نعتیه غزل


کاش  چـې  وای  جانانه  سـتادکلـي  اوکوڅې ملنګ
سـتا دقـبر خـوا کــي وای! وای ستا   دمـقبرې  ملنګ

کاش چې زندګي مې ستادشنی ګومبتي خواکې وای
کـاش چـې دي حـبیبه تـل مـدام وای  دروضـې ملنګ

نـه  دابیلتون  وای  نه  به  زه  داسې  عجم  کې وای
وای  چــې  دي  دکـلي  او وای  سـتا  ددروازې  ملنګ

زه  چـې  دي  جانانـه  دمـزار  خـواکې  تل  تم  ولای
زه  دی ولای یاره هـم  ده ورځـي  هـم دشپـې ملنګ

مینـځ  کـې  مـو  حبیبه  له  مودونه  جدایې نه وای
ای  مــــداني   یــاره  زه  دي   واي  دمــدیـنې  ملنګ

نـه  کـوي  قسـمت  یـاری  چـې یـو ځلـي  مې  درولي
وای   (مــظـلوم آشــنا)  دمــدیني   مـــنورې   ملنګ


مظلوم آشنا!!