Туғсамми? Туғмасамми?
21- асрга келиб тиббиёт ривожи туфайли туғилажак хомилада ирсий касалликлар, генетик нуқсонлар борлигини кузатишга имкон берувчи скрининглар пайдо бўлди. Хомилада ирсий касалликлар, генетик нуқсонлар аниқланган вақтда консерваторларни жунбушга келтирадиган савол ўртага чиқади - аборт қилдириш керакми, йўқми?
"Аллохнинг берган неъмати...
Туғишинг керак. Аборт - гунох!"
Лекин бу маслахатларни берадиган иситмаси 37 градусга чиқса истерика билан "Тез ёрдам" чақирадиган, венасидан "осма икол" олишга қўрқадиган, тиш оғриғига додлаб чиқадиган консерваторлар туғилажак бола бошидан ўтказадиган қийинчиликларни, сурункали оғриқларни, ётоқ яраларни, рухий травмаларни ўз танасида хис қилиб кўрмаган. Аввал бир кун давомида бир жойда қимирламай, ўз бўқингга ботиб ётиб кўр, дегинг келади.
Карлин дода айтганларидек: абортга қарши консерваторларни фарзандинг 9 ой(ёки ундан камроқ, ёки кўпроқ) сўнг туғилганидан сўнг қандай овқатлантиришинг, бутун умрга керак бўладишан гигиеник воситаларни қайси пулга олишинг, оғриқдан додлаб чиқадиган тунлари нима деб овутишинг, қандай қилиб тарбиялашинг, жамиятга адаптация қилишинг, гуманизм ривожланмаган жамиятда кўчада тенгқурлари устидан кулса, уни камситса, ёқтирган қизи лабини буриб кетса "Дада, ая? Нега мен бунақаман?!" деган саволига қандай жавоб беришинг, боланг қандай транспортдан фойдаланиши, қаердан иш топиши нихуя қизиқтирмайди. Уларга похуй. Улар учун аёл бу - планетани одам зоти билан тўлдирадиган бачадондан бошқа нарса эмас. Ногирон фарзандни катта қилиш эса ана шу "бачадоннинг" вазифаси.
Янаям ўзинг биласан, хаёт сеники, мия сеники. Лекин мен жамоат транспортларида ногиронлар учун жой бўлмаган, ногиронлар тўрт муччаси соғ инсонлар билан ишлаши учун шароит бўлмаган давлатда фарзандимни туғма нуқсонлар ва касалликлар билан дунёга келтирмайман. Соғларни жонидан тўйдириб юборадиган абсурд, азобли хаётни ногирон фарзандимга раво кўрмайман. Бутун умр "Нима учун мен?!" деган савол билан қийналиб ўтишини хохламайман.
Постдан мақсад келажакда ота-она бўладиган ёшларни озгина бўлсада соғлом фикрлашга йўналтириш. Фарзандлари жисмоний ва ақлий нуқсонлар билан туғилган ота-оналарга хеч қандай қаршилигим ёки хусуматим йўқ. Сизлар мен учун қахрамонсизлар ва хар доим олдингизда таъзимдаман. Чунки биламан бунинг нақадар машаққатли мехнат эканлигини. Фарзандларингизни бахтига соғ бўлинг доим. Сиз уларга кераксиз.
Qora tarix
