الشاعرة الملة الكربلائية

لا يفوتكم الانضمام لقناة الشاعرة المبدعة تبارك العفراوي...
دخلوا وشوفوا قصائدها متاكدة راح تعجبكم واذا ما عجبتكم عود ارجعلكم افلوسكم 😂😂
بس دخلوا هذا الرابط👇👇
https://t.me/vckvdjdjf
https://t.me/vckvdjdjf

——–————––——

#ملاحظة:
مشگول الذمه اليحذف الدعم ❌قبل مرور 24 ساعة من نزول

اقبل القنوات 3k وممكن اقل اذا اذا ما مشتركة بدعم اخر

مشاهدة "قصيدة للاربعين الشاعرة فاطمة علي صالح الحلفي بصوت الرادود محمد الدفاعي" على YouTube
https://youtu.be/5og8yQyM1WQ

قصيدة لرجوع السيدة زينب"ع" الى كربلاء كأني بها عند قبر الامام الحسين"ع" تشكي له ماجرى عليها
❥❥ـــــــــــــ❁❂❁❂❁❂❁ـــــــــــــ❥❥
مابية حيل وداعتك ياخوية تعبانة
يحسين شيبني السبي ورديت نحلانة
❥❥ـــــــــــــ❁❂❁❂❁❂❁ـــــــــــــ❥❥
هايابعد كل الغوالي وياضوة عيوني
شلونك يبعد العافية ماتدري شلوني
رديت الك من اليسر تتنازف متوني
ارد اشتكيلك حالتي وادموعي جريانة
❥❥ـــــــــــــ❁❂❁❂❁❂❁ـــــــــــــ❥❥
حيلي خلص يابوعلي ماشيلن ايدية
بذاك الدرب كلشي صعب ياخوية مر بية
ظهري انحنة واسمع حچي سموني مسبية
غير الشتايم والضرب اذوني اعدانة
❥❥ـــــــــــــ❁❂❁❂❁❂❁ـــــــــــــ❥❥
شفت الاذية يالولي وكل شوغة اذتني
وطبت الشام وداعتك ياخوية ذبحتني
عدهم فرح اهل الفتن يوم اللي شافتني
ايدية مچتوفة بحبل ولوحّدي انة
❥❥ـــــــــــــ❁❂❁❂❁❂❁ـــــــــــــ❥❥
شافوني ماعندي ولي وضحكتهم اتعالت
جريت حسرة وابهظم يادمعتي سالت
والله وكت يادنيتي بية ابغدر مالت
ومن عندي رحتو وافگدتكم آ يوليانة
❥❥ـــــــــــــ❁❂❁❂❁❂❁ـــــــــــــ❥❥
بعد الجرالي جيت الك ياالغالي شكاية
لوعاتي ياخوية العشتهة كلش هواية
خلي المعاتب عندي الك يالوالي حچاية
مشتاگة اشمن ريحتك واعليك لهفانة
❥❥ـــــــــــــ❁❂❁❂❁❂❁ـــــــــــــ❥❥
مشتاگة خوية لشوفتك واسمعهة چلماتك
ظلت بذاني لهالوكت يالغالي وناتك
اگعد وشوف اختك تون هية وبنياتك
يم گبرك اگعدنة نون وانهيل تربانة
❥❥ـــــــــــــ❁❂❁❂❁❂❁ـــــــــــــ❥❥
*بقلم✍خادمة تراب الزهراء(ع) الكربلائية فاطمة علي صالح الحلفي*
*واسألكم الدعاء والفاتحة لروح جدي وامواتكم ودعواكم لي بالنجاح والموفقية*
*غير برئ الذمة امام الله والزهراء من يحذف الاسم والرابط*
https://t.me/fatimaalialhilfy

*🍃قصيدة ثگيلة للاربعين🍃*
❥❥ـــــــــــــ❁❂❁❂❁❂❁ـــــــــــــ❥❥
وصلن كربلة وايهلن العين
وكل وحدة لوليها ادورة وين
*گلبهن بالحزن ذاب…صاحن وين الاحباب*
بتراب الگبر نامو الطيبين
❥❥ـــــــــــــ❁❂❁❂❁❂❁ـــــــــــــ❥❥
بيهن حرمة استغرب وضعها
تعثر بالجدم محني ظلعها
مهظومة ويهل عالخد دمعها
ادور عالذي مصابة فجعها
*اظن هاي العقيلة…اجت كلش نحيلة*
تصيح بصوت ياعباس ويحسين
❥❥ـــــــــــــ❁❂❁❂❁❂❁ـــــــــــــ❥❥
تگوم اطيح زينب من تعبها
وتسمّع لابن امها عتبها
وتشكي للبطل من الضربها
والشمر وخولي اشلون سبها
*نوبة يم الخوان…تنعة بگلب حزنان*
نوبة يم ولدها اجر الونين
❥❥ـــــــــــــ❁❂❁❂❁❂❁ـــــــــــــ❥❥
محتارة لوين الطاهرة تروح
عدياغالي تنعة وتگعد تنوح
اشگد گلب العقيلة شايل جروح
وياصبر البقة ويصبر الروح
*لا واحد ولااثنين…راحو منها سبعين*
متفيد الدموع ولطم الجبين
❥❥ـــــــــــــ❁❂❁❂❁❂❁ـــــــــــــ❥❥
ثنين من الفواطم يبچن ادموم
بحزن اتگابلن والحيل مهدوم
وحدة اتصيح يوليدي يمحروم
وذيچ الصارخة يمة يمفطوم
*رباب وهاية رملة…لابنها اگعد تگلة*
يايمة انفطر دلالي نصين
❥❥ـــــــــــــ❁❂❁❂❁❂❁ـــــــــــــ❥❥
ويم الاكبر اجت حرمة حزينة
تنادي والگلب زايد ونينة
مشتاگة اشوفن ابني وينة
انة امك يبو الروح الحنينة
*ليلى تلطم الهام…تون وكلها الام*
ماسمعاها ابنها نام الحنين
❥❥ـــــــــــــ❁❂❁❂❁❂❁ـــــــــــــ❥❥
هاي احوالهن تربات الخدور
يوم اللي اعتنن وجن للگبور
خنوح ابحزن واليبچي ماجور
نعازيهن ونلطم حيل الصدور
*نواسي الخدّر اليوم…لدمع انسيله ادموم*
ونعازي الزچية وابو الحسنين
❥❥ـــــــــــــ❁❂❁❂❁❂❁ـــــــــــــ❥❥
*بقلم✍خادمة تراب الزهراء(ع) الكربلائية فاطمة علي صالح الحلفي*
*واسألكم الدعاء والفاتحة لروح جدي وامواتكم ودعواكم لي بالنجاح والموفقية*
*غير برئ الذمة امام الله والزهراء من يحذف الاسم والرابط*
https://t.me/fatimaalialhilfy

مشاهدة "نعي الاربعين بصوت الرادود محمد الدفاعي كلمات فاطمة علي صالح الحلفي غيربرئ الذمة من يعيد النشر" على YouTube
https://youtu.be/vrUCCdoO1Mg

*🍃نعي گرناوي للاربعين🍃*
❥❥ـــــــــــــ❁❂❁❂❁❂❁ـــــــــــــ❥❥
*لسان حال السيدة زينب(ع) مخاطبة الامام الحسين(ع):*

صار الاربعين وجيتك اليوم
وراسك يالولي جايبتة وياي

ادفنة وية الجسد واعليه اون حيل
واسمعنك عتابي وذاك مبچاي

دگوم وعوف گبرك ياضوة العين
احس گلبي انفطر من فرگتك هاي

واحس ظلمت الدنيا وضاگت الروح
شبعت منها اذية يالولي هواي

مشتاگة انة اشمك واگعد وياك
واشوفنك يخوية اجروح يمناي

اخبرنك اريدن بالجرة وصار
من ظليت وحدي بدون حماي

چنك معرفتني حگك احسين
مو انة العقيلة الچنت محلاي

لا يالغالي لاتستغرب الحال
سوط الشمر هذا امنحل اعضاي

ليش السة نايم ردلي اجواب
مامشتاگ الي يالبة احشاي؟
❥❥ـــــــــــــ❁❂❁❂❁❂❁ـــــــــــــ❥❥
*بقلم✍خادمة تراب الزهراء(ع) الكربلائية فاطمة علي صالح الحلفي*
*واسألكم الدعاء والفاتحة لروح جدي وامواتكم ودعواكم لي بالنجاح والموفقية*
*غير برئ الذمة امام الله والزهراء من يحذف الاسم والرابط*
https://t.me/fatimaalialhilfy

المحتاج محاضرات مكتوبة  يقراها بالمجالس خل ينضم لهذه القناة ...مليانه احاديث وقصص  ومواعظ  عن أهل البيت... كلها جهزناها الكم على شكل روابط... يعني كل محاضرة موجود عنوانها وتحتها رابط المنشور، ما عليكم غير بس اضغطون عالرابط يطلعلكم الموضوع الي تريدوه..
شبيك لبيك المحاضرة التريدها بين يديك👇

https://t.me/geanangna/4676
https://t.me/geanangna/4676

حذف هذا 👆الاعلان بعد اربع ساعات #عليكم

فزاعية للامام الرضا ع

نعازيچ بالغالي ونون
ماجورة يامعصومة

نعازيچ هاليوم ونون
وانصبنة ماتم بالحزن
وادموعنة لجلة جرن
ويلي اشمصعب يومة

يومة صعب ماينحمل
ياوسفة بالسم ينكتل
خلي مدامعنة تهل
وياچ يالمهظومة

چنتي لشوفة رايدة
واعليه لهفتچ زايدة
ماحسبيتي هالعدة
تفجعچ بهاي اعلومة

لمن سمعتي بموتتة
ونيتي حيل لحالتة
شصاير يويلي بچبدتة
وروحة گضت مهدومة

هاليوم اقمنة ماتمة
ونگابلچ يا فاطمة
الشيعة كلهة لاطمة
وبمصيبتة مالومة

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://t.me/fatimaalialhilfy

ماهو البرزخ؟؟؟
وماهي حياة البرزخ؟ ⁉️🖤

هالقناة تنشر معلومات عن عالم البرزخ والحياة ما بعد الموت ادخلوا وشوفوا عجائب الخلق 🖤✨👇
https://t.me/readingnew/44920
https://t.me/readingnew/44920

لا احلل لكم استبدال رابط الاعلان بأخر ولو بتغيير بعض الكلمات فيه

فزاعية سريعة لرقية ع

شيليهه يعمة ابساع
طلعت روح البنية

ماتت اختي ياعمة
عليهة الروح متألمة
وكون الهة النظر يعمة
شسوة امصابهة بية

چانت تبچي عالوالي
رادت شوفت الغالي
تگول حسين ماجالي
عني طول الجية

جابو منحرة الهة
وهية الدمعة تهملهة
هالشوفة متحملهة
العندة مدللة هية

صاحت حيل مشتاگة
هيچي شلون نتلاگة
فگدك نارة حراگة
تسعر بية ليلية

ياهو اللي گطع راسك
بوية وخمّد انفاسك
شلون اتجرأ وجاسك
وخلاني ابمهظمية

ياهو المارحم سني
حز راسك ويتمني
بوية امصابك افجعني
تجيني كون المنية

شبگت راسه ابحسرة
ونامت عين الزغيرة
الطفلة امصابهة اشكبرة
عذبوهة بني مية

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://t.me/fatimaalialhilfy

ختاميه للامام الحسن ع

يحزام ظهري وياچبير خواني
فگدك ياعزيز الروح اذاني
گبرك شفتة بعيوني وبچاني

ياعم الولد ... من نومتك گوم
شلك باللحد بسك امن النوم
چاعدمن عفتني حاير اليوم
مكسور الظهر والحيل مهدوم
ماعندي سند وابقيت مهظوم
فگدك صوباني اصواب ميشوم
ودلالي يخوية اعليك ملچوم
من عندك يغالي صرت محروم
باچر انولي مابين هالگوم
واعليه المناية يالاخو اتحوم
ضامي انذبح واتسيل الدموم
(ردتك عوانة //وياي بيوم العاشر)

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://t.me/fatimaalialhilfy

قصيدة للامام الحسن(ع) مربوعة اوفزاعية جنوبية

ابو محمد اليوم ...يودع احبابة
گربت ساعتة وناوي علة غيابة

بدموع الحزن ودع اخياتة
وياهم يگضي هاي ساعاتة
تهد الحيل ياهالناس وناتة
اصوابة بالچبد وايعور اصوابة
(بالسم تمرد دلالة)

صابو چبدتة بالسم واذوهة
وياروح الامام اتلوع خلوهة
ايسو من علاجة وحالة عرفوهة
باچر يرتحل وايسدد ابوابة
(ايس دكتورة امن اعلاجة)

صعبت حالتة وصاح الوداعية
عنكم راح اروح وماالي جية
زينب شهگت ودمعتهة مجرية
بحسرة شبگتة واتشمهن ثيابة
(واتگلة وداعك اذاني)

تگلة اشلون اودعك ياضوة عيني
خوية فرگتك كلش تاذيني
شلك باللحد ياشمعة سنيني
مظلم يالحنين وحارة اترابة
(ابقى ويانة يعضيد حسين)

ليش اتعوفنة واتنام عالتربان
وايظل الحسين ابروحتك حيران
ديوانك حزين وتوحش الحيطان
ومظلم بيتك ومانوصل اعتابة
(شلون خلافك نگعد بي)

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://t.me/fatimaalialhilfy

فزاعية سريعة للحسن(ع)

ماجورة بمصاب الحسن
يم الحسن هالليلة

جينة نعازيچ ونون
يافاطمة كلنة بحزن
هالليلة مفگود الحسن
واعليه تنوح العيلة

تبچي عليه اعيالة
الموت وسفة جالة
النومة ماتحلالة
نومة الغالي اطويلة

هيهات مايرجع بعد
واحسين ظل بلا سند
وايصيح اخونة مايرد
وابحرگة ظل يبچيلة

وزينب تدگ عالهامة
شيردهة بعد ايامة
ظلو اولادة ايتامة
واعليه روحي انحيلة

الله يعين احبابة
الغالي سدو بابة
صعب وثگيل اصوابة
ياهو بعد تشكيلة

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://t.me/fatimaalialhilfy

قصيدة ثگيلة للحسن(ع)

ياحسين//الحسن مخطوف لونة
ياحسين //نظرة وداع بعيونة
منمرد دلالة ...... شوف خوية حالة
ياحسين //نظرة وداع بعيونة

گاعدة يمة واشوفن حالتة
شسوة ذاك السم يويلي بچبدتة
ظل يباوعلي ويهلهة دمعتة
نظرة وداع وحنين لعيلتة
يدري المفارگ صعب ...خوية ويفت الگلب
ياحسين //نظرة وداع بعيونة


خوية يابواليمة خنجيب الطبيب
بلكت الله ينفعة اعلاج ويطيب
احچي ويا لكن اهوا مايجيب
راح حيلة وماگدر يحچي الحبيب
وجهة ذابل وانشحب... خلص حيل من التعب
ياحسين //نظرة وداع بعيونة


مايطمن حالة خوفني ترا
ماسكن روعي وبقيت محيرة
ريت امنة هسة يمنة حاضرة
وياي وتعاوني عالصار وجرة
تحط اديهة عالجبين...بلكي ويگوم الحنين
ياحسين//نظرة وداع بعيونة

ماتحسن وضعة لا گادر يگوم
بس يون وعينة ماضاگت النوم
وانة بس ادعي وانوح ويمة احوم
ربي طول عمرة ويانة ويدوم
لكربلة نريدة ضخر ...يردع بسيفة الكفر
ياحسين //نظرة وداع بعيونة

سالت دموعة وانا گلبي رجف
چن بعد مايبقة ويانة عرف
چبير اخوتي انگضة عمرة ياوسف
اعليه ابچي لحد مادمعي يجف
اعمي اعليه النظر...اينام وسفة بلگبر
ياحسين//نظرة وداع بعيونة

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://t.me/fatimaalialhilfy

قصيدة لدخول الشام

شلون اطب الشام وانة مگيّدة
الوادم اتباوع علي ومعيّدة
ا يخوتي اه
ا يخوتي اه

اه ياحسرة دليلي وغربتي
الصخر يحسين ون لمصيبتي
يضحك وفرحان واگف شامتي
وگلبي عالشوغات الله يساعدة
ا يخوتي اه
ا يخوتي اه

شلون اطب ديوان يعزاز الگلب
فرجة يهلي نصير مابين الغرب
والله هالموقف يبوسكينة صعب
ورحمة ماعدهم تعرفون العدة
ا يخوتي اه
ا يخوتي اه

بس نسة وانخاف والمدمع يسيل
خلصو الوليان مذبوح وچتيل
حيل ماعندة بقى بس العليل
كلهة ظلت عالتراب موسدة
ا يخوتي اه
ا يخوتي اه

اخ منك يادهر شحچي وشگول
هيچ مهظومة تظل ال الرسول
وادخل الديوان وانة امي البتول
واللعين ايزيد عيني اتشاهدة
ا يخوتي اه
ا يخوتي اه

اشوفة متربع علة عرشة اللعين
وبيدة سوط ويضرب شفاف الحسين
وكل اهالي الشام يمة مجمعين
يباوعولي ابنص خرابة گاعدة
ا يخوتي اه
ا يخوتي اه

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://t.me/fatimaalialhilfy

مشاهدة "(شلون ارد انة بلاچ)الشاعرة فاطمة علي صالح الحلفي واداء الشيخ سعود شروفنا غير برئ الذمة من يحذف الاسم" على YouTube
https://youtu.be/-VssJPY4BD4

*🍃قصيدة للسيدة زينب(ع) وهي تخاطب السيدة رقية(ع) عندما ارادت الرجوع الى كربلاء🍃*
❥❥ـــــــــــــ❁❂❁❂❁❂❁ـــــــــــــ❥❥
عمة صعبة شلون ارد انة بلاچ
ريت اخذني الموت عمة ولاخذاچ
*شرد اگل لوالدچ … ادري اخيي يفگدچ*
عمة صعبة اشلون ارد انة بلاچ
❥❥ـــــــــــــ❁❂❁❂❁❂❁ـــــــــــــ❥❥
عمة گومي وياي يالله يارقية
خلصت ايام السبي وذيچ الاذية
راح نرجع للوطن كلنا سوية
گومي اوعوفيها تربان الوطية
*راح نرجع للحُسين… خاف يسألني انتي وين*
عمة صعبة اشلون ارد انة بلاچ
❥❥ـــــــــــــ❁❂❁❂❁❂❁ـــــــــــــ❥❥
غالية عند الولي و يحبچ ادري
اشلون بية لو وصلت وشنهي عذري
وحدي من دونچ شگلة اكسرتي ظهري
بعد مااحمل تراني وراح صبري
*صبر ماعندي بعد …مني الگلب نمرد*
عمة صعبة اشلون ارد انة بلاچ
❥❥ـــــــــــــ❁❂❁❂❁❂❁ـــــــــــــ❥❥
خاف يگلي احسين وين اتركتي بتي
ليش عفتيها بغرب وحدچ رجعتي
شنهي انة هنا شگلة ياحسرتي
ذاب دلالي ودمة اهمل دمعتي
*شلون اعوفچ بالغرب… شگل لعزيز الگلب*
عمة صعبة اشلون ارد انة بلاچ
❥❥ـــــــــــــ❁❂❁❂❁❂❁ـــــــــــــ❥❥
چنتي دوم بحسرة عنة تسأليني
فراگة هد حيلي وعماني تخبريني
وين راح احسين عني ومايجيني
گومي خل نرجع الة ولتعذبيني
*بلهفة ينتظرچ ترة…ومثلة سبع الگنطرة*
عمة صعبة اشلون ارد انة بلاچ
❥❥ـــــــــــــ❁❂❁❂❁❂❁ـــــــــــــ❥❥
امري لله اشتكي لربي المصيبة
ماشية عنچ واهل دمعة سچيبة
گلبي مجروح وابد لامالة طيبة
جواب ماادري لبوچ منين اجيبة
*(منة مااحمل عتاب…روحي اذاها المصاب)*
عمة صعبة اشلون ارد انة بلاچ
❥❥ـــــــــــــ❁❂❁❂❁❂❁ـــــــــــــ❥❥
*بقلم✍خادمة تراب الزهراء(ع) الكربلائية فاطمة علي صالح الحلفي*
*واسألكم الدعاء والفاتحة لروح جدي وامواتكم ودعواكم لي بالنجاح والموفقية*
*غير برئ الذمة امام الله والزهراء من يحذف الاسم والرابط*
https://t.me/fatimaalialhilfy

قصيدة للامام السجاد عليه السلام

*اه يالوعة مصابي شلون اهيد*
*ولسة اذكر والدي الذبحوه شهيد*

والله ماانسة الجرة بطف كربلة
من بقة المظلوم ما واحد الة
وذبحتة الگوم وبقة بحر الفلة
من القفا ياناس گطعولة الوريد

شفتة ذاك اليوم مرمي عالثرة
وجثتة بحر الشمس متوذرة
اضلوع صدرة والله كلهة مكسرة
منة ماسالم ضلع لاحتى ايد

حتى من ايدة اگطعولة اصبعة
الخنصر الضاع ابفجيعة مصرعة
من رحتلة وجسمة بيدية اجمعة
ابقيت ادگ عالراس وبوني ازيد

مصايب المرت علية مو قليل
من خذونة لليسر وانة عليل
گبالي ركبو عمتي فوگ الهزيل
ومن دخلنة لمجلس الطاغي يزيد

هالاجاني الموت وانة ابياوضع
حسرة خنگتني وعمة عيوني الدمع
مانسيت احسين من ظل منصرع
ولانسيت اهلي واخوتي والعضيد

اخ منك يازمان شهالمحن
ماسلم منك بزر ام الحسن
شگد مصايب علة العترة تكاثرن
عتاب وي هذا الزمن لامايفيد

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://t.me/fatimaalialhilfy