Kitoblardagi sirlar

Assalomu alaykum qadrli ustozlarim,
Soʻz boshida, men menga tahsil bergan jami murabbiylarimni, hossatan, Mo'minov Ilyos, Toshmurodova Sayyora, Abdulaziz aka, Ma'rifat ustozim, Poʻlatov Shodiyor hamda mening ammam Nabiyeva Gulnozalarni oʻz kasb bayramlari munosabati bilan chin qalbimdan samimiy muborakbod etaman.
Aziz yurtdoshlar,
1-oktabr, "Ustoz va murabbiylar" kuni barcha ushbu kasb fidoiylariga muborak boʻlsin! Bilamizki, har kim oʻqituvchi boʻlishi mumkin, lekin har xil navli murabbiy boʻladi, shuningdek, ustoz degan sharafli nomga har kim ham munosib boʻla olmaydi, bu nom ostida, butun yurt kelajagi turganini his etgan kishi, asl ustod nomini sharaflash naqadar lozim ekanligini biladi.
Aziz doʻstlar,
Asl murabbiylar kimlar? Ular bizga maktabda qo'llarimizga jajji qalam tutqazgan oʻqituvchilarimizmi, yoʻq, ulardan ham avval bizni tik oyoqda yurishni o'rgatgan ota-onalarimizdir, demak anglashiladiki, bugun qadrli ota-onamizning ham bayrami!
Biz avvalari, harf tanimas edik, kitoblarni hijjalab oʻqirdik, endichi yillar aro o'rgatilgan ilmning samarasi oʻlaroq, bugun biz har qanday jumlani yozib ham oʻqiy olamiz, bular kimning sharofati, albatta ustozlarimizning!
Ustoz, shundayki, u yo'lchi yo'lchiroq, afsuski, aksar joylarda, ustoz nomiga boʻlgan hurmat juda past, negaki, oʻsha ustozlar yoki chin ustozlik maqomiga ega emas, yoinki, oʻsha qavm ahli juda ongi pastdir!
Bolaga bitta harf oʻrgatish shunchalar ogʻir mashshaqatki, uni faqatgina ustoz boʻlganlar bilishi mumkin!
Kamina hodimingiz ham ustoz emas, lekin maktablardagi turli uchrashuvlarda, men buni yaqqol guvohi boʻlganman!
Demak, farzandingiz, uyga maktabdagi masalalarni ko'tarib kelsa, yoki "ustoz meni urdi" desa, darhol militsiya bilan borib, oʻqituvchining tinch oilasiga alanga solishdan avval farzandning oʻzi bilan kengashing, negaki hech bir ustod, hech qachon, oʻz shogirdiga yomon bo'l deb taʼlim bermaydi.
Shunday ekan ushbu sharafli kasb egalarining bugungi bayrami muborak boʻlsin deb
Kamoli ehtirom bilan Alimjonov Davlatbek

Тириклигида қадрига етинг.

Она ўғлига қўнғироқ қилди.
Ёдгор: Алло…
Она: Ўғлим қаердасан?
Онасини саволидан Ёдгорни энсаси қотиб, жахли чиқди.
Ёдгор: Ҳа, она бирон нима керакмиди? Мен чиқиб кетаётган эдим.
Она: Бозор ўчарим кўпайиб, халталарим оғирлашиб кетганини сезмай қолибман. Келиб менга қарашиб юбор, кейин ишларини секин қилаверасан. Мен келишингни шу ерда қимирламай кутиб тураман.
Ёдгор: Онааа, мени вақтим йўқ. Мухим учрашувим бор.
Она: Роббим бошқа сенга ишим тушгудай қилмасин, ўзим бир амалларман, бўпти хайр.
Ёдгор: Хайр…

Онаси билан хайрлашиб телефонини ўчирган хам эдики, яна телефони жиринглади. Қараса севгилиси экан. Шунақангки хурсанд бўлиб кетдикиии... Жону дили билан қўнғироққа жавоб берди.
Қиз: Алло жоним, қўнғироқ қилсам банд экансиз.
Ёдгор: Асалииим... Онам билан сухбатлашаётган эдим.
Қиз: У бу нарса бўлдими дейман?
Ёдгор: А йўқ, бозорда эдилар. Кўп бозор қилиб юбориптилар шекилли. Шунга чақираётган эканлар.
Қиз: Борасизми?
Ёдгор: Йўғеее, уни буни қўй, 15 дақиқада ёнингда бўламан.
Кийимларини тез-тез ўзгартириб, шошиб-пишиб севгилисининг олдига югуриб кетди. Йўлда қўл телефони яна жиринглади, қараса яна онаси.
Ёдгор: Уффф, ҳааа онааа.
Бегона овоз жавоб берди.
- Ассалому алайкум, ука шу рақам эгасини танийсизми?
Ёдгор қўрқиб кетганидан баданини қалтироқ босди. Юрак уруши хам тезлашиб кетди.
Ёдгор қалтироқ овозда: Ххха, бу онамнинг рақамлари, тинчликми?
- Онангиз автохалокатга учрадилар. Хозир касалхонадалар, қўл телефонларига қарасак сўнгги бор сиз билан гаплашган эканлар, рақамни "Ўғлим" деб номлаган эканлар. Шунга сизга қўнғироқ қилавердик.
Ёдгор: 10 дақиқада бўламан, деб кўз ёшларини артиб телефонни ўчирди. Қани энди шу заҳоти қанотлари бўлсаю, касалхонагача учиб борса...
Касалхонага телбаларча югуриб кириб онасини сўради. Ва ниҳоят онасининг хузурига етиб келди. Қараса онаизор тўшакда ойнага термулиб ётган экан. Хамма ери қип қизил қонга беланган. Она оёқ товушларини эшитган захоти зўрға эшикка қаради. Она сўнгги нафасларини олаётган эди.
Она: Келдингми болам. Мен уларга “Айтманг, болам қўрқиб кетмасин” дегандим. Кўнглинг хотиржам бўлсин. Мен тузикман.
Ёдгор кўз ёшларини яшириб: Ҳаа албатта тузиксиз, ҳали бунданам яхши бўлиб чопқиллаб кетасиз.
Она: Ярамас, нега мени олиб кетгани келмадинг? Сен севган таомни пиширмоқчи эдим.
Ёдгор: Бўлди бас, етар. Ҳали ўрниздан туриб, менга ширин-ширин таомлариздан қилиб берасиз.
Онааа, онаааа нега жавоб бермаяпсиз менга, онааа...
Ёдгор оёқларида туролмай, йиқилиб бақирар эди. Атрофидагилар эса Ёдгорга далда беришмоқчи бўлардилар.
- Ўғлим, туринг. Онангизни Аллоҳ раҳматига олган бўлсин.
Ёдгор бақириб: “Йўқ, ундай деманглар, онам тирик”, деб ўрнидан зўрға туриб онасини махкам бағрига босди.
Ёдгор: Онажон туринг, сиз тириксиз, мен билан хазиллашаяпсиз тўғрими? Мени қўрқитиш учун атай шундай қилаяпсиз а? Аллоҳга қасам сизни бошқа хафа қилмайман, фақат туринг. Туринг, уйимизга кетамиз. Мени яна олдингидек бағрингизга босинг. Турсангизчи, мени бошқа синаманг онажоним. Аллох хаққи сизни жудаям яхши кўраман. Туриииинг, турииинг илтимооос туриинг…
Докторлар бор кучлари билан Ёдгорни хонадан олиб чиқиб кетдилар. У бўлса онасининг вафотига ҳеч ҳам ишонгиси келмас эди.

Наҳотки бир соат аввал айнан шу онасини деб асабийлашган бўлса. Қандайдир бир қиз билан учрашаман деб, онасига ёрдам беришни кўп билди. Кошки эди надомат чекишимиздан аввал оналаримизнинг қийматларини билсак!
Ким онасининг оёғи остида хизматкордай яшаса, қавмнинг боши устида саййид бўлиб яшайди!

Hech qachon "qo'limdan kelmaydi" degan soʻzni tilinga olma, unutma, qoʻl-oyoqsiz kishilar ham bugun oʻz yoʻliga ega.

Assalomu alaykum qadrli doʻstlar,
Bugun men tom maʼnoda yoshlar bilan yoshlar ishlash metodining naqadar barqaror ekanligiga ishonch hosil qildim.
Hossatan har bir Oliygohda tashkil qilingan O-week loyihasi oʻz yakuniga yetdi. Ushbu loyiha asosida biz yoshlar oʻz tengdoshlarimizga boʻlgan mehrimiz yanada ortdi, ular bilan turli dasturlar orqali yaqindan tanishib ularga Oliygohdagi hayotlarini boshlashda va ta'bir joiz boʻlsa ularning ilk qadamlarini tashlashlarida koʻprik vazifasini bajardik. Bugun ushbu loyiha ham yakuniga yetdi, boshqa Oliy Oʻquv yurtlarida bu loyiha qay darajada yakun topdi, bilmadim, ammo bizning Oʻzbekiston Davlat Jahon tillari universitetida bu loyiha eng qizgʻin voqealarga boy boʻldi. Shaxsan biz yoshlarning oʻz tilimiz bor, bizni katta yoshlilar anglamasliklari mumkin, lekin dunyo qarashi keng boʻlgan har bir yosh borki, bir birini tushunadi, bu bilan katta yoshli kishilarning biz yoshlarga ko'rsatajak ibratli yoʻllaridan aslo yuz oʻgirish kerak degan xulosaga borish mutlaqo xato, negaki biz qadam bormoqchi boʻlgan yoʻlni ular allaqachon bosib oʻtishgan.
Biz bu oʻrinda ushbu loyiha uchun jonkuyarlik qilgan barcha koordinatorlar, ayniqsa bizni qoʻllab quvvatlab turgan Alisher Sa'dullayev, Oʻzbekiston Yoshlar Ittifoqi Markaziy Kengashi Raisiga barcha yoshlar nomidan samimiy minnatdorchilik bildiraman.

Assalomu alaykum qadrli vatandosh,
Bugun sen va men uchun oʻta muhim kundir, yaʼni mamlakatimiz mustaqil bo'lganiga ham mana yigirma sakkiz yil boʻlibdi, buni umr konsentida aytadigan boʻlsam, bir navqiron yigitlik yoshiga yetibdi, hur Oʻzbekistonimiz! Qadrli doʻstim, sening mana shunday dorilomon kunlarda yashashing uchun ne-ne aziz jonlar qurbon boʻldi, endi sendan talab etiladigani, kelajak sari dadil qadamlar bilan olgʻa va faqat olgʻa yurish qoldi, hech qachon qo'rqma, maqsadni katta qoʻy, yurt istiqboli va uning kelajagi yoʻlida oʻzingni javobgar his qilgin, butun dunyo seni tan olsin, sen oddiy bir shaxs sifatida yashab oʻtish uchun kelmagansan dunyoga, sen zero Imom al-Buxoriy, Alisher Navoiy, At-Termiziy, Amir Temurdek buyuk ajdodlarning avlodisan, qani ayt qaysi yurtda shunday olim-u donishlar bor, biz kim Sohibqiron Amir Temur avlodimiz, shunday ekan qadrli yurtdoshim, sen marrani katta qoʻyishing va kelajak sari dadil qadam tashlashing lozim boʻladi, illo sendan talab qilinadigani ham ayni mana shu!
Yurtimning murgʻak qalbli dovyurak, qo'rqmas bahodirlari va shu bilan birga mustaqiligimiz bilan hamnafas boʻlgan tengsiz tengdoshlarim, sizlarga va barcha oʻzbek xalqiga chuqur ehtiromimni izhor etgan holda, mamlakatimiz mustaqilligining yigirma sakkiz yilligi munosabati bilan chin qalbimdan samimiy muborakbod etaman!
Shu bilan birga sizlar orqali butun Oʻzbekiston xalqini ushbu eng ulugʻ, eng aziz shodiyona munosabati bilan yana bir bor qutlayman!
Hurmat va ehtirom bilan
Alimjonov Davlatbek.