ОЛАМ УЗРА ТАРАЛМАГАН БУЮК МУДРОҚ ДАРД
Ногаҳон шундайин бир дард келади,
У дарда қўшилиб бир шарт келади.
Дейди: “Гар шеър бўлсам тенгим бўлмасин,
Мени борки бутун олам тингласин!”.
Бу дарддан қочаман, қувалайди у,
Тутиб олган ерда савалайди у.
Дейман: “Мен кимман дардгинам айтгин,
Таърифингга ожизман, сўзингдан қайтгин”.
“Йўқ!” – дейди, – “Мен сендан кетмайман энди,
Шеър бўлай, ёз мени йўқ қилиб тенги”.
У дардни етаклаб юраман дайдиб,
Дейман: “Буюкмасман қўяйин айтиб”.
У билан кезаман сўзлар бўстонин,
Излаб, парвоз этиб сўзлар осмонин.
Таъриф этгулик сўз топмай охири,
Яна бир оз муҳлат олдим ахийри.
Мудроқ босишини пойлаб туну кун,
Секингина жилдим ёнидан бир кун.
Кетдим узоқларга қочиб мен ундан,
Қанийди бегона бўлса шу кундан.
Қўйдим ўша кундан ўзимга бир шарт:
“Изланаман дардсиз яшамоқ учун”.
Бир куни жилмайиб яна ўша дард,
Келди назаримда қийнамоқ учун.
Деди ўксиб: “Мени ташлаб кетмагин,
Мендан сен қўрқмагин, хечам қочмагин.
Истасанг мени хеч кимга айтмагин,
Сир қилиб сақлай қол, хечам очмагин.
Буюк шоирлар ҳам банда аслида,
Ёзиб кўр ёқмаса ташлагин йиртиб.
Мен улуғман, буюк дардман аслида,
Яшаш шартмас мени елкага ортиб.
Сен учун яралдим буни билиб ол,
Уйғонишим кутгин ҳоҳласанг бе сас.
Мудроқ босди мени хайр яхши қол,
Уйғонсам ёнимда бўлсанг бўлди бас!”.
Шундан бери мудраб ётар буюк дард,
Оламдек кенг, гоҳи қилдек кўнглимда.
...Кўзинг оч, бир марта салом дегин дард,
Етаклабмас, кўтариб юрай қўлимда.
Ногаҳон шундайин бир дард келса-ю,
У дардга қўшилиб бир шарт ҳам келса.
Деса: “Гар шеър бўлсам тенгим бўлмасин,
Мени борки бутун олам тингласин...!
https://t.me/XOJA_ABROR