BEXZOD AXMAD she'rlari

NIMA ALDAB QO'YDI

Nima aldab qo'ydi bizni shu qadar
Qayerga talpinar buncha odamlar.
Axir biz aldangan dunyo yolg'onchi.
Masjidga shoshmaydi nega qadamlar.

Bugun biz sadaqa nima unutdik.
Davlat bersa olloh uni bo'lmadik.
Duoda so'radik faqat boylikni.
Fil to'ydi bizlarchi hamon to'ymadik.

Bir g'isht yordam qilsak agar masjidga.
Yetti mahallaga yoydik gap so'zni.
Mayitga janoza o'qilganda ham.
Nega ocholmadik mudragan ko'zni.

Qo'shnimiz och nahor, yo'qdir noni ham.
Qo'sha qozonlarda go'shtlar qovurdik.
Bizga sinov uchun berilgan molni.
Bazmu jamshidlarda e voh sovurdik.

Otamiz qabrida asl farzanddek.
Haqiga bir sura yoddan aytmadik.
Tilovat qildirdik imom chaqirib.
G'aflat yo'llaridan nega qaytmadik.

Kimdir ilm olsa dindan, ziyodan
Uni chala mulla dedi ba'zilar.
O'zi tushunmaydi nima hidoyat.
Hukmdan xabarsiz bo'lgan qozilar.

Qur'on sotib oldik faqat obro'ga.
Deymiz uyimizda bor deb maqtanib.
Ey inson qiyomat og'ir kelganda.
Yotmagin olovlar ichra o'rtanib.

Og'ir kun kelganda darrov tasbehni.
Oldik qo'limizga eslab ollohni.
Yaxshi kun kelganda yana unutdik.
Ko'kdagi eng buyuk qodir guvohni.

Jumaga chiqqanda amru ma'rufni
Misli ilm ahli bo'lib tingladik.
Yuz qadam masjiddan uzoq ketganda.
Shaytonning kuyiga ming xil o'ynadik.

Qarzdor so'rab kelsa ozroqqina pul
Dedik yurishmayin qolgan ishim ham.
Ey inson qo'lingda imkon bo'lsa ber.
Bilmaysan ertaga o'chib qolar sham.

To'y qilsak sharobni ichdik mast alast.
So'ngda duo qildik olloh degancha.
Aytdilar harom go'sht totmas musulmon.
Sog'likka foyda deb oldik yegancha.

Nima aldab qo'ydi bizni shu qadar
Qayerga talpinar buncha odamlar
Axir biz aldangan dunyo yolg'onchi.
Masjidga shoshmaydi nega qadamlar.

Bexzod Axmad
26.01.2021
@bexzodaxmad

TUSH
Bugun ko'rdim Muhammadni tushimda men
Bir g'alati nigoh bilan menga boqmish.
Men so'rayman xijolatdan nima qilay.
Ayting ustoz qalbingizga nima yoqmish.

U esa jim, gapirmaydi lom mim demas.
Men aglolmay qoldim nima demog'ini.
U nimadir demoq bo'lar aytolmaydi.
O'rgatmoqchi bo'ldi balki sabog'ini.

Ayting deyman tezroq kutmay, ustoz bo'ling.
Uyg'onishim mumkin tezroq aytmasangiz.
Mening dardim kam emasdir siznikidan.
Bo'lmas sira ko'z yoshlarim artmasangiz.

Men siz kabi bo'lmoq uchun neni qilay.
Qanday she'rni kutmoqdasiz ayting mendan
Go'yo menga u demoqchi sezayapman.
Umidim ko'p unutmagin hali sendan.

Tushligini sezmagan men nodon shoir.
Borib unga bering dedim ilk dasxatni.
U qo'ymadi na bir imzo, na bir tilak.
Qo'llarimga tutib ketdi oddiy xatni.

Bu bir parcha qog'oz ekan nima o'zi.
Ko'kdan menga boqib turgan ko'z bor ekan.
Balki nido, balki chorlov balki dasxat.
U qog'ozda XALQ degan bir so'z bor ekan.

Bexzod Axmad.
26.01.2021
@bexzodaxmad

NAMOZ.
Taning betob bo'lganida tabib chopma.
Ixlos bilan tafakkur qil do'stim biroz.
Qur'on senga eng zo'r shifo unutmagin.
Bomdod mahal poklangancha o'qi namoz.

Davlat ketib qashshoqlikka tushib qolsang.
Chin boylikning kuyin chalar bordir bir soz.
Seni baxtga yetaklaydi agar bilsang.
Qo'ygin g'amni Peshin kirdi o'qi namoz.

Tafakkur qil,har bir qadam o'lchovlidir.
Iymon so'zin hidoyatla qalbingga yoz.
Seni erta uyg'onishing aniq emas,
Shunday ekan Asr vaqti o'qi namoz.

Tasbeh senga qanot bo'lar ziyo ko'kda.
Zikr borki zehning aslo bo'lmas sayoz.
Shayton aytar ishing qolar borma bugun
Sen eshitma...Shom kirdimi o'qi namoz.

Zakot bergin kechiktirmay nochorlarga.
Sen bilmaysan umring balki qolgandir oz.
Qil ko'prikdan otmoq senga oson bo'lar.
Shu uchun ham Xufton kirsa o'qi namoz.

Muhammadga asl ummat bo'lay desang.
Iymon, zakot, haj, ro'zayu hamda namoz.
Jamolini ko'ray desang Yaratgannining
Joynamozda musulmondek o'qi namoz.

Bexzod Axmad.
24.01.2021

ONAM MENING.
Yo'llarimga to'lib ketsa dard alamlar.
Dardim yozib tugaganda ming qalamlar.
Meni yomon deya aytsa goh odamlar.
Bolam yaxshi degan faqat onam mening.

Ko'cha ko'yda ko'rsatsalar barmoq bilan.
Ovlamoqchi bo'lishganda qarmoq bilan.
Daryo axir boshlanadi irmoq bilan.
Bolam irmoq degan faqat onam mening.

Hayotimni bosganida nogoh g'aflat.
Boshim uzra yog'ilganda qancha kulfat.
Sirim sotib bayram qilsa do'stu ulfat.
Bolam sinma degan faqat onam mening.

Bazmlarda menga kimdir sharob tutsa.
Xolim xarob bo'lganida g'anim yutsa.
Yarim tunda qayda deya kimdir kutsa.
O'sha kutib turgan faqat onam mening.

Do'stlar deydi aytgin senga nima kerak.
Ular o'ylar bunga faqat shuhrat kerak.
Kerak bo'lsa bir kun agar menga yurak.
Mendan oling deyar faqat onam mening.

Og'ling yomon,og'ling maddoh desa kimdir.
Qalbim olib qovurgancha yesa kimdir.
Behzod o'ldi deya aytib kelsa kimdir.
Og'lim tirik deya aytar onam mening.
Onam mening.....

Bexzod Axmad
23.01.2021

SHUKRONA
Har tong uyg'onasan nafas olgancha.
Bunday baxtni senga bergan Ollohdir.
Sen esa gunohlar tomon shoshursan
Unutma yaratgan ko'kdan guvohdir.

Har tong turib bilsang agar o'rningdan.
Bilki Olloh senga imkon bermishdir.
Sen uchma osmonga qanot qoqqancha.
Seni kutib turgan asli yermishdir.

Har tong vujudingda yurak urganda.
Sog'lomga yo'ymagin tetik qaddingni.
Chumoli chaqqandan vafot eturlar.
Olloh ko'rmagandir ravo dardingni..

Har tong ochilganda duo uchun qo'l.
So'ragin davlatmas ilmu hidoyat.
Hoyu-havas bilan qolma aldanib
So'ngda og'ir kelar ko'pga qiyomat.

Har tong joynamozga olsang egilib
"Uni eslaganni u ham eslagan"
Sen dema harakat qildim u tomon.
"ASLI U ESHITMOQ SENI ISTAGAN"

Bexzod Axmad.
19.01.2021

QOLMAGAY
Boshginangga yog'ilganda minglab savdo.
Seni lahza sig'dirguvchi joy qolmagay.
Ishing ortga ketib qolsa nogoh bolam.
Yo'llaringni yoritguvchi oy qolmagay.

Sinib ketsa sabr kosang anduhlardan.
Chaqalari tillodayin boy qolmagay.
Egaringdan ortdan aytmay qulatsalar.
Seni manzil etguvchi bir toy qolmagay.

Choxga do'sting itarganda siring sotib
Qo'l uzatsang yordam berar qo'l qolmagay.
Manzil aniq, maqsad aniq,niyat xolis.
Lekin o'sha tomon borar yo'l qolmagay.

Kuyma ko'p ham tushunmasa yaqinlaring.
Tuproq tomon ketgan kuning dard qolmagay.
"Savol javob " qilishganda seni "ular"
Ishon yoning olguvchi bir mard qolmagay..

Bexzod Axmad.
19.01.2021.
00:13

............

Juda ko'p gunohim bor ekan ona.
Umrimdan yo'qoldi chunki halovat.
Qaysi bekatlarga to'xtab adashdim.
Daqiqa yo'q bugun menga bir rohat.

Kimlarni o'zimdek inson bilgandim
Nega xato ketdi hamma qadamlar.
Bugun bir mahzunlik dilni ezmoqda.
Yoki o'zgarganmi yaxshi odamlar.?

Yaxshilik nimadir ayting qilayin
Men bugun yo'qotdim falsafalarni.
O'zimni dunyoda kuchli degancha
Hikmat deb o'qibman safsatalarni.

Menga nima bo'ldi ayting onajon.
Nega qayda yursam dilim sinmoqda
Mening hislarimni payhon qildilar.
Egarimga o'zga kelib minmoqda.

Ayting ona nega kechdilar mendan.
Qo'llarim go'yoki qonga botgandek.
Men bilgan quyoshlar yo'lim yoritmas
Qalbim mening go'yo sovuq qotgandek.

Mansab, obro' dedim kuysin hammasi.
Shular deb men nodon kechdim o'zimdan.
Menla bazm qurgan qancha ulfatim
So'ngda xato topdi har bir so'zimdan.

Hayotni bugun xo'p bildim qandayin.
Najot kutgan asli men ekan gumroh.
Mening dardlar bilan o'tgan har tunga.
Qonim bilan yozgan sherlarim guvoh.

Bexzod Axmad
14.12.2020

BILMASALAR.
Yurakkinam chok chokidan so'kilsiney.
Ishonganing asli o'zga tomon ekan.
Bu azobni ravo ko'rmam dushmanga ham
Bilmasalar yuragingni yomon ekan.

Xato bilan baholanmas inson ko'ngli.
Yiqilganda ranging go'yo somon ekan.
Boshginangni devorlarga urgin bolam.
Bilmasalar yuragingni yomon ekan.

Chidamoq ham og'ir kechar ishon do'stim.
Halovatga yaqin borgan omon ekan.
Mayli yuzim yonib kuysin dard alamdan.
Bilmasalar yuragingni yomon ekan.

Men qandayin odam bo'ldim ayting qani.
Eng yaqining qalbi senga gumon ekan.
Ko'zim mayli oqib tushsin chidayman men.
Bilmasalar yuragingni yomon ekan.

Ko'p axtardim bu hayotdan ma'nolarni.
Hayot asli baxtli o'tgan bir on ekan.
Men haqimda xato o'yga borganlarim.
Bilmasalar yuragingni yomon ekan.

Boshing uzra yog'ilganda minglab azob
Yuragingni bilmasalar yomon ekan.
Darding aytgin yoril qani turgin ukam
Deya ahvol so'rmasalar yomon ekan.

Bexzod Axmad
11.12.2020.

OLLOHNI TANISANG.
Qo'rqamagaysan aslo g'am-u tashvishdan.
Omading keladi qilsang har ishdan.
Sovuq sezmagaysan qahraton qishdan.
Ollohni tanisang, yursang olloh deb.

Borgan davralaring fayzli bo'lar xo'p
Dushmaning ko'zingga suqolmaydi cho'p.
Qalbingga hidoyat yog'ilmishdir ko'p.
Ollohni tanisang, yursang olloh deb.

Undan najot so'rsang, najot yoningda.
Tasbehning qudrati oqar qoningga.
Dardlar rahna solmas ishon joningga.
Ollohni tanisang, yursang olloh deb.

Halovat topgaysan, baxtni topgaysan.
Ezgu tomon o'zing bilmay chopgaysan.
Iymon tandiriga baxtni yopgaysan
Ollohni tanisang, yursang olloh deb.

Shukur deb chiqarar bolang tilini.
Yurasan yaxshilar olib dilini.
Adashmay topasan jannat yo'lini.
Ollohni tanisang, yursang olloh deb.

Bexzod Axmad.
11.12.2020

BUNCHA KO'P SINADING.

Mening bir orzuyim bugun halovat.
Yo'ldan yo'qotdimmi bilmay saxovat.
Dildan qilmadimmi borga qanoat.
Buncha ko'p sinading hayot sabrimni.

Nochorga berardim yiqqan borimni.
Kuylari tark etdi dardli torimni.
Dardga bog'lab qo'yib har onimni.
Buncha ko'p sinading hayot sabrimni.

Xatolarga to'ldi o'tgan yillarim.
Burildi so'qmoqqa aytmay yo'llarim.
Hech ishga bormayin qoldi qo'llarim
Buncha ko'p sinading hayot sabrimni.

Namozga chin mehr balki qo'ymadim.
Dunyoda dunyoga yoki to'ymadim.
Tasbehla shaytonning ko'zin o'ymadim.
Buncha ko'p sinading hayot sabrimni.

Vaqtim qadrin bilmoq qiyin kechdimi.
Meni deb kimlardir og'riq ichdimi.
Qalbimdan hidoyat yoki o'chdimi.
Buncha ko'p sinadig hayot sabrimni.

Adashsam nazarga darrob ilgancha.
O'zimga o'zimni qarshi qilgancha.
Qo'lingdan ne kelsa, o'zing bilgancha
Buncha ko'p sinading hayot sabrimni

Balki falsafa bor, balki hikmat bor.
Buncha ko'p sinading hayot sabrimni.
Boshimga ming bitta dardni bersangda.
So'ngda nurga to'ldir, yotgan qabrimni.

Bexzod Axmad
29.11.2020

XATO

Otaning ko'ksiga xanjar qadagan
Padarkush yo'l qo'ygan og'ir xato bor.
Dunyoda yig'sangda duru gavharlar
Senla ketadigan oddiy mato bor.

Temur qabrin ochmoq mudhish xatodir
Nahot angalamadi bashar vaqtliroq.
Samarqand tomonga yo'lim tushganda
Vujudim bosadi qandaydir titroq.

Jadidni xoin deb aytdi zolimlar.
Ular so'zning sehrin sezmadilarmi.
Tafakkur osmoni qanday charog'on
Ekanin bu zotlar bilmadilarmi?

Qo'shib yozgan dedi paxta ishida
Bergani oq bo'lib qalbi qorami.
Sumalak pishirsa tushdi zindonga
Yashirmoq tarixda afzal chorami?

Qancha xatolarni ko'rdi bu tarix
Asl hayot uchun bormi qoida?
Shukr qil odamzot xatong ko'rsada
Bu dunyo turibdi hamon joyida.

Bexzod Axmad.
23.11.2020