OTFIV | Sirdaryo

Sirdaryo tuman politexnikumida "Kredit-modul tizimi" haqida seminar o‘tkazildi.

2024-yil 25-dekabr kuni Sirdaryo tuman politexnikumida Guliston davlat pedagogika instituti pedagoglari ishtirokida ta’lim jarayoniga "Kredit-modul tizimi"ni joriy etish bo‘yicha o‘quv-amaliy seminar o‘tkazildi.

Seminarda "Kredit-modul tizimi"ni tatbiq etish orqali ta’lim sifatini xalqaro standartlarga mos ravishda oshirish, o'quvchilarning mustaqil bilim olish ko‘nikmalarini rivojlantirish hamda o‘quv dasturlarining moslashuvchanligini ta’minlash imkoniyatlari haqida batafsil ma’lumot berildi.

Tadbir davomida pedagoglar tizimning afzalliklarini muhokama qilib, uni ta’lim jarayoniga kengroq joriy etish bo‘yicha tavsiyalar ishlab chiqishdi. Shuningdek, o‘qituvchilar kelgusida tajriba almashish va hamkorlikni rivojlantirish borasida o‘zaro fikr almashdilar.

Mazkur seminar ta’lim sifatini oshirishda innovatsion yondashuvlarni qo‘llashga xizmat qilishi kutilmoqda. Batafsil...

Web-sayt | Telegram  | Youtube

Sirdaryo pedagogika texnikumida "Kredit-modul tizimi" mavzusida seminar o‘tkazildi

2024-yil 25-dekabr kuni Sirdaryo pedagogika texnikumida Guliston davlat pedagogika instituti o‘qituvchilari ishtirokida ta’lim jarayonida "Kredit-modul tizimi"ni joriy etish mavzusida o‘quv-amaliy seminar tashkil etildi.

Seminar davomida institutning tajribali pedagoglari tomonidan mazkur tizimning asosiy tamoyillari va afzalliklari haqida batafsil tushuntirish berildi. Ular "Kredit-modul tizimi"ni ta’lim jarayoniga tatbiq etish orqali talabalarning mustaqil o‘qish qobiliyatlarini rivojlantirish, o‘quv dasturlarining moslashuvchanligini ta’minlash va xalqaro standartlarga muvofiq ta’lim sifatini oshirish imkoniyatlarini ta’kidlashdi.

Tadbir yakunida qatnashchilar tomonidan tizimni kengroq tatbiq etish bo‘yicha tavsiyalar ishlab chiqildi va o‘qituvchilar o‘rtasida kelgusidagi hamkorlikni rivojlantirish masalalari muhokama qilindi. Batafsil...

Boshqarmaning rasmiy sahifalari:  
Web-sayt | Telegram  | Youtube

Oqoltin sanoat texnikumining maxsus fan o’qituvchisi Majidov Bobomurod Uktam o‘g‘li tomonidan “Algoritmlash va dasturlash asoslari” fanidan hamda Sardoba tuman kasb-hunar maktabining maxsus fan o’qituvchisi Axmedova Xolbuvi Abdullayevna tomonidan “Kompyuter arxitekturasi va ofis jixozlariga texnik xizmat ko‘rsatish” fanidan yaratilgan o‘qitish materiallari to‘plami edu.profedu.uz ta’lim portaliga joylashtirildi.

Oliy ta’lim, fan va innovatsiyalar vazirligi Professional ta’limni rivojlantirish instituti tomonidan yuqoridagi pedagoglarga guvohnoma taqdim etildi.

Boshqarmaning rasmiy sahifalari:  
Web-sayt | Telegram  | Youtube

Boyovut tumani 1-son kasb-hunar maktabida ochiq darslar tashkil etildi.

2024-yil 24-dekabr kuni Boyovut tumani 1-son kasb-hunar maktabida ochiq darslar tashkil etildi. Ushbu ochiq darslarda Shirin energetika kolleji, Yangiyer Abu Ali Ibn Sino nomidagi jamoat salomatligi texnikumi, Xovos tumani 1-2-son kasb-hunar maktablari hamda Boyovut tumani 2-son kasb-hunar maktabi pedagoglari ishtirok etdilar.

Dars jarayonlarida pedagoglar o‘zaro tajriba almashib, o‘quvchilar bilan ishlashning yangi usullarini o‘rgandilar. Shuningdek, dars jarayonlari tahlil qilinib, ta’lim sifatini oshirishga qaratilgan samarali metodik yondashuvlar muhokama qilindi.

Bunday tadbirlar o‘quvchilarning ta’lim olish jarayonini yanada takomillashtirish, pedagoglar o‘rtasida malaka oshirish va hamkorlikni kuchaytirish imkoniyatini beradi. Ochiq darslar jarayonida o‘quvchilarning faolligi, ijodiy fikrlashi hamda o‘z bilimlarini amaliyotda qo‘llash mahorati yuqori baholandi.

Boshqarmaning rasmiy sahifalari:  
Web-sayt | Telegram  | Youtube

Mirzaobod tuman kasb-hunar maktabiga Guliston Davlat Universiteti professor-o‘qituvchilari tashrif buyurdi.

2024-yil 20-dekabr kuni Guliston Davlat Universiteti professor-o‘qituvchi Mirzaobod tumani kasb-hunar maktabiga tashrif buyurishdi. Ushbu tashrif doirasida kasb-hunar maktabi o‘qituvchilari va o‘quvchilari bilan tanishish, ularning faoliyati haqida fikr almashish, hamda mahorat darslarini tashkil etish imkoniyati yaratildi.

Tashrif davomida kasb-hunar maktabi ma’muriyati va o‘quvchilar bilan kelajakdagi rivojlanish yo‘nalishlari bo‘yicha ochiq muloqot o‘tkazildi. Yangi kasb va yo‘nalishlar bo‘yicha takliflar va rejalar muhokama qilindi.

Guliston Davlat Universiteti o‘qituvchilari, ayniqsa, kasb-hunar maktabida ta’lim jarayonlarini takomillashtirish, zamonaviy mutaxassisliklar bo‘yicha yangi kurslar ochish va talabalarga amaliyot o‘tkazish imkoniyatlarini yaratish bo‘yicha o‘z takliflarini bildirdilar. Batafsil...

Boshqarmaning rasmiy sahifalari:  
Web-sayt | Telegram  | Youtube