نص R 16 ♥️.
_
فـ اول يوم فراق ساهر زي اي يُوم نفڪر فيههـا ومش مصدق ، ڪُل هذا صار ، معقولة هڪي نهاية قصتنـا ، تفڪير يرفعني وتفڪير يجيبني لعِند ماغفيت واني عيوني مليانـات دموع ، نُضت الصبح ڪالعاده نوتي فروحي بالسيف ماشي للخدمة ، فطريقي للخدمة خطمت من قدام اول مڪان شُفتههـا فيه خطرت ضحڪتها طول جت بين عيوني ، للحظة مقدرتش نسيطر ع دموعي ، تفڪرت ڪيف ڪانت تحڪيلي وتهدرزي تفكرت شدت ايدها الدافيةة تفڪرت نظرتها الطفولية تفڪرت ضحڪتها تفڪرت فرحتهـا لما تكون مروحه من الامتحان ومجاوبه وتجي تحكيلي ، نزلت من السيارة فالصقع وقطرات المطر تنزل عليا ، قلت الجو الي يحبه قلبههـا ، لا اردايآ رجليا رفعوني للمڪان الي وقفنـا فيه فجنب بعض قِدام البحر ، قعمزت وشديت راسي هلبا اسئلة خطرو عليا خاطري نلقالهم اجوبة ، علاش هكي صار ، زعما من الغالط ، والاهم من هذا ڪله ڪيف خلتني نحبها هڪي معاش قادر ننسـاها اي بنت تجي قدامي نشوفها هيـا ، منشوفش فغيرها ، تليفوني رن قمته بلهفه توقعتها هيا المُتصله ، شُفت الاسم لقيته صاحبي رديت منغير مانقول اي ڪلمة سبقني الولد وقالي ت وينك تأخرت ع الخدمة متقولش راقد ، رديت عليه بصوت تاعب قُتله فالطريق اهو جاي ، نُضت بخطوات مهزوزه خطمت قُلت ناخد قهوه واني طالع لمحتههـا طلعت نجري زي المهبول ندور فيها ، دورت يمين يسار فالزحمة ملقيتهاش قُلت اكيده متلخبط خديت قهوتي وقعمزت فالسيارة ولعت دُخاني وفتحت الروشن جت عيني فعينههـا ، ابتسمتلي وعيونها معبيـات دموع ومشت ، مقدرتش ندير ايشي حسيت روحي مربوط قلبي تحرك من مكانه جتني نخصه قويه ، فشلت طفيت دُخاني وقعدت مصدوم ، وبعدها ولعت ومشيت للخدمة حسيت الوقت يتمغط معاش يبي يفوت ، طول الوقت واني نفكر فعيونها الي معبيات دموع ، نفكر ف ابتسامتههـا الي معبيـا وجع ، قمت تليفوني نبعت مسج مانبعتش ، قررت مانبعتش ، بعد ساعة بالزبط قتلهم ياولاد بنروح ناقص نوم وراسي صُداع ، واني مروح وليت لنفس المكان اني ماشي خطوة خطوة نشوف ف بنت مقعمزه فالمكان نفسه ، نفكر هيا مش هيا لين وصلت ، لقيتههـا هِيـا حطيت ايدي ع ڪتفههـا تلفتتلي وخدوها معبيات دموع وايديها يرعشو ، معاش عرفت شن ندير نمسح دموعها ولا نبكي معاها ، اني ڪيف بنتكلم قاطعتني قتلي ستـاحشتك ، حسيت قلبي ولتله الحياة من جديد مسحتلها دموعها وشديتلها يديها المصقعات وقتلها وقتي منغيرك صعب ينعاش ، ضحكتلي وقعمزنـا وبدينـا نهدرزو .
_
في اول يوم فراق مقعمزه فداري نسمع ف اغنيتنا الي نحبوها حني الزوز ونتذكر فيه نتذكر كيف كنا نسهرو مع بعض نتذكر فمكالماتنا الحلوة نتفكر فصوتك وضحكتك ودموعي ينزلو ، نضت قُلت ننوض نقرا بلكي نلهي روحي ، فتحت كتاب وقعدت نقرا لين نعست وخداني النوم ، جي الصُبح ع صوت المُنبه فتحت عيوني وخطر عبالي هوا طول استغفرت ربي وقلت اني قوية وح نقدر ننسـاه نُضت وتيت روحي وطلعت ، ماشيين اني وصاحبتي والمطر تنزل علينـا وصاحبتي تهدرز عليـا تحاول تغيرلي جوي وتهدرز عليا واني عقلي مش معاي وسارحة خطمنـا من قِدام القهوة الي يحبها قعدت نمشي وندور فيه بعيوني ، لمحته قلبي قريب وقف قعدت نقول ل صاحبتي شُفته شفته ، حاولت منوريشي روحي شُفته جت عيني فعينه نزلت راسي عطول حاولت نختفي ونسرع فمشيتي ، تلفتت لقيته واقف شُفت التعب فعيونه ، وقفت اني وصاحبتي واني نبكي وهيا تحاول تسكت فيـا وتهون عليـا ، قمت راسي شُفته فسيارته مقعمز ويشوفلي مسحت دموعي وابتسمتله ومشيت ، وصلت للمدرسة واني نفكر فيه فاتو الساعات عليا كإنهم سنين واخيراً جي وقت المرواح ، مروحه اني وصاحبتي قتلها نبي نمشي للمكان الي شُفته فيه روحي انتِ وح نلحقك قتلي باهي ، هيا روحت واني قعدت نمشي بخطوات مهزوزه وخايفه ان نلقاه غادي مشيت وما لقيتـاش قعمزت نتأمل فالبحر ونتفكر فيه بعد شوية وقت حسيت بحد حط ايده ع كتفي تلفتت لقيته هُوا وراي ، نصدمت عيوني تعبو دموع معرفتش كيف وبهالسرعة ، حسيته كيف جاي بيتكلم خفت يقول كلمة تقتلني بالعرق ، قصيت عليه وقتله ستاحشتك ، قالي الوقت منغيرك صعب ينعاش مسحلي دموعي وشدلي يديـا ، قعمزنـا واني فرحانه حطيت راسي عكتفه .
