مامۆستا بەڵێن

🗞زەمەن زەمەنی شکانەوەی یەکترە

🌴قال شيخ الالباني:

قد ابتُلينا في العصر الحاضر بأناس يتتبعون العثرات والمتشابهات, ويُعرضون عن المحكمات الواضحات والمؤكِّدات لما قلنا, بقصد إيقاع الفتنة بين الإخوة المؤمنين.

(مجموع فتاوى الألباني: 5/1)


"لەم سەردەمەدا تووشی کەسانێک بووین کە شوێن هەڵە وپەڵە وقسەیەکت دەکەون کە لێکدانەوەی تری بۆ بکرێت -بەزۆر دەیکەنە لەکە پێتەوە- بەڵام پشت دەکەنە هەموو ئەو شتە ڕوون وئاشکرایانەی کە ووتومانە وتەئکید کراوەتەوە، ئەمەش بەمەبەستی دروستکردنی فیتنە لە نێوان برایانی ئیمانداردا.


🌴اللهم إني أعوذ بك من ساعة السوء ويوم السوء وليلة السوء وصديق السوء وجار السوء

مامۆستا بەڵێن

🗞ووریا بن وریا بن

🌴ئەی ئەوانەی دوو قسە بۆ خەڵک ئەکەن و قسەکانیش نەقڵە لە کتاب و خۆتان لێ گۆڕاوە و خۆتان لێ بۆتە عالم

ابن القیم ڕەحمەتی خودای لێبێت ئەفەرموێت:

ومَن أفتى الناسَ بمُجرّد المنقول في الكتب -على اختلاف عُرْفهم ، وعوائدهم ، وأزمنتهم ، وأمكنتهم ، وأحوالهم، وقرائن أحوالهم-؛ فقد ضلّ وأضلّ.

هەر کەسێک فەتوا بۆ خەڵکی بدات تەنها لە ڕێگەی دەقی ناو کتێبەکانەوە، بە بێ ڕەچاو کردنی جیاوازیی نەریت و کلتور و کات و شوێن و بار و حاڵیان، بێگومان گومڕایە و گومڕاکەریش دەبێت.

(اعلام الموقعين 4 / 470)

بۆیە ڕەحمەتی خوداتان لێبێت چیتر خۆتان گومڕا مەکەن و خەڵکیش گومڕا مەکەن

مامۆستا بەڵێن

🌴في آخر ساعة من يوم الجمعة نسأل الله أن يثبت اخي وأن يفرج عنه وعن جميع الموحدین و علماء وأسرى المسلمين....

مامۆستا بەڵێن

🗞اللهم یامقلب القلوب ثبت قلوبنا علی دینك.

🌴ئیمام أحمد ئەصبەهانی رەحمەتی خـودای لێ بێت دەفەرموێت :

لە جەعفەرەوە دەیفەرموو : گوێم لە مالیک بوو دەیفەرموو :


سَمِعتُ مَالِكًا ، يقُولُ: " أُقسِمُ لكُم لو نَبَتَ لِلمُنَافِقِينَ أذنابٌ ما وجدَ المُؤمِنُونَ أرضًا يَمشُونَ عليهَا ".


سوێند دەخۆم ئەگەر بێتوو کلک بهاتبایە و ڕوابا بۆ مونافق و دووڕوەکان ، ئەوا ئیماندارەکان شوێنێکیان نەئەدۆزیەوە تاوەکو بڕۆن لەسەری .

( حلية الأولياء وطبقات الأصفياء: 376/2 )

مامۆستا بەڵێن

🌴ئەوەی چوو چوو
منی لێ چوو ، لەمن نەچوو.

ئەوەی ڕۆی ڕۆی
منی لێ ڕۆی، لەمن نەڕۆی.

مامۆستا بەڵێن

🌴قازی شورەیح (رحمه الله) فەرموویەتی :

زەمەنێك بەسەر خەڵکی دادێت، ئیماندار بەهۆی ئیمانەکەیەوە عەیبدار دەکرێت، هەروەك لە زەمەنی ئێمە فاجیر و خراپەکار بە هۆی خراپەکەیەوە عەیبدار دەرێت.

إلهي…إن أمنتني الغفلة من الاستعداد للقائك فقد نبهتني المعرفة لكرم آلائك.

مامۆستا بەڵێن

🌴احمد مطر ئەڵێت

بالتمادي…
يصبح اللصّ بأوربا
مديراً للنوادي…
و بأمريكا…
زعيماً للعصابات و أوكار الفسادِ…
و بأوطاني التي
من شرعها قطع الأيادي…
يصبح اللصّ
رئيساً للبلاد…


بە تێپەربوونی کات دزەکان لە ئەوروپا ئەبن بە بەڕێوەبەری نادیەکان

وە لە ئەمریکاش ئەبن بەسەرۆکی باندەکان و داڵدەی گەندەڵکاری

بەڵام لە وڵاتانی خۆماندا کە بەپێی شەریعەتەکەی ئەبێت دز دەستی ببڕدرێت دز ئەبێت بە سەرۆکی وڵات


مامۆستا بەڵێن

🗞رۆڵە گیان

🌴سەخت ترین جۆری نەخۆشی نەخۆشی عەقڵە.
توندترین ئازار ئەو ئازارەیە بێ عەقڵێک دەرخواردی عاقڵێکی ئەدا.

مامۆستا بەڵێن

‏🌴جهز لقبرك

‏قال شيخ الإسلام ابن تيمية -رحمه الله- :

‌‏" وإنما يكون الإنسان في قبره بحسب ما في قلبه ، ‏وكلما كان الإيمانُ في قلبه أعظم كان في قبره أسر وأنعم ".
‏
‏جامع المسائل(٢٢٠/٤)

حاڵی مرۆڤ لەناو گۆڕدا بەگوێرەی حاڵی ناو دڵیەتی٫ هەرچەند ئیمان لەناودڵیدا گەورەوبەهێزبوو ئەوا ئەوەندە لەناو گۆڕەکەیدا دڵخۆش و سەرفرازە .


مامۆستا بەڵێن

مـاوەیـەکـە مـەیـلـی شـیـعـرم،
شـیـوەن و ڕۆ ڕۆ ئـەکـا.
خـۆ ئـەزانێ گـیان لـە جـەسـتە ،
هـەر وا جسـت وجـۆ ئـەکـا.
کـۆچی یـەکجاریم لـەپـێشـە ،
تـەمـەن هـەشـت و نـۆ ئـەکا.
خـوایـە ئـاخـیرم خـێـر بـکـەی ،
بـەڵــێن یـادی تـۆ ئـەکـا.


مامۆستا بەڵێن

🗞ئەی گەنجی موحد و دیندار
کێ دەکەی بە قودوە و مامۆستا و پێشەنگدار

🌴نافعی کوری عبدالحارث گەیشت بەئیمامی عمر خوا لێی ڕازی بێت لە شوێنێک کەپێی دەوترێ عسفان ، کە ئیمامی عمر نافع ی کوری عبدالحارث کردبوو بە دەسەڵاتداری شاری مەککەی پیرۆز ( نافع لە شاری مەككه ى بەڕێ کەوتبوو لە عسفان گەیشت بە ئیمامی عمر )

ئیمامی عمر پێی فەرموی : من استعملت علی أهل الوادي .. کێت کردووە بە دەسەڵاتداری شاری مەککە (کێت لە شوێنی خۆت داناوە) ؟

نافع وتی : ابن ابزی ، عمر فەرموی : ابن ابزی کێ یە ؟ نافع وتی : کۆیلەیەکە لە کۆیلەکانمان ، عمر فەرموی : فاستخلفت علیھم مولی .. کۆیلەیەکت کردوە بە دەسەڵاتداریان ! بە سەرسوڕمانەوە

نافع فەرموی :
بە ڕاستی ابن ابزی
١- قورئان خوێنیکی شارەزایە.
٢- شارەزایە لە زانستی میرات

ئیمامی عمر فەرموی :
أما إنَّ نبيَّكم صلَّى اللهُ عليه وسلَّمَ قد قال : إنَّ اللهَ يرفعُ بهذا الكتابِ أقوامًا ويضعُ به آخرِينَ .
بە ڕاستی پێغەمبەرەکەتان صلى الله عليه وسلم
فەرمویەتی : خوای گەورە بە ھۆی ئەو قورئانەوە پلەی ھەندیک بەرزدەکاتەوە و ھەر بەھۆی قورئانەوە ھەندێکی تریش سەرشۆردەکات .

رواه مسلِم ( 817).

🌴بەداخەوە گەنجی ئێستا هەر کەسێک ئەبینی لە فیسبووک بابەتێک بڵاو ئەکاتەوە خۆی لێی ئەبێتە شافعی ئەو سەردەمە و عقیدەکەشی هەروەکو بایەک هەموو ڕۆژێک بەلایەک دا ئەڕوات و لەنجە و لار ئەکات و هەر کاتە و لەسەر منهج و رایەکیە بەڵام بەداخەوە ناتوانێت تفسیری یەک ئایەت بکات .


مامۆستا بەڵێن

🗞کوڕی شیرینم : ...

🌴 سێ شت تا پرسیار نەکەی داخوازی مەکە
هەنگوین ــ دین ــ ژن

🌴سێ شت تا لات بن ئارام نابی
قەرز ــ هاوڕێی خراپ ــ وەس وەسە

🌴برادەرایەتی سێ کەس مەکە
گێل ــ کەم تەرخەم ــ بێ وەعد

🌴گوێ لەسێ کەس مەگرە
درۆزن ــ غەیبەت کار ــ شایەتی بەزۆر

🌴هاوڕێ یەتی سێ کەس مەکە
حەسوود ــ چاو پیس ــ مناڵێکی خراپەکار
لەگەڵ دایک و باوک

🌴مەپرسە لە یەتیم
باوکت یان دایکت چۆن مرد

🌴مەپرسە لەدایکێك یان باوکێکی جەرگ سووتاو
مناڵەکەت چۆن مرد

🌴لەناو خەڵکی لەکەسی بێکار مەپرسە بۆ کارێک ناکەی

🌴مەپرسە لە کەسی هەژار
پارەت دەوێ
بەڵکو بێ پرس پارەکەی بدەرێ

🌴مەپرسە لە میوان خواردن دەخۆیت
بەڵکو ئەوەی لەماڵ هەبوو پێشکەشی بکە

🌴گاڵتە بە هاوڕێکەت مەکە
بۆئەوەی هاوڕێکانی ترت پێ بکەنن


مامۆستا بەڵێن

🌴پێویسته‌ بانگخواز و ئەوانەی قسە بۆ ئەم خەڵکە ئەکەن ئه‌وه‌ بزانێ زۆرێك له‌وانه‌ی كه‌ ئه‌و بانگیان ده‌كات بۆ لای خوا، له‌وانه‌یه‌ له‌لای خوادا له‌و چاكتربن


مامۆستا بەڵێن