***
Бу дунё бир ажиб ердир, муҳаббат бор, саодат йўқ.
Муҳаббатдан пайдо минг хил жиноят бор, адолат йўқ.
Бу дунёда керак билсин адолат излаган инсон
Бу йўлда кўп балолар, кўп мусибат бор, шикоят йўқ.
Адолат соҳиби вақти ибодатда шаҳид бўлди,
Адолат қонуни шундай: шаҳодат бор, маъният йўқ.
Неданки қиймати ҳеч бир кафанлик этмаган жойда
Арзимас неъмат устида рақобат бор, хазолат йўқ.
Агар инсон ўзин тупроқдан устун билди, шайтондир,
Такаббур-чун қиёматда мазаммат бор, шафоат йўқ.
Ҳайфсан, эй бани одам, уйғон тез хоби ғафлатдан,
Ибодат бодасин нўш айла, лаззат бор, касофат йўқ.
Тамоми неъмати дунё булут мисоли фонийдир,
Ичи бўш, суръати тез, балли, сурат бор, хасолат йўқ.
Жаннат боғини алмашма дўзах ўти диёрига,
Бу янглиш бир тижоратдир, хасорат бор, ғанимат йўқ.
Тилингда Аллоҳим, дейсан, дилингга шайтон ин қурмиш,
У тил Аллоҳни зикр этса, бўлар қалбинг зиёратгоҳ,
Санинг қалбинг фазосида саёҳат бор, зиёрат йўқ.
Санга бир вақт бўлиб Аллоҳ нафас этса чиқиб жонинг,
Кунинг битган бўларди, бас,
далолат бор, садоқат йўқ.
Ўтар ойлар, ўтар йиллар, тафаккур вақтидир Элшан,
Нафаслик ожиз умрингда ҳақорат бор, замонат йўқ.
