#Matonat
Qarshi muhandislik-iqtisodiyot instituti sport majmuasida Oʻzbekiston “Veteran” jangchi-faxriy va nogironlari birlashmasi tomonidan mini futbol boʻyicha "Birlashma kubogi – 2024” musobaqasi oʻtkazildi.Ushbu turnirda Qashqadaryo, Surxondaryo, Jizzax va Samarqand viloyatlaridan kelgan jangchi-faxriylardan tarkib topgan jamoalar ishtirok etdi.
Futbol turniri jangchi-faxriylar oʻrtasidagi doʻstlik, birodarlik rishtalarini mustahkamlash bilan birga, yoshlarda shijoat, sportga muhabbatni yanada kuchayishiga xizmat qiladi.
Musobaqa yakunida institut rahbariyati mehmonlar bilan uchrashdi, Qisqa muloqot davomida sportning, bu kabi turnirlarning yoshlarda vatanparvarlik tuygʻularini yanada yuksaltirishdagi ahamiyati haqida soʻz yuritildi.
QarMII axborot xizmati ✍️