ဘားအံမြို့နယ်၊ တောင်ကလေးကျေးရွာ နှစ်သစ်ကူးကွင်းတွင် ကျင်းပမည့် (၃၃) ကြိမ်မြောက် ကရင်နှစ်သစ်ကူးပွဲတော် အထိမ်းအမှတ်အဖြစ် ကရင်အမျိုးသားအလံတော် သင်္ကေတရုပ်တု ပြုလုပ်ထား

ကရင်ပြည်နယ်၊ ဘားအံမြို့နယ်၊ တောင်ကလေးကျေးရွာ နှစ်သစ်ကူးကွင်းတွင် ကျင်းပမည့် (၃၃) ကြိမ်မြောက် ကရင်နှစ်သစ်ကူးပွဲ တော်အထိမ်းအမှတ်အဖြစ် အလျား ပေ ၇၀၊ အမြင့် ၄၆ ပေရှိ ကရင်အမျိုးသားအလံတော် သင်္ကေတရုပ်တုအား ပြုလုပ်ထားကြောင်း သိရသည်။

နှစ်စဉ် မြန်မာသက္ကရာဇ် ပြာသိုလဆန်း (၁)ရက်နေ့အား ကရင်နှစ်သစ်ကူးနေ့အဖြစ် သတ်မှတ်ကာ အထိမ်းအမှတ်ပွဲတော်များ ကျင်းပလေ့ရှိကြောင်းနှင့် ယခု ခရစ်သက္ကရာဇ် ၂၀၂၄ ခုနှစ်၏ ထူးခြားချက်အနေဖြင့် တစ်နှစ်အတွင်း ကရင်နှစ်သစ်ကူး နှစ်ကြိမ်ကျရောက်နေကြောင်း ဒေသခံတစ်ဦးက ဆိုသည်။