Jamolbek Salomov | BLOG

PAXTACHIDAGI "QIZBUTOG'" UZOQ O'TMISHDAN SO'ZLAYDI

#TARIXIY_RIVOYAT

Mening saksondan oshgan momojonim borlar. Ular menga ko'plab hikoyalar aytib beradilar. Bir kuni ana shunday qiziqarli rivoyatni aytib berdilar. Bu rivoyat Samarqand viloyatining Paxtachi tumanida joylashgan Ziyovuddin tog' tizmasining "Qizbutog'" deb atalmish tog'lari haqida edi. Shu rivoyatni sizga to'lig'icha ilindim.

"Qadimda, Buxoro amirligi biz yashayotgan Paxtachi tumani hududlarini ham o'z tasarrufiga olgan ekan. O'sha kezlarda bu yerlar Zarafshon vodiysi deyilgan. Bilamiz-ki, o'tmishda podshohlar, yoki amaldorlar o'z davlatidagi go'zal qizlarni sotishgan yoki o'zlariga olishgan. Bunday siyosat bizning go'zal pariylarimizni ham chetlab o'tmagan. Kunlardan bir kun amirlikning zulmidan charchagan xalqimizning yoshi ulug' otaxonlari yig'ilib bir reja o'ylashibdi. Endi amirlik lashkarlari qizlarni olib ketishga kelishsa qizlarimizni tog'ga yashirib qo'yamiz deyishibdi. Amirlikning lashkarlari uzoq ko'rina boshlabdi, otaxonlar esa rejadagidek qizlarni tog' bag'riga qochirishibdi. Lashkardan bir askar qizlarni tog' tomon qochayotganini ko'rib qolibdi va askarlar ularning ortidan quva boshlashibdi. Qizlar yuraklari tola alam va qayg'u bilan yig'lab qochaveribdilar. Qizlarning biri tog' tomondan bir tuynukka ko'zi tushib sheriklarini ham shu tuynuk tomon chorlabdi. Qizlar bari shu yerga, tog' etagidagi tuynukka kirib, ko'zdan g'oyib bo'lishibdi. Askarlar qizlarni izlab topa olishmabdilar. Shu-shu o'sha zamonlardan beri bu qizlarni hech kim qaytib ko'rishmasmish. Lekin shu voqeadan so'ng o'sha tog' uzoqdan qarasa bir go'zal pariro'y qizning oyoq uzatib yotganiga o'xshab turadi. Shu sabab bu tog'ning nomi haligacha "Qizbutog'" deb ataladi... "

Ha, bu rivoyatni eshitib, uning oz bo'lsada haqiqatga yaqinligini his etaman. Shu hislarim, o'ylarim meni har safar shu" Qizbutog'"ni ko'rganda o'sha pari qizlar chiqisharmikin degan hayollarga tortadi...

Jamolbek Salomov

@Jamolbek_Salomov

#Tezkor

Учта ОТМга ректор тайинланди

Ҳукумат қарори (420-сон, 03.07.2020 й.) билан:

➖ Гайрат Азатович Муратов Тошкент шаҳридаги Аджу университетининг ректори этиб;

➖ Камал Саидакбарович Ризаев Тошкент фармацевтика институтининг ректори этиб;

➖ Жамшид Шухратуллаевич Иноятходжаев Тошкент шаҳридаги Турин политехника университети ректори вазифасини бажарувчи этиб тайинланди.


@Jamolbek_Salomov

#Tezkor

O'zbekiston Qirg'izistonga 8 tonna gumanitar yordam jo'natdi.

@Jamolbek_Salomov

Yurtimizda partiyalar hayotiga bag'ishlangan so'rovnomamizning 2-qismida hozircha natijalar quyidagicha:

👁‍🗨 Kuzatuvchilar 826 nafar
🔘 Qatnashganlar 380 nafar

@Jamolbek_Salomov

Yurtimizda partiyalar hayotiga bag'ishlangan so'rovnomamizning 1-qismida hozircha natijalar quyidagicha:

👁‍🗨 Kuzatuvchilar 665 nafar
🔘 Qatnashganlar 259 nafar

@Jamolbek_Salomov

#KUN_TARIXI

Bugun 4 iyul

👥Xalqaro kooperatsiyasi kuni (1994 y) (Har yili iyul oyining birinchi shanbasida nishonlanadi). 

🇺🇸AQSH mustaqilligi kuni
(1776)
 🧍‍♀Lewis Carrollqalamiga mansub „Alisa moʻjizalar mamlakatida" asari nashr qilingan kun (1865)

@Jamolbek_Salomov

OTA: O'G'LIM QAYERDASAN?
O'G'IL: QIRNING TEPASIDA, ONLINE DARS QILYAPMAN.

#dolzarb_muammo

Yurtimizda boshlangan pandemiya va u sabab e'lon qilingan karantin qoidalari bizda ko'plab sohalarning oqsayotganligini ko'rsatdi desam mubolag'a bo'lmaydi menimcha. Bugun shunday sohalardan biri va u bilan bog’liq jarayon haqida yozmoqchiman.
Karantin e'lon qilingach talabalar, o'quvchilar va o'qituvchilar, maktabgacha tarbiya sohasidagilar va undagi tarbiyalanuvchilar uyda qolishga majbur bo'lishdi. Hukumat dars mashg'ulotlarini Televideniye va ijtimoiy tarmoqlardagi sahifalar orqali namoyish etish hamda o'quvchi va talabalarni baholash jarayonini shakllantirdi. Bu juda yaxshi, ammo ba'zi bir muammolar shu jarayon qatnashchilari bo'lmish o'quvchilar, o'qituvchilar va talabalarga juda katta qiyinchilik, ovvoragarchilik, sarsongarchilikka olib keldi. Bu bugun biz gapirmoqchi bo'lgan "Internet" muammosi. Men boshqa joylar haqida emas, balki o'zim yashab kelayotgan hududdan kelib chiqib yozyapman va bilaman-ki, yurtimizda bizning hududga o'xshash manzillar bisyor.

Men Samarqand viloyatining Paxtachi tumani Fay mahallasida yashayman. Yoshim 22 ga yetib, shu yerda tug'ilib yashab kelyapman-ki, hali bizning mahallada mobil aloqa muammosi hal bo'lgani yo'q. "Mayli" deya sabr qilib yashab kelayotgan aholiga aynan shu yil bu muammoning oqibati juda alam qildi.
Kimdir onlayn dars qilish, kimdir onlayn dars o'tish uchun ovvorayi-sarson bo'lishdi.
- Qayerga? deya so'rayman ertalabdan
- Darsim boshlanadi qirga ketyapman. Deya javob beradi sho'rlik talaba yoki o'quvchi yoki bo'lmasa o'qituvchilar.

Qaysidir biri maktab hududiga boradi. Sababi mahallamizda shu yerda Internet yaxshi.

Yana qaysidir bechora narpay kanali ko'prigi ustida terlab ko'rinadi. Albatta u ham onlayn darsda...

Mahalladagi bunday holatni ko'rib bir tarafdan kulging qistasa, bir tarafdan bechora va sho'rliklarga rahming keladi. Axir mahallada "E" zo'rg'a yonsa, u ham tayinli ishlamasa nima qilishsin?
Mahallamizda bunaqa "bechora va sho'rliklar" ko'pchilik. Qaysidir abituriyent, qaysidir o'quvchi, yana qaysidir talaba...

Shu o'rinda aziz va hurmatli mutasaddilarga ayrim savollarni bermoqchiman. Mana shu qishloqdagi ko'p yillik Internet muammosi qachon hal etiladi? Nima bu mahallaning o'quvchi, o'qituvchi yoki talabalari o'zining shinamgina uyida yoki hovlisida Internetdan foydalanishga haqli emasmi? Qachongacha hali qir-adirga, hali maktab hududiga, hali ko'prikka Internet izlab sarson bo'lishadi?

Bugungi kunda davlatimiz rahbari yurtimizda dasturchilarni tayyorlashga katta e'tibor berayotgan bir paytda Fay mahallasi kabi "Interneti beton" hududlardagi yoshlar qayerda bunday narsalarni o'rganishsin? Yana qir-adirga chopishsinmi yoki millionlab sarflab markazlarda ijarama-ijara yurib pulga markazlarga borib o'rganishsinmi?

Bu kabi savollarni yana ko'plab berishim mumkin. Lekin muammoni ko'tarib chiqish boshqa, uni hal etish boshqa. Fay mahallasidagi ko'p yillik va bugungi kunda juda dolzarb bu muammoni hal etish albatta tegishli mutasaddilarga bog'liq. Shunday ekan mahalladagi bu muammo yuzasidan mutasaddilarimizdan ijobiy reaksiyani kutib qolamiz.

Jamolbek Salomov

@Jamolbek_Salomov

#UYDA_QOLING!

#Diqqat

Соғлиқни сақлаш вазирига тўртта янги ўринбосар тайинланди

Ўзбекистон Республикаси Президентининг шу йил 3 июлдаги тегишли қарорига асосан Соғлиқни сақлаш вазирининг ўринбосари лавозимига Сабиров Улуғбек Юсупхонович, Баситханова Эльмира Иркиновна, Шарахметов Шахрух Шатургунович, Азизов Абдулла Абдусаламовичлар тайинланди.

@Jamolbek_Salomov

#Barchamiz_kutgan_yangilik

​​Прописка бўйича энг сўнгги ўзгаришлар

Ўзбекистонда ниҳоят "прописка" деб аталмиш "оёғимиздаги тушов" парчаланмоқда. Бунга шахсан президент ҳам аралашгач, жараён анча жиддийлашди ва тезлашди.

Қуйида энг муҳим янгиликларни эслаб ўтамиз.

✅ Фуқароларни прописка қилишда аввалги доимий яшаш жойидан рўйхатдан чиқариш тартиби бекор қилинмоқда.

✅ Пропискани расмийлаштиришда паспорт, уй дафтари ёки хонадон карточкасига рўйхатга олиш штампини босиш амалиёти бекор қилинмоқда.

✅ Прописка қилинаётганда "военкомат"га бориб, ҳарбий ҳисобдан чиқиш ва туриш тартиби бекор қилинади.

✅ Солиқ идораларида ҳисобга олинган ижара шартномаси ҳақида маълумот тақдим этилганда вақтинча турган жойи бўйича рўйхатга олинишда уй эгасининг розилиги талаб этилмайди.

✅ Туғилган болага гувоҳнома расмийлаштириш чоғида отаси ёки онасининг доимий яшаш манзилига идоралараро электрон маълумотларни киритиш йўли билан прописка қилинади.

✅ Бирор ҳудудда доимий рўйхатга олинган фуқаролар бошқа манзилда яшаса, турган жойи бўйича вақтинча рўйхатга олиниши шарт эмас ва паспорт тизими қоидаларини бузган ҳисобланмайди.

✅ Доимий ва вақтинча прописка ишларини Ягона интерактив давлат хизматлари портали орқали амалга ошириш имконияти яратилади.

✅ Тошкент шаҳри ва Тошкент вилоятида – 2020 йил 1 сентябрдан, Қорақалпоғистон ва вилоятларда – 2021 йил 1 январдан бошлаб фуқароларни прописка қилиш ишлари “ягона дарча” тамойили асосида ИИВ “Манзил” автоматлаштирилган ахборот тизими воситасида амалга оширилади.

✅ “Прописка қилиш” тушунчаси “рўйхатга олиш” тушунчасига ўзгартирилди.

✅ Биринчи ва иккинчи даражадаги қариндошларни ўз номидаги бошқа уй-жойга доимий яшаш жойи бўйича рўйхатга қўйиш мумкин.

✅ Эр-хотиннинг никоҳдан кейин бир йил бирга яшаш шарти ва бир йил ичида никоҳ бекор қилинса, прописка йўқотилиши ҳақидаги қоида олиб ташланди.

✅ Оилага тарбияга олинган (патронат) шахслар тутинган ота-онасининг уйига прописка қилинади.

✅ Аввал пропискада бўлганлар қайтиб келганида ҳеч қандай тўсиқларсиз қайта прописка қилинади.

✅ Давлат ишига чақирилган амалдорларнинг пропискаси ишдан бўшаса ҳам, энди куйиб кетмайди.

✅ Давлат ташкилотларида 5 йил узлуксиз ишлаётган мутахассислар ҳам пропискага олинади.

✅ Пойтахтда янги қурилган уйларни сотиб олиб, уч йил ичида сотган ҳолатларда қўлланиладиган давлат божининг алоҳида ставкалари бекор қилинди.

✅ Уй сотиб олишда прописка талаб қилинмайди.

✅ Прописка тартибини бузганлар ўша манзилдан чиқариб юборилмайди.

✅ 2020 йил 1 сентябрдан пропискасиз яшаш муддати 15 кун, пропискага қўйиш бир кун этиб белгиланди.

@Jamolbek_Salomov

Пахтачи тумани камбағал аҳолиси сони бўйича энг юқори ўринда

Самарқанд вилоятининг Пахтачи туманида камбағал аҳоли фоизи энг юқори кўрсаткични ташкил қилади. Энг паст кўрсаткич Самарқанд туманида. Бошқа туманлардаги аҳвол юқоридаги инфографикада келтирилган.

Самарқанд вилоят иқтисодий тараққиёт ва камбағалликни қисқартириш бош бошқармаси.

@Jamolbek_Salomov

❗️Навоийлик шифокорларнинг коронавирус юқтиргани расман тасдиқланди

Сўнгги кунларда ижтимоий тармоқларида Навоий вилоят фтизиатрия ва пульмонология маркази ходими С.Аҳмадовнинг Президентга мурожаат қилиб, ўзи фаолият олиб бораётган шифохонадаги айрим ходимларда коронавирус инфекцияси аниқланган бўлса-да, масъуллар томонидан ҳеч қандай чора кўрилмагани баён этилган эди.

🦠 Ўрганиш ва суриштирув ишларига кўра, ҳақиқатан ҳам мазкур тиббиёт муассасасининг реанимация бўлимида фаолият олиб бораётган тиббиёт ходимларининг бир неча нафарида коронавирус инфекцияси билан касалланишнинг дастлабки ҳолатлари қайд этилганлиги ўз тасдиғини топган.

🚧 Вилоят фтизиатрия ва пульмонология марказининг реанимация бўлими карантинга ёпилиб, ҳуқуқ тартибот ходимлари томонидан қўриққа олинган.

‼️ Муассасада фаолият олиб бораётган бошқа барча тиббиёт ходимлари, беморлар ҳамда улар билан яқин мулоқотда бўлган барча фуқаролар умумий назоартга олиниб, карантин тартиблари қатъийлаштирилган.

@Jamolbek_Salomov

#KUN_TARIXI

Bugun 2 iyul

 🇺🇿O'zbekiston Respublikasining Davlat Gerbi (1992) tasdiqlangan kun

🇷🇺Zolotoy Rog sohilida Aleksey Shefner Vladivostok shahriga asos soldi

🚕Sami Naseri Fransuz aktyori tavallud topgan (mashhur Taksi filmida bosh rolni ijro etgan)

@Jamolbek_Salomov

#UYDA_QOLING!

#korrupsiya

СамДАҚИ ўқитувчиси 2 минг АҚШ доллари миқдорида пора олаётганда қўлга тушди

2020 йил 16 июнь куни Самарқанд вилояти ички ишлар бошқармасига 1987 йилда Самарқанд туманида туғилган фуқаро ариза билан мурожаат қилиб, Самарқанд давлат архитектура-қурилиш институти ўқитувчиси 5000 АҚШ доллари эвазига олийгоҳга ўқишга киритишни ваъда қилаётгани, олдиндан 2000 АҚШ доллари миқдоридаги пулларни беришини сўраётгани, қолганини ўқишга киргандан кейин олишини билдираётганини маълум қилиб, унга нисбатан қонуний чора кўришни сўраган.

Мазкур аризага асосан, 2020 йил 16 июнь куни Самарқанд вилояти ички ишлар бошқармаси жиноят қидирув бошқармаси коррупция ва иқтисодий жиноятларга қарши курашиш бўлими ҳамда ДХХ вилоят бошқармаси ходимлари томонидан ўтказилган тезкор тадбирда ушбу фуқаро ариза муаллифидан 2.000 АҚШ доллари миқдоридаги пулларни олаётган вақтида ашёвий далиллар билан ушланди.

Самарқанд вилояти ИИБ ахборот хизмати.

@Jamolbek_Salomov