Андижон вилояти ҳокимлиги матбуот хизмати

Андижонлик волонтёрларга 105 миллион сўм ажратилди
••••••••••••••
Ёшлар ишлари агентлиги томонидан "Энг яхши волонтёрлик лойиҳалари"ни молиялаштириш мақсадида эълон қилинган танловда кўплаб андижонлик волонтёрлар ўз лойиҳалари билан қатнашдилар.

Улар орасидаги 3 та лойиҳа танловда эътироф этилиб, лойиҳани молиялаштириш учун жами 105 миллион сўм маблағ ажратилди.

Хусусан, Моҳларой Муҳаммаджонованинг "Эcо mahalla" лойиҳаси учун 45 миллион сўм, Саидиброҳим Одилжоновнинг "Ёш экологлар" ҳаракати лойиҳаси учун 30 миллион сўм, Абдулҳамид Ҳайдаровнинг "Умид учқунлари" лойиҳаси учун 30 миллион сўм маблағлар ажратилди.

Саҳифа: @andpress

Андижонлик нуронийлар эъзозда
••••••••••••••••
Вилоятимиздаги нуронийлар фаолияти билан боғлиқ ислоҳотлар "Нуроний" газетаси нигоҳида.

(Батафсил)

Саҳифа: @andpress

Асакада аҳоли даромадини ошириш ишлари давом этмоқда
•••••••••••••••
Вилоят ҳокими кўрсатмасига асосан аҳоли даромадини ошириш бўйича ҳудудларда фаоллар билан учрашувлар давом этмоқда. Навбатдаги учрашув Асака тумани 2-сектор ҳудудидаги 7 та маҳалла фаоллари билан бўлиб ўтди.

Унда, Асака туманига бириктирган вакил камбағалликни қисқартириш ва бандлик бошқармаси бошлиғи ҳамда туман ҳокими, сектор раҳбарлари қатнашди.

Очиқ мулоқот давомида маҳалла инфратузилмасини яхшилаш режалари белгилаб олиниб, шу куннинг ўзида амалий ҳаракатлар ҳам бошланди. Шунингдек, ишсиз бўлган фуқароларни иш билан таъминлашга алоҳида эътибор қаратилди.

Жумладан, уларнинг 95 нафарига кредит ажратилиши, 46 нафари ўзини ўзи банд қилишига кўмаклашиш, 43 нафарини доимий ишга жойлаш, 15 нафарини касб-ҳунарга ўқитиш мономарказларига йўналтириш белгиланди. Ногиронлиги бўлган фуқароларга махсус аравачалар топширилди.

Энг пировард мақсад сифатида “Миллий иқтисодиётимизда - миллий уйғониш” тамойили асосида амалий ишларни ташкил этиш, хонадонбай ўрганишлар ўтказиш орқали оилалар даромадини ошириш йўналишларини аниқлаш масаласи илгари сурилди.

Саҳифа: @andpress