በአሏህ ስም እጅግ በጣም ሩህሩህ ና አዛኝ በሆነው

በነሺዳ ጥሪ (ዳዕዋ) ማድረግ ይፈቀዳልን??

ሸይኹል ኢስላም ኢብኑ ተይሚያ እንዲህ ተብለው ተጠየቁ : -

ጥያቄ: ትላልቅ ወንጀሎችን ሰውን መግደል፣መዝረፍ፣መጠጥ መጠጣት፣ ሌሎችንም ከባባድ ወንጀሎችን ለመስራት አላማ አድርገው የሚሰባሰቡ ሰዎች አሉ

እናም አንድ በመልካምነት ና ሱናን በመከተል የሚታወቅ ሸይኽ እነዚህን ሰዎች ከዚህ ተግባራቸው ሊያቅባቸው አሰበ

ነገር ግን እነዚህን ሰዎች ከዚህ ድርጊታቸው ለማቀብ ያለው አማራጭ አንድ ና አንድ ብቻ ነው።

እርሱም: - እነዚህን ሰዎች በመሰብሰብ በዲቤ እየመታ የተለያዩ ግጥሞች(ነሺዳዎችን) ማሰማት ነው። እናም ሸይኹ ይህን ባደረገ ጊዜ አብዛኞቹ ወደ አሏህ በመመለስ የማይሰግደው፣ንብረትን የሚዘርፍ የነበረው ሰው አሏህን መፍራት ና ከሀራም(የተከለከሉ) ነገሮች መራቅ ጀመር

ስለዚህ በዚህ አካሄድ ጥቅም ስላለው እንዲሁም እነዚህን ሰዎች ለመጥራት ከዚህ መንገድ ውጭ ሌላ አማራጭ የሌለ ከመሆኑ ጋር ለዚህ ሸይኽ ሰዎችን በዚህ መንገድ መጣራት ይፈቀድለታልን??


ሸይኹል ኢስላም(ረሂመሁሏህ) እንዲህ ሲሉ መለሱ: ይህ በጥያቄው ውስጥ የተወሳው ሸይኽ ሰዎች ከከባባድ ወንጀሎች እንዲታቀቡ አስቧል።ይህን ለማድረግ ደግሞ በዚህች ፈጠራ (ቢድዒይ) በሆነ መንገድ ቢሆን እንጂ አልቻለም።ይህም የሚያመለክተው ይህ ሸይኽ ወንጀለኞችን ወደ አሏህ እንዲመለሱ ማድረጊያ መንገድን አላዋቂ ወይም ደካማ መሆኑን ነው።ረሱል ሰለላሁ ዐለይሂ ወሰለም ና ሰሀቦች እንዲሁም ታቢዒዮች ከነዚህ ሰዎች የከፉ ከሀዲያንን፣ፈሲቆችን፣ከባባድ ወንጀል ይፈፅሙ የነበሩ ሰዎችን ከፈጠራዊ (ቢድዒይ) ከሆነው መንገድ የተብቃቁ እንዲሆኑ በማደረጋቸው ሸሪዐዊ መንገድ ጥሪ(ዳዕዋ) ያደርጉ ነበር ። መጅሙዕ አልፈታዋ 11/620