Dublyaj sanʼati dan repost
SANOBAR SODIQOVA ⭐
U 1969 yil 12 aprelda Toshkent viloyati, Oqqo'rg'on tumanida tavallud topgan.
Hamza nomidagi 6-o'rta maktabda o'qigan.
1984-1988 yillarda Yunus Rajabiy musiqa pedagogika bilim yurtida tahsil olgan va Oqqo'rg'on tumanidagi bog'chada 1 yil musiqa tarbiyachisi bo'lib ishlagan.
Keyin esa 1990-1994 yillarda Teatr va rassomchilik institutining qo'g'irchoq teatri aktrisasi fakultetida tahsil olgan.
Aktrisa oliygohning 4-bosqichida o'qiyotgan davrida "Yosh tomoshabinlar" teatrida kasting e'lon qilinadi va undan Sanobar Sodiqova ham o'tadi. Shu tariqa aktrisa teatrdagi faoliyatini boshlaydi.
So'ngra uni 1995 yilda O'zbekiston Milliy Teleradiokompaniyasining "Oqshom ertaklari" kursatuviga boshlovchi sifatida taklif qilishgan. 1997 yildan esa O'zbekiston MTRKda boshlovchi va muharrir sifatida ishga qabul qilingan.
2012 yilga qadar televideniyada "Oqshom ertaklari", "Maktublar va kabutarlar" kursatuvlarini olib borgan.
Sanobar Sodiqova 2001 yilda "Sohibjamol va Mahluq" (Sohibjamol obrazi) multfilmidagi debyut ishi bilan dublyaj sohasiga qadam qo'ygan.
Ammo, shuni ham ta'kidlash joizki, ilk dublyaj ishi oson kechmaydi, kuchli hayajon sabab ovoz berish pallasida bo'lajak aktrisaning hayajondan ovozi chiqmay qolgan paytlari ham kuzatilgan. Ana shunday mashaqqatli onlar tabiiyki, aktrisani dublyaj dunyosida toblagan.
Uning dublyajga kirib kelishida rejissyor Komil Tursunboyevning o'rni beqiyosdir. Dublyajdagi debyut rolni aktrisaga aynan Komil Tursunboyev ishonib topshirgan.
Shuningdek, dublyajda aktrisaga marhum rejissyorlar Kamoliddin Usmonov, Yo'ldosh Abdukarimov, Matyoqub Orziyev, Ulug'bek Abdusoatov, Anvar Fayzullayev, Muhammadjon Xo'jayev hamda Oybarchin Bakirovalar ham ustozlik qilishgan.
Debyut ishidan so'ng, Sanobar Sodiqova marhum dublyaj rejissyori Kamoliddin Usmonov bilan ishlashga muvaffaq bo'lgan. Ushbu boshlangan dublyaj jarayoni ham juda qiziq bo'lgan.
Sanobar Sodiqovaga fermer ayol haqidagi serialda janjalkash ayol obrazi berilgan va uning epizodida Sanobar Sodiqova hech qachon ishlatmagan uyatli, haqorat so'zlari bo'lgani sababli ovoz berish jarayoni ancha qiyinchilik bilan o'tgan. Bu haqda aktrisa quyidagilarni xotirlaydi:
- "Kamoliddin Usmonovning oldida qanday qilib bu gaplarni gapiraman deb rosa qiynalganman.
Ishonasizmi, ichimda shu epizodni chiqarib berolmasam kerak deganimda Kamoliddin aka meni tushunib - qizim bu obraz xolos, Siz emassizku! Matnni olib ketib, uyda tayorlanib keling, deganlar.
Ertasi kuni uyatga qolmayin deb jon jahdim bilan o’sha men uchun uyatli bo'lgan gapni o'qiganimda, - Ey bor ekansizku! Endi ovozingizni eshitdim, Sizga bu yog'iga faqat qahramonlarni beraman deb kulganlar. Keyinchalik, turli bosh qahramonlarni ishonib topshirganlar.
Hech ham esimdan chiqmaydi, ruschalab - "не плач" yig'loqi ovoz bo'lmasin, "не пой" deb ovozimni tarbiya qilganlar."
Oxirgi paytlarda esa Sanobar Sodiqova rejissyor Bahodir Qosimov bilan ham hamkorlikda katta loyihalarda ishlab kelmoqda.
Sanobar Sodiqova bugunga qadar "Tutash taqdirlar" (Nargiza), "Opa-singillar" (Feruza Saidovaga), "Feride" (Feride), "Elparvar" (Feruza Yusupovaga), "Telba" (Shirin), "Vir va Zara" (Shabu), "Hovli" (Denis, Dudu), "Sevgi iztirobi" (Zaynab, Vildan, Leyla), "Istanbullik kelin", "G'aroyib doktor" (Nazli), "Zolim Istanbul" (Sheniz, Jeren, Oyba), "Beqaror" (Gul, Zehra, Yaren), "Qora niyat" (Zeyneb) kabi yuzlab milliy va xorijiy badiiy filmlar hamda teleseriallarga ovoz bergan.
Aktrisa oilali, o'g'il farzandning onasi.
Qiziqishlari:
Sanobar Sodiqova turli xorijiy tillarni o'rganishga qiziqadi. Yoga bilan shug'ullanadi. Ba'zida gitara chalib, hirgoyi qilishni ham hush ko'radi.
Sevimli fasllari - bahor va kuz.
Yoqtirgan rangi - yashil.
Sevimli kino aktrisalari - Ra'no Shodiyeva va Feruza Saidova.
Yoqtirgan filmlari - "Issiq non" milliy filmi hamda Rani Mukerji ishtirokidagi "Zulmat" va "Hiqichoq" filmlari shuningdek, Uill Smit ishtirokidagi barcha filmlar.
👉 @dublyaj_sanati 🎙️
U 1969 yil 12 aprelda Toshkent viloyati, Oqqo'rg'on tumanida tavallud topgan.
Hamza nomidagi 6-o'rta maktabda o'qigan.
1984-1988 yillarda Yunus Rajabiy musiqa pedagogika bilim yurtida tahsil olgan va Oqqo'rg'on tumanidagi bog'chada 1 yil musiqa tarbiyachisi bo'lib ishlagan.
Keyin esa 1990-1994 yillarda Teatr va rassomchilik institutining qo'g'irchoq teatri aktrisasi fakultetida tahsil olgan.
Aktrisa oliygohning 4-bosqichida o'qiyotgan davrida "Yosh tomoshabinlar" teatrida kasting e'lon qilinadi va undan Sanobar Sodiqova ham o'tadi. Shu tariqa aktrisa teatrdagi faoliyatini boshlaydi.
So'ngra uni 1995 yilda O'zbekiston Milliy Teleradiokompaniyasining "Oqshom ertaklari" kursatuviga boshlovchi sifatida taklif qilishgan. 1997 yildan esa O'zbekiston MTRKda boshlovchi va muharrir sifatida ishga qabul qilingan.
2012 yilga qadar televideniyada "Oqshom ertaklari", "Maktublar va kabutarlar" kursatuvlarini olib borgan.
Sanobar Sodiqova 2001 yilda "Sohibjamol va Mahluq" (Sohibjamol obrazi) multfilmidagi debyut ishi bilan dublyaj sohasiga qadam qo'ygan.
Ammo, shuni ham ta'kidlash joizki, ilk dublyaj ishi oson kechmaydi, kuchli hayajon sabab ovoz berish pallasida bo'lajak aktrisaning hayajondan ovozi chiqmay qolgan paytlari ham kuzatilgan. Ana shunday mashaqqatli onlar tabiiyki, aktrisani dublyaj dunyosida toblagan.
Uning dublyajga kirib kelishida rejissyor Komil Tursunboyevning o'rni beqiyosdir. Dublyajdagi debyut rolni aktrisaga aynan Komil Tursunboyev ishonib topshirgan.
Shuningdek, dublyajda aktrisaga marhum rejissyorlar Kamoliddin Usmonov, Yo'ldosh Abdukarimov, Matyoqub Orziyev, Ulug'bek Abdusoatov, Anvar Fayzullayev, Muhammadjon Xo'jayev hamda Oybarchin Bakirovalar ham ustozlik qilishgan.
Debyut ishidan so'ng, Sanobar Sodiqova marhum dublyaj rejissyori Kamoliddin Usmonov bilan ishlashga muvaffaq bo'lgan. Ushbu boshlangan dublyaj jarayoni ham juda qiziq bo'lgan.
Sanobar Sodiqovaga fermer ayol haqidagi serialda janjalkash ayol obrazi berilgan va uning epizodida Sanobar Sodiqova hech qachon ishlatmagan uyatli, haqorat so'zlari bo'lgani sababli ovoz berish jarayoni ancha qiyinchilik bilan o'tgan. Bu haqda aktrisa quyidagilarni xotirlaydi:
- "Kamoliddin Usmonovning oldida qanday qilib bu gaplarni gapiraman deb rosa qiynalganman.
Ishonasizmi, ichimda shu epizodni chiqarib berolmasam kerak deganimda Kamoliddin aka meni tushunib - qizim bu obraz xolos, Siz emassizku! Matnni olib ketib, uyda tayorlanib keling, deganlar.
Ertasi kuni uyatga qolmayin deb jon jahdim bilan o’sha men uchun uyatli bo'lgan gapni o'qiganimda, - Ey bor ekansizku! Endi ovozingizni eshitdim, Sizga bu yog'iga faqat qahramonlarni beraman deb kulganlar. Keyinchalik, turli bosh qahramonlarni ishonib topshirganlar.
Hech ham esimdan chiqmaydi, ruschalab - "не плач" yig'loqi ovoz bo'lmasin, "не пой" deb ovozimni tarbiya qilganlar."
Oxirgi paytlarda esa Sanobar Sodiqova rejissyor Bahodir Qosimov bilan ham hamkorlikda katta loyihalarda ishlab kelmoqda.
Sanobar Sodiqova bugunga qadar "Tutash taqdirlar" (Nargiza), "Opa-singillar" (Feruza Saidovaga), "Feride" (Feride), "Elparvar" (Feruza Yusupovaga), "Telba" (Shirin), "Vir va Zara" (Shabu), "Hovli" (Denis, Dudu), "Sevgi iztirobi" (Zaynab, Vildan, Leyla), "Istanbullik kelin", "G'aroyib doktor" (Nazli), "Zolim Istanbul" (Sheniz, Jeren, Oyba), "Beqaror" (Gul, Zehra, Yaren), "Qora niyat" (Zeyneb) kabi yuzlab milliy va xorijiy badiiy filmlar hamda teleseriallarga ovoz bergan.
Aktrisa oilali, o'g'il farzandning onasi.
Qiziqishlari:
Sanobar Sodiqova turli xorijiy tillarni o'rganishga qiziqadi. Yoga bilan shug'ullanadi. Ba'zida gitara chalib, hirgoyi qilishni ham hush ko'radi.
Sevimli fasllari - bahor va kuz.
Yoqtirgan rangi - yashil.
Sevimli kino aktrisalari - Ra'no Shodiyeva va Feruza Saidova.
Yoqtirgan filmlari - "Issiq non" milliy filmi hamda Rani Mukerji ishtirokidagi "Zulmat" va "Hiqichoq" filmlari shuningdek, Uill Smit ishtirokidagi barcha filmlar.
👉 @dublyaj_sanati 🎙️