እድሜው የገፋ ባለፀጋ ህይወት ምን እንዳስተማራቸው ተጠይቀው እንዲህ ሲሉ ነበር ምላሽ የሰጡት

ህይወት ያስተማረችኝ ፦ ተበዳይ ጊዜው ቢዘገይም ድል እንደሚያደርግ ነው

ህይወት ያስተማረችኝ ፦ በሌሊት የተደረገች ፀሎት ማረፊያዋ ቅርብ እንደሆነ ነው።

ህይወት ያስተማረችኝ ፦ በየትኛውም አጋጣሚ እንደተዘናጋን ህይወታችን ልትጠናቀቅ እንደምትችል ነው።

ህይወት ያስተማረችኝ ፦ ገራገር ልቦና ፣ ለዘብተኛ ንግግር እና ቸርነት የስነምግባር ካፒታል መሆኑን ነው።

ህይወት ያስተማረችኝ ፦ የአለማችን ሀብታም ጤና እና ሰላም የሰፈነበት ኑሮ ያለው ሰው እንደሆነ ነው።

ህይወት ያስተማረችኝ ፦ መርዝ ዘርቶ መድሀኒት ማጨድ እንደማይቻል ነው።

ህይወት ያስተማረችኝ ፦ የህይወት ውጣውረድ ሳይጠናቀቅ እድሜ እንደሚቋጭ ነው።

ህይወት ያስተማረችኝ ፦ ሰዎች እንዲሰሙት የፈለገ ሰዎችን መስማት እንዳለበት ነው።

ህይወት ያስተማረችኝ ፦ ከሰዎች ጋር መንገድ መጓዝ የተደበቀ ማንነታቸውን ለመረዳት አማራጭ የሌለው መፍትሄ መሆኑን ነው።

ህይወት ያስተማረችኝ ፦ እኔ እና እኔ የሚል ፍልስፍና የሚያበዛ ሰው ውስጡ ባዶ መሆኑን ነው።

ህይወት ያስተማረችኝ ፦ ውስጥ በወርቃማ ስብእና የተገነባ በየጊዜው እያንፀባረቀ ሲጎላ ውስጡ እንደብረት የጠጠረ እየዛገ እንደሚሄድ ነው።

ህይወት ያስተማረችኝ ፦ የሞቱ ሰዎች ሁሉ ምኞታቸውን ያልጨረሱና ቀጠሮ የነበረባቸው እንደሆኑ ነው።

ህይወት ያስተማረችኝ ፦ ለትንሿ ሞታችን እንቅልፍ እንኳ አልጋ ማነጠፍ እና ብርድልብስ ማጠብ እንደሚያስፈልገን ነው።

ሰዎች ሆይ! ስለትልቁ ሞት ግን ምን ያክል ዝግጅት አድርገን ይሆን?

ከደጋግ አባቶቻችን አንዱ እንዲህ ይሉ ነበር
«ሰዎች በሽታን ፍራቻ የተወሰኑ ምግቦችን ሲጠነቀቁ እሳትን ፍራቻ ከወንጀል አለመጠንቀቃቸው ያስገርመኛል!!»