🌟 #نصيحة لمن يدخلون في الجدال الذي لا يغني ولا يسمن من جوع ، بل يزيد من تنافر القلوب وفقط👇

🌻 #النقاش يا إما بيكون عن #علم (يعني بين اتنين فاهمين عشان يوصلوا للحق بدليله) ، أو نقاش #لطلب_العلم (بين اتنين واحد فاهم والتاني مش فاهم بس عايز يفهم) .. والنوعين دول حلوين..

✅ #النوع_التالت بقا بيكون بين اتنين مش فاهمين أو واحد فاهم والتاني مش فاهم ومش عايز يفهم .. ودا بقا مش نقاش دا جدال ووجع قلب .. وإياك تدخل ف حاجة زي كدا .. هتحرق بنزين ع الفاضي يعني👌😅

🌷 #الحاجة_التانية بقا .. إياك تتصدر لنقاش ف موضوع وإنت أساساً معندكش البديهيات والأساسيات بتاعته .. ودا بيقع فيه كتير من #المتحمسين إللي نحسبهم بيحبوا الدين بس معندهمش علم ، ودي مشكلة كبيرة جداً .. فالذي يتحرك بغير علم يفسد أضعاف ما يصلح وخاصة لو كان متحمس بقا وداخل بصدر واسع✋..

🥀 ولازم تكون عارف إن أساس #قبول_أي_عمل قايم ع حاجتين .. #الإخلاص (يعني تكون نيتك خالصة لربنا وميكنش لنفسك حظ فيه أو حب ظهور وكدا ودي طبعا حاجة صعبة جداً ونسأل الله الإخلاص) والحاجة التانية .. #المتابعة(يعني يكون عملك موافق لنهج النبيﷺ) ..

✅ #الشرطين دول بقا يلزمهم حاجة لا تنفك عنهم أبداً .. #العلم ،، بدون العلم هتلاقيك دايماً بتضيق ع الناس ما كان واسعاً ظناً منك إن الدين كدا .. ودا #هينفر الناس من الدين بسببك ظناً منهم برده إنك بتتكلم باسم الدين .. والحقيقة إنكوا إنتوا الاتنين غلط👌

✍ #نصيحتي_لك .. إياك وأشباه العلم ، يعني تكون في نقاش ووقف عليك حاجة .. تروح تجري تلتقط ما تظنه جواباً وبسرعة تقذفه .. دا #غلط كبير ، إياك تلقي بجواب لم يتخمر بعد في دماغك ، ولم تحصّله من #المطالعة الهادئة وطول البحث ،،

✍ #إياك تتكلم في مسالة لم تبقرها ويتشربها عقلك .. ومش عيب أبداً إنك تقول مش عارف .. إللي أكبر وأعلم مننا بكتييييير قالوها عادي ، واسمع لغيرك طالما بيتكلم بدليل حتى لو كان مخالف لك .. #فالحق أحق أن يتبع💚

⚡ونسأل الله أن #يعلمنا ما ينفعنا وأن يرزقنا الفهم #والإخلاص💚