Дўстлик туманининг ижтимоий-иқтисодий масалалари депутатлар нигоҳида! Ўзбекистон Республикасининг Президенти раислигида макроиқтисодий барқарорлик ва иқтисодий ривожланишни таъминлаш, инвестиция ва экспорт ҳажмини ошириш, саноат, қишлоқ хўжалиги, уй-жой ва коммунал хўжалиги, қурилиш, транспорт, экология ҳамда ижтимоий соҳаларда кенгайтирилган тарзда видеоселектор йиғилишларида жорий йилда амалга оширилиши лозим бўлган асосий устувор вазифалар ва йўналишлар белгилаб берилган эди.
Жумладан давлатимиз раҳбари томонидан мазкур вазифаларнинг ўз вақтида ва самарали бажарилиши устидан таъсирчан парламент назоратини йўлга қўйиш, жойларда назорат-таҳлил тадбирларини олиб бориш, шунингдек бу борада вакиллик органларининг фаол иштирокини таъминлаш лозимлиги таъкидланганди.
Шунга мувофиқ, Олий Мажлис палаталари Кенгашларининг 4031–IV/КҚ-679–IV-сонли Қўшма қарори билан Қонунчилик палатаси депутатларидан иборат таркибда ҳар бир ҳудуд бўйича алоҳида ишчи гуруҳлари тузилди.
Жиззах вилояти Дўстлик туманига Ўзбекистон Республикаси Олий Мажлиси Қонунчилик палатаси депутатлари Ўрол Ўрозбоев, Зулайҳо Акрамовалар тумандаги аҳоли томорқаларидан унумли фойдаланилиш, жумладан йилига 3 мартгача ҳосил олишга эришиш, шу орқали аҳоли бандлигини таъминлаш ва даромадларини ошириш, маҳсулот етиштириш ҳажмларини кўпайтириш бўйича кўрилаётган чора-тадбирларни ўрганиш ҳамда таҳлил қилиш учун ташриф буюрди.
Унда ҳудудларда бозорларни озиқ-овқат маҳсулотлари билан тўлдириш ва нарх-наво барқарорлигини сақлаш, экспорт салоҳиятини янада ошириш борасида амалга оширилаётган лойиҳаларнинг самарадорлиги ўрганилди. Туманда кам таъминланган оилалар ва ёшларга “Деҳқон хўжалиги” ва иссиқхоналар фаолиятини юритиш учун ажратиб берилган. Улар томонидан мавсум давомида етиштирилаётган сабзоват, полиз ва картошка маҳсулотлари ҳисобига аҳолининг озиқ-овқат маҳсулотларига бўлган талаби қондирилиб борилиши таъминланаяпти ҳамда фермер хўжаликларида ғалладан бўшаган ер майдонлари ҳисобидан етиштирилган озиқ-овқат маҳсулотлари эвазига доимий равишда туман деҳқон бозорида нархлар барқарорлиги таъминлаб борилаётганлиги аниқланди.
Шунингдек, Ўзбекистон Республикаси Президентининг 2023 йил 13 апрелдаги ПФ-51-сонли Фармони 4-иловасига асосан Дўстлик туман "Чинобод" МФЙ ҳудудида “Янги Ўзбекистон” массиви ташкил этилиб, бугунги кунда 2 та 5 қаватли 20 хонадонли жами 40 хонадонлар фойдаланишга топширилди. Бундан ташқари, худди шундай яна 9 та 5 қаватли 20 хонадонли жами 180 хонадонларда қурилиш ишлари давом этмоқда.
Туманда 180 хонадонларнинг уй-жойи йўқ, турар-жойга муҳтож бўлган оилаларга туманда 7 та ижтимоий уй-жойлар таъмирланиб, бугунги кунда 590 нафар аҳоли истиқомат қилиб келаётганлиги маълум бўлди.
Тумандаги "Саноатчилар" МФЙ ҳудудида жойлашган Сут ва сут маҳсулотларини ишлаб чиқаришга ихтисосолашган "Жасурбек Холмухамедов" фермер хўжалигида бўлиб, у ердаги маҳсулотлар сифати, амалга оширилаётган ишлар ва ундаги мавжуд муаммолар билан танишилди.
Ушбу фермер хўжалиги 11 хилдаги сут ва сут маҳсулотлари ишлаб чиқарилаётганлиги, бугунги кунда 17 та иш ўринлари яртилагнлиги, тумандаги Мактабгача таълим ва соғлиқни сақлаш муассасаларини сут ва сут маҳсулотлари билан таъминлаб келаётганлиги, келгусида яна янги иш ўринлари сони оширилиши кўзда тутилганлиги ўрганилди.
Туманда депутатларимиз томонидан ўрганишлар давом этмоқда.
Муқаддас Саддинова.🌍
Web sayt |
✉Do'stlik hayoti| ✅
Tuman hokimligi | 💬
Facebook| 📹
Youtube