Азизбек Абдувалиев dan repost
Наманганга Латвия ва Эрондан учиб келган йўловчилар карантин учун Косонсой ҳамда Тўрақўрғондаги муассасаларга жойлаштирилди
«Наманган» халқаро аэропортига жорий йил 16 март куни кечки пайт Латвия ва Эрондан икки рейс келиб қўнди. Йўловчилар дезинфекциялаш ишларидан сўнг тиббий кўрикдан ўтказилган ва автобусларда 14 кунлик карантин учун махсус тайёрланган муассасаларга олиб кетилган.
Жумладан, Ригадан учиб келган 175 нафар йўловчи Косонсой туманидаги шу номли сиҳатгоҳга жойлаштирилган. Улардан 135 нафари аёл, 40 нафари эркак бўлиб, аксари талабалар эканлиги айтилмоқда. Асосан Тошкент шаҳри ва Тошкент, Хоразм, Фарғона ҳамда Наманган вилоятлари вакилларидан иборат.
Карантинга олинган ҳамюртларимизнинг саломатлиги қатъий назоратга олинган. Тегишли шифокорлар гуруҳи иш олиб бормоқда. Дори-дармон ва дезинфекциялаш воситалари захираси яратилган. Карантиндагилар вақтларини кўнгилли ўтказиши учун спорт жиҳозлари мавжуд. Савдо хизмати ҳам йўлга қўйилган. Сиҳатгоҳ ошхонасида 3 маҳал иссиқ овқат бериляпти.
Эрондан учиб келган рейсдаги 39 нафар йўловчи Тўрақўрғон туманидаги юқумли касалликлар бўлимига жойлаштирилган ва карантинга олинган. Улардан 29 нафари эркак, 10 нафари аёл бўлиб, асосан Тошкент, Бухоро ва Самарқанд шаҳарларидан. Бу ерда ҳам улар учун зарур барча шароитлар яратилган.
Вилоят соғлиқни сақлаш бошқармаси мутасаддиларига кўра, Чортоқ туманида жойлашган «Чортоқ» санаториясида карантинга олинадиган фуқаролар учун қўшимча яна 200 ўринли алоҳида шифохона ташкил этилмоқда.
https://t.me/azizbek_abduvaliyev
«Наманган» халқаро аэропортига жорий йил 16 март куни кечки пайт Латвия ва Эрондан икки рейс келиб қўнди. Йўловчилар дезинфекциялаш ишларидан сўнг тиббий кўрикдан ўтказилган ва автобусларда 14 кунлик карантин учун махсус тайёрланган муассасаларга олиб кетилган.
Жумладан, Ригадан учиб келган 175 нафар йўловчи Косонсой туманидаги шу номли сиҳатгоҳга жойлаштирилган. Улардан 135 нафари аёл, 40 нафари эркак бўлиб, аксари талабалар эканлиги айтилмоқда. Асосан Тошкент шаҳри ва Тошкент, Хоразм, Фарғона ҳамда Наманган вилоятлари вакилларидан иборат.
Карантинга олинган ҳамюртларимизнинг саломатлиги қатъий назоратга олинган. Тегишли шифокорлар гуруҳи иш олиб бормоқда. Дори-дармон ва дезинфекциялаш воситалари захираси яратилган. Карантиндагилар вақтларини кўнгилли ўтказиши учун спорт жиҳозлари мавжуд. Савдо хизмати ҳам йўлга қўйилган. Сиҳатгоҳ ошхонасида 3 маҳал иссиқ овқат бериляпти.
Эрондан учиб келган рейсдаги 39 нафар йўловчи Тўрақўрғон туманидаги юқумли касалликлар бўлимига жойлаштирилган ва карантинга олинган. Улардан 29 нафари эркак, 10 нафари аёл бўлиб, асосан Тошкент, Бухоро ва Самарқанд шаҳарларидан. Бу ерда ҳам улар учун зарур барча шароитлар яратилган.
Вилоят соғлиқни сақлаш бошқармаси мутасаддиларига кўра, Чортоқ туманида жойлашган «Чортоқ» санаториясида карантинга олинадиган фуқаролар учун қўшимча яна 200 ўринли алоҳида шифохона ташкил этилмоқда.
https://t.me/azizbek_abduvaliyev