Донишманд ва Мен


Kanal geosi va tili: ko‘rsatilmagan, ko‘rsatilmagan


Стулни бир неча қадамга суриб қўйсанг етарли. Ўшанда сен кун ботишини томоша қилишинг мумкин, буни фақат истасанг бўлди.
Алоқа учун: @iplosvoy (Манучеҳр Усмонов)

Связанные каналы

Kanal geosi va tili
ko‘rsatilmagan, ko‘rsatilmagan
Statistika
Postlar filtri


Assalomu alaykum qadrli do'stlar. Bugundan boshlab alohida vaqt ajratgan holda youtube video hostingida elektronika va dasturlash sohasida o'z videolarimni ulashib borishni boshladim.

Albatta ayni damda juda ko'p kamchiliklar bo'lishi mumkin. Shunday ekan sizlardan uzr so'ragan holda birinchi videoni ulashmoqchiman.

https://youtu.be/E71qUxvevHw


Play market tekshiruvchilari koronavirusga chalingan shekilli. Albatta hazil)

Ko'p ilovalar hali ham jarayonda turgani sabab telegramda alohida kanal ochib joylab qo'yyapman.

Hozir asosiy ulashmoqchi bo'lganim "Hikoyalar to'plami ilovasi".

To'plamda yuzga yaqin turli mavzudagi hikoyalar mavjud bo'lib, karantin davrida o'qib ulardan bahramand bo'lishingizga tilakdoshman.

To'plamdagi hikoyalar ro'yxati bilan tanishish: https://telegra.ph/Hikoyalar-toplami-04-09

Ilova hajmi: 3.3 Mb

Telegram oqali yuklash: https://t.me/devcon_apps/13

Shu jumladan @devcon_apps telegram kanaliga obuna bo'lishni va do'stlarga ham ulashishni unutmang.

@donishumand


Ўқиладиган китоблар сони ортгани сари, ҳар бир китобдан олинадиган наф миқдори камайиб боради. Чунки китоб ўқиганингиз сари билимингиз ортади ва кейинги китобларда аввал билганларингизни учратишингиз эҳтимоли ҳам ошади.
Демак, 10 та ва 100 та китоб ўқиган кишилар орасидаги фарқ, 100 ва 500 китоб ўқиганлар орасидаги фарқдан каттароқ бўлади. Чунки ўқилган китоб ортгани сари ҳар бир китобдан умумий билим заҳирасига қўшиладиган қиймат камая боради.
Масалан, бирорта китоб ўқимаган одам бир китобни ўқиб, ундан 30 маълумот ўрганса, 10 та китоб ўқиган одам 3 та маълумот олади. Айни бир китобдан икки киши турли даражада наф олади.

Турли соҳага тегишли китобларга кўчиб юрганда бу эффект камайиши мумкин. Аммо бир соҳа ёки мавзу доирасида яққол сезилади.

Бу гапларим нобадиий китобларга даҳлдор, бадиийларда бошқача бўлиши ҳам мумкин. Аммо бадиийларда ҳам ғоя ва сюжетлардаги такрорланишлар сабабли, айни ҳол кузатилиши мумкин.

Кўп ўқиганлар бора-бора китобни танлаб ўқийдиган бўлиши ҳам шундан, чунки такрорланишдан зерика бошлайди ва вақтини тежаш учун чертиб-чертиб китоб танлайди.

Кўп ўқиганларнинг оз ўқиганларга ўқиш учун китоб тавсия қилиши ёки энди ўқишни бошлаётганларнинг китоб танловини танқид қилиши шу маънода тўғримас. Чунки икки томоннинг эҳтиёжи турлича бўлади. Бирига янгилик бўлган нарса, иккинчисига сийқаси чиққан гап бўлиб туюлиши мумкин.

(c) Хуршид Йулдошев

@devcon


Италиялик доктор мактуби.
(инглизчадан таржима)

19-март, 17:59.
Италиялик доктор ёзмоқда:

Мамлакатимизда дахшатли фожиа рўй бермоқда. Қари беморлар кўзларида ёш билан вафот этмоқдалар. Чунки улар кетар чоғи ўз яқинлари билан видолаша олмайдилар. Улар ёлғиз жон беришни исташмайди, аммо уйидагилар учун сўнги хайрлашув сўзларини камерага қараб айтишдан бошқа иложлари йўқ. Улар улуғ ёшга кирганларида нобуд бўлмоқдалар. Кўп ҳолларда, эр ва аёли бир кунда жон бермоқда. Улар набираларини хатто охирги маротаба ҳам кўра олишмайди. Бу хасталик гриппга қараганда анча хавфли. Ишонинг, бу касаллик гриппдан тубдан фарқ қилади. Сиздан илтимос бу иллатни "гриппнинг бир турида" дея кўрманг! Тана харорати шундай кўтарилади-ки, иситмага чидаб бўлмайди. Беморга хаво етишмайди, у ҳудди чўкаётган кишидек қийланиб нафас олади. Беморлар шифохонага келишни хоҳлашмайди, лекин озроқ бўлсада нафас олиш илинжида барибир келишга мажбур бўлишади. Бу хасталикка қарши жуда кам дори воситалари мавжуд. Биз қўлимиздан келган барча ишни қиляпмиз, бироқ барчаси беморнинг аҳволига боғлиқ бўлиб қолмоқда. Ёши қари беморлар касалликка қарши кураша олишмаяпти. Биз ҳаммамиз йиғлаяпмиз. Ҳамшираларимиз йиғлашяпти. Қани энди ҳамманинг ҳаётини сақлаб қололсак! Мен кўз ўнгида ҳаёти тугаб бораётганларни кўряпман. Жуда кўп касаллар келмоқда. Ҳамманинг дарди бир. Умумий пневмания. Ўта кучли ўпка яллиғланиши. Менга айтингчи, қандай грипп шунчалик талофат келтиради? Бу умуман бошқача вирус. Баъзи одамдар учун бу айниқса хавфли. Бизнинг мамлакатда, ўртача 65 ёшдан ошганларда қанд касаллиги, қон босими кўтарилиши ва бошқа касалликлар кўп учрайди.
Баъзи ёш одамларда ҳам бу касаллик хавфли кечмоқда. Бу касаллик билан оғриган ёш беморларни кўрганда, ҳар қандай соппа-соғ ёш одам ҳам ўзини хотиржам ҳис қила олмайди. Бизнинг касалхонада жаррохлик, туғруқ, кўз касалликлари, тери касалликлари қолмади. Жаррохлик хоналари жонлантириш бўлимларига айлантирилган. Барча вирусга қарши курашмоқда. Беморлар сони соат сайин кўпайиб бормоқда. Анализ натижаларини кутамиз. Барчасида бир ҳил натижа, ижобий. Ижобий. Ижобий!
Барча беморлар бир ҳил нарсадан азобланади:
Чидаб бўлмас иситма. Нафас олиш азоб. Йўтал. Чўкаётган каби хис қилиш. Деярли ҳамма жонлантириш бўлимида муолажа қилинмоқда. Баъзилар хатто кислород маскаси билан ҳам нафас ололмайди. Кислород аппарати олтиндан қиммат. Буларнинг барчаси қандай қилиб шу қадар тез рўй берганига ишонолмаяпман. Биз ҳаммамиз чарчадик. Лекин ҳеч ким чекинишни хоҳламаяпти. Ҳамма ярим тунгача ишлайди. Докторлар ҳамширалар каби тинимсиз ишлашда давом этади. Мен ҳар икки хафта ўтмагунча уйга бормайман. Уйдаги ёши катталардан хавотир оламан. Болалар билан камера орқали гаплашамиз. Баъзида аёлимнинг суратига қараб йиғлайман. Айб бизда эмас, бу касаллик унчалик хавфли эмас деганларда ҳамма айб. Улар буни одатий грипп дедилар. Ҳеч қандай чора кўрилмади. Энди эса кеч. Сиздан илтимос, уйдан ташқарига чиқманг. Бизга қулоқ солинг. Фавқулотда ҳолатлардан бошқа пайтда уйдан чиқа кўрманг. Оддий маскадан фойдаланинг. Профессионал маскаларни бизга қолдиринг. Маска танқислиги сабаб бизларнинг ҳаётимиз ҳам хавф остида қолмоқда. Ҳозирда бир неча доктор юқтуриб олди. Уларнинг оила аъзоларидан кўплари ҳаёт ва ўлим ўртасида. Ёши катталарни уйдан ташқарига чиқишига йўл қўйманг. Биз касбимиз сабаб уйда қололмаймиз. Охирги лахзаларгача беморларимизнинг ҳаётини сақлаб қолиш учун ҳаракат қиляпмиз. Мен яшаб кетишга умид йўқ беморларнинг таналаридаги азобни иложи борича камайтиришга уриняпман. Эртага ҳаммаси яхши бўлиб кетса, бизни ҳамма унутади. Докторлик касби ўзи шундай. Бу касаллик сизга етиб келмаган бўлса ҳам эҳтиёт бўлинг. Оммавий жойлардан узоқ туринг. Кинога, концертга, ўйингоҳларга бормай туринг. Илтимос қарияларнинг қайғусини тушунишга ҳаракат қилинг. Уларнинг хаёти сизнинг қўлингизда. Сиз биздан ҳам кўра кўпроқ одамларнинг хаётини сақлаб қолишга қодирсиз. Илтимос буни ҳаммага тарқатинг. Ушбу мактубни бутун Италия ўқисин. Ҳаммаси тугашидан аввал ўқишсин.

Италия.
Бе Гавацени госпитали.
Доктор Даниеле Мачини.

@donishumand


Мана бу ҳикоя салкам юз йилда ҳам ўзгармаган зеҳниятимиз исботи.

Сотиболдининг хотини оғриб қолди. Сотиболди касални ўқитди — бўлмади, табибга кўрсатди. Табиб қон олди. Бетобнинг кўзи тиниб, боши айланадиган бўлиб қолди. Бахши ўқиди. Аллақандай бир хотин келиб толнинг хипчини билан савалади, товуқ сўйиб қонлади… Буларнинг ҳаммаси, албатта, пул билан бўлади. Бундай вақтларда йўғон чўзилади, ингичка узилади.
Шаҳарда битта докторхона бор. Бу докторхона тўғрисида Сотиболдининг билгани шу: салқин, тинч паркда, дарахтлар ичига кўмилган баланд ва чиройли оқ иморат; шиша қабзали кул ранг эшигида қўнғироқ тугмаси бор. Чигит пўчоқ ва кунжара билан савдо қиладиган хўжайини Абдуғанибой омборда қулаб кетган қоплар остида қолиб ўладиган бўлганида бу докторхонага бормай Симга* кетган эди. Докторхона деганда Сотиболдининг кўз олдига извош ва оқ подшонинг сурати солинган 25 сўмлик пул келар эди.
Бемор оғирлашди. Сотиболди хўжайинининг олдига арзга борди, аммо бу боришдан муддаоси нима эканини аниқ билмас эди. Абдуғанибой унинг сўзини эшитиб кўп афсусланди, қўлидан келса ҳозир унинг хотинини оёққа бостириб беришга тайёр эканини билдирди, кейин сўради:
— Девонаи Баҳоваддинга ҳеч нарса кўтардингми? Ғавсул-аъзамга-чи?
Сотиболди кетди. Беморнинг олдидан жилмаслик ва шу билан бирга тирикчилик учун хонаки бир касб қилишга мажбур бўлди — ҳар хил саватчалар тўқишни ўрганди. У эртадан-кечгача офтобшувоқда гавронлар ичига кўмилиб сават тўқийди.
Тўрт яшар қизчаси қўлига рўмолча олиб, онасининг юзини карахт, нимжон, хира пашшалардан қўрийди; баъзан, қўлида рўмолча, мукка тушиб ухлаб қолади. Ҳаммаёқ жим. Фақат пашша ғинғиллайди, бемор инқиллайди; ҳар замон яқин-йироқдан гадой товуши эшитилади: «Ҳей дўст, шайдулло баноми олло, садақа радди бало, бақавли расули худо…»
Бир кечаси бемор жуда азоб тортди. У ҳар инграганда Сотиболди чаккасига буров солинган кишидай талвасага тушар эди. Қўшниси бир кампирни чақирди. Кампир беморнинг тўзиган сочларини тузатди, у ёқ-бу ёғини силади, сўнгра… ўтириб йиғлади.
– Бегуноҳ гўдакнинг саҳарда қилган дуоси ижобат бўлади, уйғотинг қизингизни! — деди.
Бола анчагача уйқу ғашлиги билан йиғлади, кейин ота-сининг ғазабидан, онасининг аҳволидан қўрқиб, кампир ўргатганча дуо қилди:
– Худоё аямди дайдига даво бейгин…
Бемор кундан-кун баттар, охири ўсал бўлди. «Кўнгилга армон бўлмасин» деб «чилёсин» ҳам қилдиришга тўғри келди. Сотиболди тўқиган саватчаларини улгуржи оладиган баққолдан йигирма танга қарз кўтарди. «Чилёсин»дан бемор тетик чиққандай бўлди; шу кечаси ҳатто кўзини очиб, қизчасини ёнига тортди ва пичирлади:
– Худо қизимнинг саҳарлари қилган дуосини даргоҳига қабул қилди. Дадаси, энди тузукман, қизимни саҳарлари уйғотманг.
Яна кўзини юмди, шу юмганича қайтиб очмади—саҳарга бориб узилди. Сотиболди қизчасини ўлик ёнидан олиб, бошқа ёққа ётқизаётганда қизча уйғонди ва кўзини очмасдан одатдагича дуо қилди:
– Худоё аямди дайдига даво бейгин…

1936

*Сим — ҳозирги Фарғона шаҳри.
Абдулла Қаҳҳор.

@donishumand


Ўзганинг фикрини ҳурмат қил, лекин ўзингни фикринг ҳам бўлсин. Мамарайим ёмон экан дейишса қўшилиб ёмонлаш ўрнига фикрла у сенга ёмонлик қилганми йўқми.

@donishumand


@devcon dan repost
Ho'sh boshlaymiz demak. Hozircha oxirgi tasdiqlangan dasturlar va o'yinlar ro'yxati. Bemalol yuklab olib foydalanishingiz mumkin. Ortgani yana tekshirish jarayonida turipti.

Kitoblar:

1. Fyodor Dostoyevskiy - Kulgili odamning tushi - https://play.google.com/store/apps/details?id=uz.devcon.kulgili_odamning_tushi

2. Robert Kiosaki - Boy ota, kambag'al ota - https://play.google.com/store/apps/details?id=uz.devcon.kiosaki_boyota

3. Shifokorlarimiz uchun juda ham kerakli bo'lgan "Интерпретация биохимического анализа крови" ilovasi. Kasalliklarga qon analizlari orqali tashxish qo'yish uchun yaxshi ma'lumotlar jamlanmasi. Kitob faqat shifokorlarga emas oddiy odamlarga ham tavsiya etiladi - https://play.google.com/store/apps/details?id=uz.devcon.interpretatsiya_bio

4. Qur'oni Karim (Tafsirlar va ma'nolar. Jumladan Islom dini tarixidan qisqacha ilovalar va tasavvuf ilmi haqida alohida bir kitob ham joy olgan) - https://play.google.com/store/apps/details?id=uz.devcon.quran

5. Islom dinida jinslar tengligi. Ushbu kitobda ko'pxotinlik, taloq, meros, madaniyat kabi ko'plab tushunchalarga tarix va bugungi kun nuqtai nazari bilan qaralgan fikrlar jamlangan (Ushbu kitob UNICEF hamkorligi asosida O'zbek tiliga aniq manbalardan tarjima qilingan) - https://play.google.com/store/apps/details?id=uz.devcon.islamgender

O'yinlar:

1. Bo'sh vaqtlaringizni maroqli o'tkazish uchun Ikki nuqta o'yini - https://play.google.com/store/apps/details?id=uz.devcon.ikkinuqta

2. Boshqotirmalarni yoqtiruvchilar uchun ajoyib Slide to Star o'yini - https://play.google.com/store/apps/details?id=uz.devcon.slidetostar

Ta'lim:

1. Ingliz tilini o'rganishni xohlovchilar uchun "Lingway Beginner" ilovasi. Ushbu ilova 600ga yaqin so'zlar, 12 tadan ortiq darslar mavjud bo'lib, har bir darslarda 7 bosqichda o'rgatishni amalga oshiradi. Jumladan: Xato so'zlarni belgilash, tarjimasini topish va yozish, tinglab topish va iboralar ustida ishlash. - https://play.google.com/store/apps/details?id=uz.devcon.lingway_beginner

Ma'lumotnoma:

1. My Dealer mobil ilovasi ushbu dasturni o'rnatganingizdan so'ng O'zbekiston mobil aloqa operatorlari UMS, Uzmobile, Ucell, Beeline va Perfectum haqida barcha savollaringizga javoblar olasiz. - https://play.google.com/store/apps/details?id=uz.devcon.mydealer

P.S: Hozircha shular, tez orada sizlar bilan boshqa ilovalarni ham ulashaman albatta. Yuqoridagi sahifalardagi ilovalarga baho berishni unutmang)

@devcon


Roppa rosa bir yil avval yangi yil kelishini umuman istamagan edim. Chunki unda onam o'lishi oldindan belgilangan edi. Men 2019-yilda eng qimmatli narsam yo'qotdim va shu ondan kamida 10 yilga ulg'aydim deb hisoblayman.

Balkim bu yil men uchun katta yutqazish va yutuqlar yili bo'lgandir lekin chindan bu yil kelishini xohlamaganman. Tezroq ketishini ham istayman.

Ko'plab do'stlar ortirdim, ko'plari bilan shunchaki orani ochiq qildim. Kuldim yig'ladim kezi kelsa boriga ko'nikishga o'rgandim.

Men uchun bu yil ham iqtisodiy ham psixologik jihatdan ancha og'ir kechdi. Na iloj ne bo'lsaki odam bolasi har narsaga ko'nika olarkan.

Bilasizmi orzularning ham joni bor ekan va ular ham o'lishi, ularni ham qabrga ko'mish mumkin ekan. Bir tomondan quvonarlisi esa yangi orzular tug'ila olishida.

O'zingizni hech qachon egoistman deb atay ko'rmang. Egoizm bu yo'q tushuncha, shunchaki atrofdan vaqtinchalik chalg'ishni ego deb ataymiz. Inson psixologiyasida bu tushuncha bo'lishi uchun esa avvalo uning ko'ngli xotirjam bo'lishi kerak. Yaqinlariz yonizda bo'lmasligi mumkin lekin ularning tirikligi ham sizga xotirjamlik bera oladi. Demak egoizm bo'lishi uchun sizsa hamma narsa bo'lishi kerak ekan, uning yaroqlik muddati esa inson bolasi yolg'iz qolgunga qadar.

Kimsalardan uzoqda bo'lish va umuman ularning yo' qligi orasida katta farq bor. Birida ular mavjud, sen ularni qayta ko'ra olishinga ishonasan yana birida esa ular mavjud emas lekin ko'rishni juda istaysan. Ammo bu ilojsiz. Aslida eng azoblisi shu hisoblanadi. Doimiy sog'inch bu jon azobidan ham og'ir.

Yangi yil uchun yangicha rejalar, orzular qilish albatta yaxshi lekin unutmang hayot juda iplos narsa u sizni bir zumda umuman boshqa muhit va boshqa insonga aylantira oladi. Yangi orzular qilayotgan vaqtingizda eskilarini ko'mishingiz mumkinligi haqida ham bir on o'ylab ko'ring.

Bugun kimlardir bayram kutish o'rniga o'z xizmat vazifasini mardlarcha bajarmoqdalar, yana kimlardir o'z yaqinlariga kasalxonada yuziga g'amli tabassum bilan qarab bo'lsada umid bag'ishlashga harakat qilmoqdalar. Men qorbobodan qaydandir yangi yilda moshina olish yoki boyib ketish kabi shablonoviy tilaklarni eshitavermasdan ayni shu insonlar qalbiga ham bir nazar solishini so'ragan bo'lardim. Shundagini seni mo'jizakor ekaningga odamlar ishonsa arziydi.

Yana "oliviya"mi deb noshukurlik qilmang. Bu salatni yozni o'rtasida ham bozordan sotib olish mumkin. Lekin bozordagisiga uyimiz farishtalaring bu kungidek mehr va eng a'lo tilaklarini qo'shilmagan. Yoki kun kelib ayshi shu salatdagi mehrni sog'inib qolishingiz mumkin. Shunday ekan borida qadriga yeting. Bu siz uchun maxsus so'nggi salat bo'lishi ham mumkin.

Yangi yilni ko'chadagi fohishalar bilan o'tkazmang. Balkim bu bayram kofirlarnikidir lekin oila a'zolari birlashadigan kun hisoblanadi. O'z oilangizni esa 300$lik fohishalarga almashmang. Insonning eng qimmatli boyligi shu hisoblanadi. Hattoki sog'liqdan ham ustuni. Bu kunni ko'chada ham pitarda otib daydigan holda o'tkazish shart emas. Bu kun ularga va sizga emas oilangizga tegishli kun. Uni besamar o'tkazishga esa haqqingiz yo'q.

Albatta men sizga bu kunni qanday o'tkazishni o'rgatmoqchi emasman. Uni qanday o'tkazish o'zingizni hukmizgizda. Men esa bir donishmanddan eshitganimni sizga yetkazmoqdaman xolos. Xohlang uni gaplariga amal qiling xohlang amal qilmang. Ammo unutmang u bekorga donishmand emas.

Eng muhimi esa sizga yangi yilda faqat baxtli onlar kelishiga tilakdoshman. Barcha yaxshi niyatlaringizga bundan keyingi yillarda ham erishib yuring. 2019-yil ham millionlab yillar kabi tarixga aylanadi. Undan xulosa chiqarishni o'zimiz hal qilamiz albatta. Faqat buni unutmasak bas.

Barchangizga bayram muborak azizlar.

————

Quyidagisi esa real bo'lmasada salyutlar chaqirig'idan bahramand bo'ling:

http://2020.devcon.uz

@devcon


@devcon dan repost
Kechikkan post (doimgidek 😬)

Ikki kun avval "Yaqin soatlarda Qur'oni Karimning mobil ilovasi" shaklidagi post chiqargan edim. Avvalo uzr so'rayman kechikkanim uchun. Dasturga Qur'onning O'zbek tilidagi ikki xil tarjimasi va izohlarini kiritib chiqish men o'ylagandan ko'ra ko'proq vaqtga cho'zilib ketti. Aniqroq qilib aytganda 12 000dan ortiq oyatlarni qo'l bilan kiritishga mabjur bo'ldim. Sizlar uchun arzirli ish deb o'ylayman.

Bundan tashqari aybimni yuvish uchun rejani ozgina o'zgartirgan holda Najmiddin Komilovning Tasavvuf kitobini va Islom tarixi haqidagi ko'p bo'lmasada kerakli ma'lumotlarni ham joyladim. Kelajakda sizlarga asqotsa bundan xursandman.

Ayni damda ilovaning birinchi versiyasi ekanini hisobga olsak Ikki xil turdagi tarjima, ikki xil turdagi izohlar va tafsirlar joylangan. Bu esa sizga turlicha qarashlar bilan Qur'oni Karimni chuqurroq o'rganishga yordam bera oladi.

Tasavvuf haqida: Tasavvuf bu Diniy-falsafa bo'lib Islomning asosiy qismlaridan biriga aylanib bo'lgan. Komil inson darajasiga erishmoqchi bo'lganlar uchun yaxshi ta'limot. Batafsil ilovani o'zida tanishishingiz mumkin.

Tarix bo'limiga kelsak bunda Islom dining kelib chiqish tarixi, siyosiy iqtisodiy holatlar, Payg'ambarlik tarixi va boshqa ko'plab siz uchun qiziqarli bo'lgan ma'lumotlar kiritilgan.

Ilova haqida batafsil ma'lumot olish uchun ushbu manzilga kirishingiz mumkin: https://bit.ly/2EPcR2Q

Ilovani to'g'ridan to'g'ri yuklash uchun: https://t.me/devcon/206

-------------------

Ma'lumot o'rnida ushbu ilova "DEVCON P/E" loyihasi tomonidan ishlab chiqilgan. Ushbu loyiha foydalanuvchilar uchun turli xildagi elektron kitob, darslik, o'yinlar va boshqa ko'plab foydali dasturlarni bepul, hech qanday ortiqcha reklamalarsiz ishlab chiqariladi. Ayni shu sabab ham loyiha ravnaqi va kelajakda bundanda yaxshi ilovalarni ishlab chiqilishini xohlovchilar loyihani qo'llab quvvatlashlari mumkin.

Dasturlar ishlab chiqillishi asosiy navbatda vaqt va mehnat talab qiladi, bundan tashqari ishlab chiqish uchun foydalaniladigan dasturlar, resurslar ham ma'lum miqdordagi mablag' evaziga olinadi. Shunday ekan siz qo'llab quvvatlash uchun o'tkazgan istalgan miqdordagi mablag' loyihadagi ushbu sarf-xarajatlarni qoplashga yo'naltiriladi.

Qanday qo'llab quvvatlash mumkin?
Pul mablag'i yordamida: Yuqorida aytib o'tilgandek siz o'tkazgan mablag' summasi loyihadagi xarajatlar uchun foydalaniladi;

Bilim, fikr va takliflar yordamida: Sizda dasturiy ta'minot ishlab chiqish bo'yicha qandaydir fikrlar va takliflar bormi? Unda bizga murojaat qiling. Sizning taklifingiz inobatga olinib albatta ko'rib chiqiladi;

Resurslar, yordamida: Dasturlarni ishlab chiqarish uchun mablag' va takliflardan tashqari resurlar ham talab etiladi. Misol siz biror bir kitob yoki lug'atni qulay elektron shaklda ishlab chiqarilishini istaysizmi? Unda o'zingizda mavjud ushbu kitobni biz bilan ulashing, biz esa siz va boshqalar uchun foydali va qulay shaklda qayta ishlab chiqaramiz;

Qo'llab quvvatlashni xohlovchilar uchun:

Pul mablag'i uchun hisob raqamlarimiz:

1. UzCard yordamida o'tkazma qiluvchilar uchun: 8600 0504 2694 0450

2. Qiwi yordamida o'tkazma qiluvchilar uchun: +998911805015

Sizda boshqa turdagi qo'llab quvvatlash, fikr va takliflar berish istagi bo'lsa ushbu sahifa orqali bog'lanishingiz mumkin:

http://devcon.uz/#contact

Batafsil ma'lumot: http://devcon.uz/donate

-------------------

Postni boshqalarga ham ulashishni unutmang 😉


@devcon dan repost
Ikki nuqta - Mobil o'yin

Casuallar doirasida bo'lgan ushbu o'yin sizga bo'sh vaqtlaringizni maroqli o'tkazishga yordam beradi degan umiddaman. O'yin shartlari yuqoridan pastga tomon harakatlanayotgan tartibli sharlarni ranglariga qarab o'tkazish hisoblanadi va shu asnosda harakat tezligi ham o'yinda davomida oshib boraveradi.

O'yin natijalarini do'stlaringiz bilan ulashishni unutmang 😊

Batafsil ma'lumot: http://devcon.uz/share/blog/75
————
Ushbu dasturlarni ishlab chiqish loyihasi haqida tanishish va qo'llab quvvatlash haqida ma'lumot olish uchun: http://devcon.uz/donate

@devcon


Assalomu alaykum do'stlar. Ko'pchilikning talab va takliflariga binoan o'zim uchun web sahifa yaratishga qaror qilgan edim. Bundan asosiy maqsad o'zimning loyihalarim, bilimlarim yoki o'qib o'rgangan ma'lumotlarimni boshqalarga ulashish edi.

Web sahifaga o'tish uchun manzil: http://devcon.uz/

Hozircha juda ko'p bo'lmasada ma'lum miqdordagi dasturlarni ham joylaganman. Kelajakda albatta yana to'ldirib boriladi.

Loyiha doirasida umumiy auditoriyaga mo'ljallangan bepul dasturlar ham ishlab chiqiladi, qo'llab quvvatlashni xohlovchilar va bundan nima naf kelishi haqida qiziquvchilar uchun ham alohida sahifa yaratdim. Ushbu sahifada to'liqroq tanishishingiz mumkin: http://devcon.uz/donate

Talab taklif va odatdagidek kamchiliklar (uchastka qurmaymiz 😀) bo'lsa bemalol fikrlar qabul qilib olinadi.

P.S: Do'stlarga ulashib tashash tekin yeslishto')


Video oldindan ko‘rish uchun mavjud emas
Telegram'da ko‘rish
Я куплю тебе новую жизнь (cover)

@donishumand


Мухбир Финландия Таълим вазиридан сўради:

- Нима учун Финландияда хусусий мактаблар йўқ?

Вазир Криста Киуру жавоб берди:

- Таълим тижорат эмас, у ҳаммага баробар берилиши керак.

----

Абдугафур Сатимов фейсбук профилидан олинди

@devcon


Мен тарихдан ақллиман, келажак мендан.

@donishumand


«...Менинг фикрларимни ўзлаштириб олаётганлари яхши эмас, албатта. Лекин ўз фикрларининг йўқлиги... даҳшат!»

Никола Тесла

@donishumand


Мен Худо ва ўлим хақидаги бор хақиқатни билмайман, лекин сиз ишонган нарса билан қасам ичиб айтаманки, буни сиз ҳам билмайсиз!

СУКРОТ (Э. а. 469- 399 йиллар)

@donishumand


Отасидан қўрқган болакайни ҳеч кузатганмисиз?

У доимо иложи борича отасидан узоқда бўлишга, айбларини яширишга уринади. Энг ёмони шундаки айбларидан ташқари ўз орзу умидларини ҳам унга айта олмайди.

Одам боласи ва худо ўртасида ҳам шундай мувозанат бузилган. Агар инсонлар худодан қўрқса уни ҳеч қачон англай олмайди. Яхшиси бу йўлни бошқача шаклда давом эттириш керак.

Худодан қўрқиш эмас уни ўзимизга яқин дўст деб билишимиз керак (Мавжуд ёки мавжуд эмаслиги муҳим эмас). Ахир яқин дўстлар орасида сирлар бўлмайдику, улар бир-биридан хафа бўлмайди, бир-бирини хафа қилмайди. Ҳар доим бир бирирга суянади.

Инсонлар эса худо ва ўзлари орасида парда тутиб олганлар. Бу эса бизга худони англаш жараёнини янада мураккаблаштириб боради.

@donishumand


​#Мулоҳаза:
Китоб ўқиган одамнинг ёзувчи бўлиш эҳтимоли ошади.
Китоб нафақат ҳаётни ўргатади, балки уни ўзимиз ўрганишимиз учун имкон яратади - уни қандай кузатиш кераклиги тўғрисида йўл-йўриқ кўрсатади. Ёзувчи учун муҳими шул.
Яна, "Китоб бошқа, ҳаёт бошқа" каби гаплар рост, фақат бу гап китобнинг ҳаётга алоқасиз эканлигини билдирмайди, шунчаки, улар ўртасидаги алоқа бевосита эмас, билвосита. Масалан, китобда ўқиганингни эмас, ундан ўрганганингни ҳаётда қўллаш керак.
© Раҳимжон ҚУДРАТОВнинг ФБ-профилидан
🤔
Янада зўрлари @tiligirrom каналида - уланинг ва улашинг


М.Димовнинг "Болалар худога ёзишди" китобидан

1 Шундай қилингки ер юзидаги барча соввуқ қуроллар синсин.
( Костя 4-синф)

2 Айтингчи, Сиз яна иккинчи бор одам яратасизми?
(Олег 3-синф)

3 Онам қўлимдан ушлаб оламни тарк этаётганда, менга қандай нигоҳ билан қараб турган, дадамнинг кўзларини ҳеч қачон унутолмайман . Худойим айт, яна қанча кўз ёш тўкаман? (Андрей 4-Синф )

4 Нега ер юзигда ҳамма нарсага руҳсат беряпсиз?
(Адик 4- синф)

5 Илтимос Янги йилда бувим мени олдимга келишига ижозат беринг? (Рая 4-синф)

6 Дунёда бўлаётган ишлар сизга ёқаяптими?
(Андрей 2-синф)

7 Одамлар сизни севмаса-ю лекин қўрқса ?
(Руслан 2-синф)

8 Нега бунақа сан бир кун ёмон бошқа кун эса ажойиб ?
( Оля 2-синф)

9 Ер юзида одамлар жуда азоб чекаяпти, нахотки дўзаҳ бунданда ёмон бўлса ?
(Радик 4- синф)

10 Мен ҳам сени кўп кечираман.
(Натан 4-синф)

11 Ажралиш бу оилавий дафн маьросими
(Оля 4- синф)

12 Қари одамлар- бу чарчаган болалар.
(Андрей 4-синф)

13 Нега дунёни яратдинг билмасмидинг бундай тартибсизликлар бўлишини
(Саша 4- синф)

14 Католикда бир худо , Мусулмонда бошқа, Яҳудийлар- учунчи , лютерантлар-тўртинчи , бешинчи-Провослав . Сизни қанча одамлариз бор ?
(Игор 4- синф)

15 Биз сени ўйинчоқларингми?
(Саша 2- синф)

16 Сен маҳзун ва заифларга ёрдам бераман деб сўз бергандинг . Негадир мен буни ҳис қилмаяпман.
( Рома 3- синф)

17 Мени ҳайратда қолдир . Худойим
( Артур 3- синф)

18 Мен туғулдим , қарадим. Дунё аллақачон ёвуз, шафқатсиз (Андрей 4- синф)

19 Агар ўғлинг яна келса, биз уни қайтиб михламаймиз. (Павлик 3 -синф)

20 Нега яхши кишиларни азоблайсан ?
(Феля 3- синф)

21 Масиҳ одамлар учун азоб чекди , аммо одамлар нега азобланади
(Юра 2- синф)

22 Ерда отишмалар бўлаётганда эшитмайсанми, ҳудо.? (Валера 2 -синф)

23 Шундай қилаоласизми ,одамлар баҳтсиз ҳодисалларга учрамасин ?
(Лада 2 -синф)

24 Нега ҳаёт керак ва керак бўлса нега одамлар ўлишади (Костя 2 -синф)

25 Баҳтсизликда қандай қичқирсам сенгача етиб боради
( Наташа 2- синф)

26 Нега ер юзига офатлар юборяпсиз?
(Иван 2 -синф)

27 Шон шуҳрат сенга ҳалақт бермайдими?
(Вася 3- синф)

28 Нега атиргулларни тиканли яратдинг, ҳамма гўзал нарсалар тиканлими ?
(Зина 3-синф)

29 Мўминлар орасида қанча мўминлар бор?
(Зоя 4- синф)

Онда сонда аҳборот воситаларидан, дунёни бази жойларида ва ҳатто ўзимизда ҳам болалар ҳўрланаётганини эшитиб қоламан.
Бугун эса ,шу техтни ўқиб қолдим ва қўлимдан келганча таржима қилдим. Ўқиб туриб ўйладимки бу саволлар ва фикрларнинг деярли ярими, гўё катталарга айтилгандай, тааллуқлидай.

Умид Диёровнинг фейсбук саҳифасидан олинди

@donishumand


Юлдузлар йиғлабди тун бўйи, она,
Шабнам япроқларда жавдираб турар.

Соғинч ини айтиб тонгга жимгина
Олис уфқларга бош урар йўллар.

Йўлларнинг бошида маъюс турибди
Узоқ болаликнинг масъум севинчи.

Эҳ, йўллардан келиб қийнайди мени
Аламдийда йиллар, йиллар Соғинчи.

@donishumand

20 ta oxirgi post ko‘rsatilgan.

56

obunachilar
Kanal statistikasi