toshvilfvb.uz/new

Халоскорлар – доимо шай

Куни кеча Тошкент вилояти Зангиота тумани Фавқулодда вазиятлар бўлимига қарашли 23-ёнғин-қутқарув қисм қутқарувчилари яна бир эзгу ва савобли ишни амалга оширдилар.
Воқеа тафсилотига қисқача тўхталадиган бўлсак, туман ҳудудида жойлашган “Илм шуъласи” канцелария моллари савдо комплекси” МЧЖ биноси томида, ушбу корхонанинг электр таъминотига масъул ходими А.А. тунги ёритиш чироқларини ўрнатаётган эди. Кутилмаганда иш жараёнида унинг соғлиғи ёмонлашиб, ҳаракатлана олмай қолди...
Инсон ҳаёти хавф остида қолганидан хабар топган ёнғин-қутқарув қисми қутқарувчилари фуқарони зудлик билан бино томидан олиб тушиб, унинг хавфсизлигини таъминладилар. Фуқарога биринчи тиббий ёрдам кўрсатилиб, РШТЁИМга етказилди. Ҳозирда фуқаронинг соғлиғи яхши.
Ҳа, халоскорлар ҳар онда, ҳар қандай шароитда, ҳар бир инсонга зарур ёрдам кўрсатишга доимо шайдирлар.

Куни кеча Тошкент вилояти Зангиота туманини Фавқулодда вазиялардан муҳофаза қилувчи 23-ёнғин-қутқарув қисм қутқарувчилари туман ҳудудида жойлашган "Илм шуласи канцелария моллари савдо комплекси" МЧЖ биноси томида тунги ёритиш чироқларини ўрнатаётган ва иш жараёнида соғлиги ёмонлашиб, ҳаракатлана олмай қолган ушбу МЧЖда электрчи ловозимида ишловчи 1956 йилда туғилган Аширбаев Анвар Унербаевични томдан олиб тушганлар.
Шундан сўнг фуқаро А.У.Аширбаевга тез-тиббий томонидан биринчи тиббий ёрдам кўрсатилиб, РШТЁИМга ётказилган.
Ҳозирда фуқаро А.У.Аширбаевнинг соғлиғи яхши.

Тошкент вилояти Чиноз тумани Фавқулодда вазиятлар бўлими 33-Ёнғин-қутқарув қисм қутқарувчилари Чиноз тумани, Нафис маҳалласи А.Қодирий кўчаси 46 уйга кириб қолган илонни олиб чиқиб, хонадон эгаларини хавфдан ҳалос этдилар.

Маълумки, жорий йил бир мунча синовли келди. Табиатнинг инжиқликлари фермерларимиз фаолиятига ҳам сезиларли даражада ўз ҳукмини ўтказди. Аммо, инсон ҳар қандай қийинчиликларни енгишга қодир. Фермерчиликда асосий омиллардан бири бу тинимсиз ва самарали меҳнат ҳисобланади. Шундай бир даврда фермерларимизнинг меҳнатини қадрлаш, улар етиштираётган ҳосилни асрашда Тошкент вилояти Фавқулодда вазиятлар хизмати ўз вазифаларига сидқидилдан ёндошиб, ғаллани ёнғиндан асрашга қаратилган тарғибот ишларини амалга оширилиб, вилоятнинг барча ғалла майдонлари яқинларига ҒАЛЛАНИ ЁНҒИНДАН АСРАЙЛИК! ёзуви акс этган элатмалар ўрнатилмоқдалар.

Вилоятнинг Ўртачирчиқ туманида етиштирилган ғаллани нес-нобуд қилмай йиғиб олишга пухта тайёргарлик кўрилмоқда. Мавсум давомида ғаллани йиғиб-териб олиш учун 17 та отряд шакллантирилди. Туман ҳудудида жами 12 минг 850 гектардан зиёд майдонга ғалла экилган бўлиб, хосилни йиғиб олиш учун 34 та ғалла ўриш комбайнлари, 100 дан ортиқ буғдой ташувчи техникалар шай ҳолатга келтирилган. Туман Фавқулодда вазиятлар бўлим ходимлари томонидан мавсумга жалб қилинган техникаларнинг ёнғинга қарши ҳолати тўлиқ ўрганиб чиқилди.
Комбайн операторларини рағбатлантириш мақсадида туман ҳокимлиги томонидан озиқ-овқат маҳсулотлари, фермер хўжаликлари раҳбарлари томонидан эса, уларнинг пластик карталарига 1 млн сўмдан маблағ ўтказиб берилди. Шу билан бирга, ҳосилни ташишга жалб қилинган юк ташувчи техникаларнинг ҳайдовчиларига мунтазам иш ҳақи тўланиши режалаштирилган.

Жорий йилнинг 2020 йил 28 май куни соат 11:30 ларда Тошкент вилояти Қибрай тумани ФВБ 26-касбийлаштирилган ёнғин-қутқарув қисмининг навбатчилик қисмига Қибрай тумани Дўрмон ҳудуди Нурафшон маҳалласи Баҳор кўчасида истиқомат қилувчи 1989 йил туғилган фуқаро Олимжонов Мардон Алижонович қўғироқ қилиб, ўз яшаш уйининг ертўласида илон борлигини маълум қилиб, ёрдам сўраган.
Чақириққа асосан, айтилган манзилга туман ФВБ бошлиғи ўринбосари катта лейтенант Б.Эргашов ва 2 нафар қутқарувчи зудлик билан етиб борганлар. Уйнинг ертўла қисми кўздан кечирилганда, ҳақиқатдан ҳам ертўлада илон борлиги аниқланган. Қутқарувчиларнинг саъй ҳаракатлари билан илон ушланиб зарарсизлантирилган.