O‘ZBEKISTON RESPUBLIKASINING QONUNI
QUROL TO‘G‘RISIDA
5-modda.
Qurolning turlari
Qurol mo‘ljallanilgan maqsadi hamda asosiy parametrlari va tavsiflariga ko‘ra fuqaroviy qurol, xizmat quroli va jangovar qurol turlariga bo‘linadi.
6-modda. Fuqaroviy qurol
Ov va sport bilan shug‘ullanish uchun, shuningdek o‘zini o‘zi himoya qilish maqsadida foydalanish uchun mo‘ljallangan qurol fuqaroviy qurol jumlasiga kiradi.
Fuqaroviy qurol quyidagilarga bo‘linadi:
1) ov quroli:
soyli stvolli o‘qotar qurol;
silliq stvolli o‘qotar qurol, shu jumladan soyli qismining uzunligi bir yuz qirq millimetrdan oshmaydigan o‘qotar qurol;
kombinatsiyalangan (soyli stvolli va silliq stvolli) o‘qotar qurol, shu jumladan almashtiriladigan va joylashtiriladigan soyli stvolli o‘qotar qurol;
og‘iz qismidagi quvvat 7,5 jouldan yuqori va kalibri 4,5 millimetrdan ortiq bo‘lgan pnevmatik qurol;
tig‘li sovuq qurol (ov pichoqlari, ov xanjarchalari va xanjarlar);
signal beruvchi qurol;
2) sport quroli:
soyli stvolli o‘qotar qurol;
silliq stvolli o‘qotar qurol;
tig‘li sovuq qurol (rapiralar, shpagalar va qilichlar);
uloqtirish quroli (kamonlar, arbaletlar va nayzalar);
og‘iz qismidagi quvvat 3 jouldan yuqori bo‘lgan pnevmatik qurol;
signal beruvchi qurol;
3) o‘zini o‘zi himoya qilish quroli:
gazli qurol — ko‘zdan yosh oqizadigan yoki achishtiradigan moddalar bilan to‘ldirilgan gazli ballonchalar, mexanik purkagichlar, aerozolli qurilmalar va boshqa qurilmalar;
elektroshok qurilmalari, uchqun chiqargichlar va shikast yetkazuvchi ta’siri elektr energiyasidan foydalanishga asoslangan boshqa qurilmalar.
Fuqaroviy o‘qotar qurol qatorasiga o‘q uzishni istisno etishi va o‘qdon (baraban) sig‘imi o‘n dona patrondan ortiq bo‘lmasligi kerak.
Ⓜ️anba:
@kadr_ortida🔻kanalga obuna bòling🔻
https://t.me/joinchat/AAAAAE8nvHB9kAr4LTWIIg