Al Bilal

​​​Сиз_буни_биласизми?

КАЪБА ҲАҚИДА МАЪЛУМОТЛАР

Каъба (арабча –куб, тўрт бурчак) – Ер шаридаги энг қадимий ибодатхона бўлиб, Ислом динининг энг муқаддас ибодатхонаси ҳисобланади.
-Уни яна “Байтуллоҳ” (“Аллоҳнинг уйи”), “Каъбаи муаззама” (Ҳурматли, эъзозли Каъба) деб ҳам атайдилар.
-Биринчи марта Каъбаи муаззамани, Одам ато (а.с.) яратилишларидан икки минг йил олдин, Аллоҳ таолонинг амрига биноан, фаришталар бино қилган.
-Иккинчи марта Каъбаи муаззамани биринчи одам – Одам алайҳиссалом қурганлар.
-Учинчи марта Одам алайхиссаломнинг фарзандлари (учинчи ўғиллари Шис алайҳиссалом деган тахмин бор) тош ва лойдан қурганлар.Кейин Нуҳ алайҳиссалом даврларида бутун дунёни сув босганда йўқолган.
-Тўртинчи бор Аллоҳ таолонинг амрига биноан Иброҳим алайҳиссалом ўғиллари Исмоил алайҳиссалом билан Каъбанинг олдинги асосини топиб, ўшани устидан қурганлар.
-Иброҳим алайҳиссаломдан кейин ҳам Каъба бир неча марта уруш, олов, сув босиши натижасида бузилиб, қайта қурилган.
-Қурилишда Иброҳим алайҳиссалом ҳозирда “Мақоми Иброҳим” деб аталадиган тошнинг устига чиқиб ишлаганлар, шундан оёқларининг изи қолган экан. Бу тош авваллари Каъбаи муаззамага тегиб турган экан. Кейин Ҳазрати Умар розияллоҳу анҳу намоз ўқиётганларга ва тавоф қилаётганларга халақит бермасин, деб четроққа олдирган эканлар. Ҳозирги кунда шиша ғилоф ичида, ердан баландроқда сақланмоқда.
-Каъбаи муаззама Саудия Арабистонининг Макка шаҳридаги энг катта масжиди - Масжиди Ҳарамнинг марказида жойлашган.
-Каъба - куб шаклидаги бино бўлиб, бутун дунё мусулмонлари кунига беш марта унга қараб намоз ўқийдилар. Ҳар бир имкони бор мусулмонга умрида ҳеч бўлмаганда бир марта ҳажга бориш фарз бўлиб, шу пайтда Каъбаи муаззама атрофида ибодат қилиши керак.
-Мелодий 624 йилдан бошлаб Каъбаи муаззама бутун дунё мусулмонлари учун қибла бўлди.
-Каъбаи муаззама деворлари тошдан қурилган бўлиб, унинг баландлиги 15 метр, эшик томони девори узунлиги 12 метр, Рукнул яманий билан Ҳажарул асвад ораси ўлчами 10 метрни ташкил этади. Деворларининг қалинлиги бир метр.
-Поли тавоф қиладиган ердан 2 м 20 см баландликда жойлашган.
-Эшиги ҳам 2 м 20 см баландда бўлиб соф олтиндан тайёрланган. Бу эшик Истамбулда тайёрланиб, 1633 йилда Маккага олиб келиниб ўрнатилган. Уни тайёрлашга 286 кг соф олтин ишлатилган бўлиб, йилига икки марта очилади, холос.
-Шимолий-ғарбий деворнинг томидан тилла суви югуртирилган тарнов кўриниб туради, у ал-мизоб ёки мизоб ал-раҳма деб аталади. Шу тарнов билан ғарбий бурчак оралиғи, биз Ўзбекистонликлар учун қибла ҳисобланади. Яъни, биз Ўзбекистонлик мусулмонлар қиблага қараб турганимизда, шу тарнов томонга қараётган бўламиз.
-Каъбаи муаззаманинг усти ҳар йили қора мато - янги Каъбапўш (кисва) билан ёпилади, унга Қуръони Каримнинг Макка ва ҳажга оид оятлари зарҳал билан ёзиб қўйилган.
-Каъбапўш ва Каъбаи муаззаманинг деворлари мушки анбар билан артилади. Олдин шу мушки анбарни Туркиянинг Испарта шаҳридан олишар экан. 1990 йиллардан бошлаб Эрондан ола бошлаган эканлар. Каъбаи муаззама учун бир йилда 5-6 тонна мушки анбар ишлатилар экан.

@al_Bilal

Bir erkak oʻzining qarib qolgan itini choʻktirmoqchi boʻldi. It deyarli eshitmasdi, hurmasdiyam, kuni bilan yotardi xolos. Erkak itni qayiqdan suvga tashladi. It esa qayiqni ortidan suza boshladi. Erkak qoʻlidagi eshkagi bilan itning boshiga urardi. Shu payt u muvozanatini saqlab qololmay muzdek suvga yiqildi va etlari tortishib, suza olmay choʻka boshladi. It esa xoʻjaynini qoʻlidan tishlab tortib qirgʻoqqa suzib chiqardi va uni qutqardi. Oʻziga kelgan erkak qilgan ishidan, oʻzining xaqiqiy sodiq doʻstini oʻldirmoqchi boʻlganidan oʻzidan nafratlanib ketdi. It esa boshidan qon oqqanicha uni yonida oʻlib yotardi.

☘ @al_Bilal

#tabassum #rivoyat


Бир куни Шайтони Лаъин янги туғилган боласини олам билан таништириш учун сайрга олиб чиқибди. Улар эшакка дуч келишибди энг аввал. Эшакнинг ғаройиб тусини кўрган шайтонвачча қўрққанидан онасининг ортига беркинибди.
- Қўрқма болам, бу оддий бир эшак, - боласини юпатибди она шайтон.- Ўзи жуда мўмин жонивор, ҳатто миниш мумкин...
Улар яна бироз юришиб итга дуч келишибди. Шайтонвачча итдан ҳам қўрқиб йиғлай бошлабди.
-Нега қўрқасан болам, бу шунчаки ит-ку, - уни яна юпатибди онаси.- Қара, тош отсанг қочиб қолади...
Улар йўлида давом этибдилар-у, олдиларидан баҳайбат арслон чиқибди. Арслоннинг важоҳатини кўриб шайтонваччани қалтироқ босибди.
-Қўрқма чироғим, - тағин боласини юпатибди шайтон эса. – Бу арслон, арслонлар табиатан кўнгилчан ва анқовроқ бўлади...
Она бола йўл юриб-мўл юриб одамзотни ҳам учратишибди. Шайтонвачча бу ожизгина кўринадиган жотзотнинг нелигини билмай гоҳ онасига, гоҳ инсонга қараб турган экан, она шайтон уни ўзига яқинроқ тортибди ва дебди:
-Бу одамзотдир, болам. Сен зинҳор унинг оддий кўринишига алданма. Ҳали ёшсан, ундан узоқроғ юрганинг дуруст...


@al_Bilal

Маҳмуд Ғазнавий айтади:

"Ғийбатдан икки сабаб узоқлашдим:
Биринчиси, Аллоҳ буюргани учун.
Иккинчиси, ўзим билмаган ҳолда динга зарар бериб қўйишим мумкинлигидан".

Чиндан ҳам инсон ҳар қанча ақлли бўлмасин, кўп ҳолларда оқибати оғир ишларга ҳисса қўшиб қўяди. Раббоний фикратга, салим қалб кўзига эга инсонларгина бу шошма-шошарликдан йироқдалар.

Аллоҳдан кўп-кўп раббоний ҳисларни беришини сўраймиз. Кўп-кўп...

@al_Bilal

-Dada bu yil ramazonda ishda bo'larkanman. Otpusk yo'q. Mani ramazonda shunaqa niyatlarim ko'p edikiii ulgurarmikin
-Alloh lahzalaringga baraka berib qo'ysa ixlos bilan intilsang albatta ulgurasan in shaa Allah hammasiga...
*
-Dada, sizni xursand qilgim keladi...
-Allohni aytganini qilishing mani xursand qiladi.
*
-Dada, sizga mani xursandligim muhim emasmi?
-Menga Allohni farzini bajarishing xursandligingdan muhimroq.
-Dada...
-Bilasanmi nega? Chunki men Allohni aytganini qilmasa uxlolmaydigan, xotirjam bo'la olmaydigan qiz tarbiyalaganman. Chunki men Allohdan Allohni farzini bajarib xursand bo'ladigan qiz so'raganman. Shukrki, umidimki menga shunday qiz bergan...
-Dada, baxtli bo'lolmasamchi?
-Bolam, inson Allohni aytganini qilib baxtsiz bo'lishi mumkinmi?! "Baxt Allohni rizoligiga intilishda, Allohni rizo qilishda" deb ulg'aygan sensanku bolam.
*
-Dada, ko'p yig'layman...
-Yig'i qalbni ravshanlashtiradi. Yurakni qoralarini artadi. Qahrdan qalbing qoraygandan ko'ra yaxshi. Yig'lagan qalbda Alloh taolo mehmon bo'ladi. Yig'lamay qolishdan qo'rq. ALLOH uchun ko'proq yig'lagin bolam, do'zah o'ti xarom bo'lsin shu beg'ubor ko'zlaringga...
*
-Dada, qalbim og'riydi qattiq
-Qur'on o'qi. Qalbning da'vosi zikrda.
***

Dada, sizga o'xshagim keladi...

2017-yil. Ramazon oldi.

@al_Bilal

🍃🌸🍃
​​АЛҲАМДУЛИЛЛАҲ ибораси ҳақида нималарни биласиз?

🌸 АЛҲАМДУЛИЛЛАҲ бу Аллоҳнинг энг суйган калимасидир.

🌸 АЛҲАМДУЛИЛЛАҲ бу Аллоҳни мақташлик улуғлашлик учун энг мукаммал бўлган калимадир.

🌸 АЛҲАМДУЛИЛЛАҲ бу Одам алайҳиссалом айтган илк сўздир.

🌸 АЛҲАМДУЛИЛЛАҲ бу Қуръондаги биринчи калимадир.

🌸 АЛҲАМДУЛИЛЛАҲ бу энг афзал дуо ва зикрдир.

🌸 АЛҲАМДУЛИЛЛАҲ бу Қиёмат кунидаги энг афзал одамлар айтадиган сўздир.

🌸 АЛҲАМДУЛИЛЛАҲ бу Жаннатнинг кўчатидир.

🌸 АЛҲАМДУЛИЛЛАҲ бу Хурсандчиликда ҳам, хафачиликда ҳам – ҳар бир ҳолатда айтиладиган жумладир.

☝️ Буни ўқишлик нематини бергани учун яна бир марта АЛҲАМДУЛИЛЛАҲ денг.

👍 АЛҲАМДУЛИЛЛАҲ биз сизни Аллоҳни ўн марта зикр қилиб, мақташингизга, жаннатда ўнта дарахт ва бу калима учун вада қилинган савобларни қўлга киритишингизга сабабчи бўлдик. Сиз ҳам яқинларингизнинг ҳамд айтишига сабабчи бўлинг!

Каналга уланиш👇

@al_Bilal

#kuzatish

Ёлғондан ёмонроқ нарсалар бор. Шулардан бири: ўз вақтида айтилмаган ҳақиқат...


@al_Bilal

✅ Билганларингни англат, аммо ақл ўргата кўрма.

✅ Англатилганларни яхшилаб эшит, аммо ҳаммасини ҳам тўғри деб билма.

✅ Сукут сақлашинг, бирор нарсани билмаганлигингни билдирмаганидек, кўп гапиришинг, кўп нарса билганингни кўрсатмайди.

✅ Ҳар кимни ўзинг билан тенг кўр. Ким бўлишидан қатъий назар бир инсонни менсимаслик ақлсизлик, жудаям юқори қўйиш қўрқоқликдир.

✅ Жасорат ақлдан келса жасоратдир, билимсизликдан келса жаҳолатдир...

✍ Жалолиддин Румий

📌 Каналга уланиш учун 👇

@al_Bilal

Аллоҳ таоло муборак каломини пайғамбаримиз соллаллоҳу алайҳи васалламга энг биринчи "إقْرَأْ" "Иқро" (Алақ сураси 1-оят) яъни ўқи деб буюрган ва шу тариқа Қуръони каримнинг илк оятлари нозил бўла бошлаган. Эътиборли жиҳати шундаки Аллоҳ таоло Ўз бандаларига ўқишни яъни илм олишни буюрмоқда.

Пайғамбаримиз алайҳиссалом муборак ҳадисларида "Илм талаб қилишлик ҳар бир муслим ва муслимага фарздир", -деб марҳамат қилганлар.

@al_Bilal

Ҳазрати Сулаймоннинг саройига бомдод ва пешин намози ўртасидаги вақтда бир одам шошиб кириб келди.
Қўриқчиларга: “Жуда муҳим масалада ҳазрати Сулаймон билан учрашмоқчи эканлигини”, айтди.
Қўриқчилар бу кишини дарҳол ҳукмдорнинг ҳузурига олиб кирдилар. Ҳазрати Сулаймон ранги оқариб, қўрқувдан титраётган бу одамдан:
- Нима бўлди? Нега бунча титрамоқдасиз? Нима дардингиз бор, - деб сўради.
Одам шошилганча:
- Бугун тонг пайти қаршимдан Азроил чиқди. Менга қаҳр билан бир қараб қўйди-да, ёнимдан узоқлашди. Билишимча, у менинг жонимни олишга қарор қилганга ўхшайди, - деди.
- Хўш, мендан нима истайсиз?
У Сулаймонга ёлвора бошлади:
- Эй Сулаймон қуртлар, қушлар, тоғлар ва тошлар сизнинг амрингизда. Шамолга айтинг, мени Ҳиндистонга олиб бориб қўйсин, балки Азроил мени у ердан топа олмас. Шу йўл билан жонимни қутқариб қоларман. Ёлғиз умидим сиздан.
Ҳазрати Сулаймоннинг бу одамга раҳми келди. Шамолни чақириб, унга:
- Бу одамни дарҳол Ҳиндистонга олиб бориб қўй, - деб амр қилди. Шамол бир лаҳзада бу одамни Ҳиндистондаги узоқ оролга етказиб қўйди.
Пешинга яқин ҳазрати Сулаймон девонни тўплаб, йиғилганлар билан кўришди. Қараса, Азроил йиғилганлар ичида ўтирган экан. Ундан:
- Эй Азроил! Эрталаб нега бир кишига қаҳр билан қарадинг.
Нега у бечорани қўрқитдинг? - деб сўради.
Азроил шундай жавоб берди:
- Эй дунёнинг султони! Мен у одамга ғазаб билан қарамадим. Аксинча, ҳайрат кўзи билан қарадим. У мени нотўғри тушуниб, ваҳимага тушди. Чунки Аллоҳ таоло менга: “Бор, бу оқшом у одамнинг жонини Ҳиндистонда ол”, - деган эди. “Мен бу одамнинг юз қаноти бўлса ҳам бу оқшом Ҳиндистонга етиб бора олмайди. Бу қандай иш бўлди, дея ҳайратга тушган эдим. Унга ҳайрат билан қарашимнинг сабаби ҳам шундан иборат эди”.


@al_Bilal

Niyat va duo

Ahamiyat berganmisiz, deyarli barcha yosh bolalar "katta bo'lsam Prezident bo'laman" deyishadi, lekin men negadur unday o'ylamaganman va aytmaganman ham. Yoshligimdan beri "men mashinada orqa o'rindiqda o'tiraman, haydovchim olib yuradi, biron-bir kursini egasi bo'laman" deb aytar edim. Rahmatli buvim har doim "niyatinga yetgin" deb duo qilar edilar. "Bolam katta bo'lsa stulda o'tiradi (ya'ni rahbar)" bo'ladi, hamma maqtanar edilar.
"Amallar niyatga bog'liq", "Oltin olma duo ol" deyishgani rost ekan. Alhamdulillah hozir o'z honam, o'z kompyuterim va albatta o'z stulim bor😊 To'g'ri biron-bir katta tashkilotda rahbar lavozimida ishlamayman, lekin eng asosiysi kichik bo'lsa niyatimga yetdim, duo ijobat bo'ldi. Inshallah karim qolganlariga ham erishaman.
Shunday ekan, niyatni to'g'ri qiling, duo qiling (qo'lingizdan kelmasa, duo oling), inshalloh niyatingizga erishasiz,Olloh haliyim zot.

@al_Bilal