachondir pullarimni yashirib qoʻygan edim. Ammo hozir qayerga berkitganimni eslay olmayabman. Shu sababli sizdan topishga koʻmak berishingizni iltimos qilib kelgandim.
Shunda Abu Hanifa unga javob berdi:
- Yoʻqolgan buyumlarni qidirish vazifam doirasiga kirmasada, sizga yordam berishga harakat qilaman.
Biroz oʻylanib, yana soʻzida davom etdi:
- Uyingizga boring. Tongga qadar namoz bilan mashgʻul boʻling. Umid qilamanki, Allohning izni ila siz berkitilgan molingizni qayerdaligini eslaysiz.
Haligi kishi biroz ikkilanib uyiga qaytdi.
Tahorat olib, namozga hozir boʻlgan ham ediki, pullarini qayerdaligi yodiga tushdi.
Namozni tezda tugatib, u muqaddam pulini berkitkan yerga borib, oʻsha yerdan uni qazib oldi.
Tongda esa imom Abu Hanifaning huzuriga kelib, boʻlgan voqeani quvonch bilan soʻzlab berdi va bu borada qilgan yordami uchun imomga tashakkur bildirdi.
- Aytingchi, namoz oʻqishni boshlashim bilan molimni qayerga koʻmilganini eslashimni qayerdan bildingiz?
- Men Iblis sizni namozda tinch qoʻymasligini bilardim. U sizni tongga qadar ibodat qilib, ajrga ega boʻlmasligingiz uchun yashiringan boyliklaringizni yodingizga soldi, - deb, Abu Hanifa tabassum qildi.
Namozning ajri shu qadar bisyorki, shayton dunyoni bor boyligini oyogʻingiz ostiga tushab ham sizni shu ajrdan mosuvo qilishga urinadi. Siz esa bunga aldanib qolmang...
@Alloh_yolida_ilm🕊