Humoyun Fattoh

@humoyunfattoh

Kanal geosi va tili: ko‘rsatilmagan, ko‘rsatilmagan

Toifa: ko‘rsatilmagan

Похожие каналы

Kanal geosi va tili

ko‘rsatilmagan, ko‘rsatilmagan

Toifa

ko‘rsatilmagan

Statistika

Saralanganlar

Postlar filtri

O‘chirilganlarni yashirish

Repostlarni yashirish

Humoyun Fattoh

28 Dec 2023, 20:27

***
Ketdim,
ko‘zlaringda qolmoq uchunmi,
Qo‘rqmasdan qo‘l urdim
buyuk bir ishga —
Yigirma yil zo‘rg‘a yiqqan kuchimni,
Bir kunda sarf etdim xayrlashishga.

Albatta qaytaman,
dedimmi, raso,
Qaytaman sog‘inching
topganda yakun —
Tomchi yosh oqmasa agar yig‘lasang,
Men bergan gul ifor taratmagan kun...

Endi hech ketmaydi yo‘lingdan xazon,
Endi og‘ir kechar tunlarda tushing.
Sevgilim, menga ham bo‘lmaydi oson,
Qayta olmaslikdan qo‘rqaman, tushun!

https://t.me/humoyunfattoh

564 0 6 18 19

Humoyun Fattoh

27 Dec 2023, 19:40

Севгин мени, сев... —

03:05

#Audio

“Koʻzimga mil tortib, seni esladim…”

https://t.me/humoyunfattoh

124 0 5 4 6

Humoyun Fattoh

27 Dec 2023, 17:15

DOHIY SINGARI

Qaytgunimcha
yig‘lamay turgin,
Olib borma umidni dorga.
Sog‘inchingni etarman surgun,
Mahzunliging bo‘lar badarg‘a.

Mustamlaka bo‘lib gina, kek,
G‘amdan ozod bo‘larsan yana.
Tunda quvongani kabi ko‘k,
Quvonarsan ko‘zlaring yona...

Atrofingga o‘rnatib halqa,
Seni ta’qib etgan hislarni
Yo‘q qilaman, butun bir xalqqa
Zulm qilgan dohiy singari...

https://t.me/humoyunfattoh

129 0 3 13 12

Humoyun Fattoh

25 Dec 2023, 21:50

B.Abdulla - Sening go'zalliging.mp3

03:44

#Audio

“Sening goʻzalliging boshlangan joyda,
She’riy iqtidorim boʻladi tamom…”

https://t.me/humoyunfattoh

146 0 1 2 1

Humoyun Fattoh

24 Dec 2023, 16:32

DORULFUNUNDA

Ma’ruza xonasi, uchinchi qavat,
G‘ashimga tegadi to‘rtburchak osmon.
Yurakdan sevishga qilgancha da’vat,
Xush yoqib o‘tasiz shabbodasimon.

Kulasiz, qadamlar qilib ranjida,
Boshqacha qaraysiz, go‘yo osiyman...
Bo‘lsa-da sochingiz kuzning rangida,
Bahor yodi kelar sizdan, “yosuman”.

Yodimga tushadi xotira – qurg‘ur,
Va birdan yo‘l olar xayol janubga.
Go‘zal tashbehlarga bergancha urg‘u,
Satrlar kelar men –
mag‘rur janobga.

Daftarga o‘rnasha boshlar hijolar,
Davomin qoldirib qo‘yaman uyga...
Sezdirib, ohista tortib xijolat,
Jimgina cho‘kasiz men haqda o‘yga.

Ma’ruza tugaydi, kutar tashqari,
Bir kunlik hijronga keladi navbat.
Haddingiz sig‘maydi salomlashgani,
Xayrlashgingiz ham kelmaydi, tavba.

https://t.me/humoyunfattoh

242 0 4 2 16

Humoyun Fattoh

22 Dec 2023, 18:15

***
Dada,
to‘g‘riso‘z odamning
qo‘liga solingan kishanlar,
ko‘p bir joyda yotsa,
zanglab, chirib,
zarra vujudga kelar oxiri...

Jim bo‘lmagani uchun
otilgan jadidning
qoni rangidagi uzum,
yillab asrab turilsa,
musallasga aylanadi,
ehtimol.

Endi aytingchi,
nima paydo bo‘lar
siz juda uzoq saqlagan
sukutdan?!

https://t.me/humoyunfattoh

205 0 0 1 13

Humoyun Fattoh

20 Dec 2023, 20:56

TRAKTIR KAFESIDA

Eng arzon odamga
to‘lgan bu oqshom,
Shinam shahardagi eng qimmat kafe.
Muhtasham stolda yonib o‘char sham,
Devordagi rangli
chiroqlar - kajfe’l.

Iltifot ko‘rsatgan
yuzlarga puflab,
Kiborlar burqsitib
chekkanda sigor,
Joy so‘rar dunyoni unutgan juftlar,
O‘tirsam, men seni kutib intizor...

Kelasan, lablaring
labimga shoshgan,
Kelasan ko‘nglimni
nafis ag‘darib.
Istak bor senda ham shodon yashashga,
Hech qachon o‘zingni tutmaysan darig‘...

Vaqt bo‘lar. Turamiz,
sharafsiz, shonsiz,
Bir tunda hayo ham
ketar sotilib.
Xo‘rsinib qarayman - qo‘llaring qonsiz,
Axir, sen – sog‘inchning go‘zal qotili!

https://t.me/humoyunfattoh

213 0 2 3 13

Humoyun Fattoh

18 Dec 2023, 18:44

ERTAK

O‘tgan zamonlarda
ko‘zi ko‘r shohning
bor ekan bir maddoh shoiri.
U yozarkan
podshohning
qushlar ovlagani haqida.
U yozarkan
tanazzulga kelgan diyorni,
go‘zal, “jannat”ligi haqida.
U yozarkan qashshoq xalqini
noshukr bo‘lgani haqida...

Yillar o‘tib,
isyon boshlanibdi ushbu o‘lkada,
Hamma qochibdi,
yovlar qochibdi, g‘ovlar qochibdi,
maddoh qochmabdi.
Barcha tan beraman deb tursa,
mard ekan deb tursa olomon,
Tezda she’r bitarmish,
ho‘p maqtab yozarmish isyonchilarni…

Shunda uni urib o‘ldirishibdi,
o‘zining bema’ni kitobi bilan.

https://t.me/humoyunfattoh

223 0 1 1 11

Humoyun Fattoh

17 Dec 2023, 21:33

RАSMАN

Bir kuni
jinoyat sanalsa sevgi,
hatto koʼngil qoʼyish
etilganda man,

Xavotir yoʼq boʼlsin —
birinchi boʼlib,
boylar sevar sizni,
zodagonlar boʼlar mubtalo,
sizga “kattalar” dil ochar yongancha, ehtimol.

Saroyning qaysidir amiri
nafaqat sevadi, o, balki
bagʼriga bosishi
mumkin bemalol.

Shunda uzr soʼrayman sizdan —
aslo qoʼya olmayman koʼngil.
Kechiring,
biz qulmiz, axir…

https://t.me/humoyunfattoh

244 0 3 15 9

Humoyun Fattoh

15 Dec 2023, 12:23

02:36

Video oldindan ko‘rish uchun mavjud emas

Telegram'da ko‘rish

#To_quyosh_sochgayki_nur

Ustoz Erkin Vohidovning ruhlari shod, oxiratlari obod boʻlsin. Tavallud kunlariga aziz oʻquvchilarim bilan ushbu videorolikni tayyorladik!

https://t.me/humoyunfattoh

277 0 7 2 9

Humoyun Fattoh

13 Dec 2023, 20:13

KULGIMNI QISTАTMАNG

Gʼalati emasmi,
sahroda chanqagan sayyohlar
dengizlar qaʼridan soʼzlab maqtansa.

Hayratda qolaman,
qarshimda har doim uchratib,
xasislik qilgisi kelgan gadoni.

Yigʼimni keltirmang,
tillari kesilgan qullardan
boʼsalar tilamang, ayyor choʼrilar.

Kulgimni qistatmang,
aynan siz
qadimiy Turonda turib,
ozodlik haqida sheʼr yozmang, shoir!

https://t.me/humoyunfattoh

296 0 3 8 10

Humoyun Fattoh

12 Dec 2023, 16:46

https://youtu.be/6XekR0zVbkc?si=CeXpj2uxjOeu2XeO

"Ёд кардам" фожеали халок бўлган инсон тарихи. (ЎЗБЕКЧА сухбат)

-Қўшиқларимни ўғирлаб куйлашдан аввал уни тушунишсин, мени севганимга аталган сўзларим билан эмас, ўзларини сўзлари билан мухаббат изхор этишсин. -Ўзбекча қўшиғим хақида сиз биринчи сўраяпсиз, нега шунча пайтдан бери сўрашмайди деб хайрон бўлардим. #sayyodcom ТЕЛЕГРАМдаги каналимиз: @sayyoduz ,...

289 0 0 6 3

Humoyun Fattoh

11 Dec 2023, 21:24

***
Bosh qo‘ya olmasman, ko‘ksing - dor, kunda,
Hech ravo ko‘rmading o‘limni, rahmat.
Sen kecha ersirab chiqarding tundan,
Men bugun she’rsirab chekarman zahmat.

Tushun, sen - xayolan talangan o‘ljam,
Tushun, sen - ko‘ksimga tegmagan bir o‘q.
Endi bu shaharning kuzlari o‘lgan,
Endi bu shaharning bahorlari yo‘q.

Bosh olib ketolmam, bo‘m-bo‘shdir xaltam,
Eslayman, yodimdan ketmaydi huzun —
Qip-qizil ko‘ylaging qo‘limdek kalta,
Yoyilgan sochlaring tilimdek uzun.

Kuningni ko‘rarsan yolg‘ondan yashnab,
O‘zingni baxtli his etarsan, mayli.
Endi bu shaharda bo‘lmaydi yashab,
Endi bu shaharda o‘lib bo‘lmaydi…

https://t.me/humoyunfattoh

289 0 4 11 21

Humoyun Fattoh

10 Dec 2023, 17:22

***
Hammadan ertaroq
uyg‘onib qo‘ydim,
Ko‘zlarin ishqalab yotganda tonglar,
Yozlarda sovqotib, qishlarda kuydim,
Balki xato qildim hayotni anglab.

“Qaysi odam bog‘ni
xushlamas”, deysiz,
Hech kirgim kelmaydi za’faron boqqa.
G‘amgin chinorlarga termilib o‘ysiz,
Har kun derazadan boqqanim boqqan…

Baxtiyor olamda yuribman mulzam,
Istiqomat qilib darveshlar kabi…
Ko‘nglimda dunyoni ko‘targan bo‘lsam,
Nega og‘ir botar bir qizning gapi?!

Sochaloq qilishdi ko‘ngil mulkimni,
Eng toza hislarni o‘rtaga surib…
Mo‘ysafid dardini chekish mumkinmi,
Hali o‘n to‘qqizga kirmasdan turib?!

https://t.me/humoyunfattoh

287 0 5 12 19

Humoyun Fattoh

9 Dec 2023, 16:53

Mittigina kitobchamiz Nil daryosiga yetib boribdi. Odam xursand boʻlarkan baribir…

https://t.me/humoyunfattoh

312 0 3 17 22

Humoyun Fattoh

9 Dec 2023, 08:50

MUHАBBАT

Koʼchaga
zerikib chiqaman uydan,
Bahordan oldingi sovuq kunlarda,

Oʻzimni
ehtiyot qilaman, ammo
Ichimga kiradi baribir sovuq.

Soʻng yana shoshgancha uyga qaytaman -
“Sovqotmasin”, deyman koʻnglimdagi qiz…

https://t.me/humoyunfattoh

577 1 7 13 20

Humoyun Fattoh

8 Dec 2023, 19:10

Jahongir Otajonov - Sohi... — Million shorts

05:22

#Audio

“Mening sohibjamolimni koʻrdingmu?”

Maxtumquli soʻzi

https://t.me/humoyunfattoh

356 0 9 14 5

Humoyun Fattoh

8 Dec 2023, 16:10

Abduvali Qutbiddin. BOR.pdf

17.9Mb

#Tavsiya

Abduvali Qutbiddin - “Bor”

Bu benazir kitob, qogʻoz shaklida topolmaganman. Maza qilib oʻqinglar!

https://t.me/humoyunfattoh

1.9k 1 93 8 9

Humoyun Fattoh

8 Dec 2023, 09:02

***
Hushimga kirib kel,
tushlarimdan tush,
Qo‘ynimdagi mumtoz
dardni parchala!
(Tinglagin, o, nohaq sayradi haqqush,
Mast bo‘lib, sollandi qara, archalar.)

Bir ranglar istadim,
tuydilar yoqut,
Qog‘ozga rasmingni
so‘z bilan chizsam...
O‘zingni ilhom deb o‘ylaysan yoxud
She’rimdan o‘zini izlagan qizsan.

Kosamni sabrga
to‘ldirma lim-lim,
Quloq sol
berkinib solgan dodimga.
Seni rom etmagan qaqshagan ko‘nglim,
Sen maftun bo‘lgansan iste’dodimga.

Sen - men ham tushuna
olmagan tovush,
Sen - bir shoir
anglab yetmagan tilsim...
Ro‘yoga qaytaqol, tushlarda qovush,
Sendan farzand emas,
she’rlar tug‘ilsin!

https://t.me/humoyunfattoh

867 0 8 31 16

19 ta oxirgi post ko‘rsatilgan.

140

obunachilar

Kanal statistikasi

Sayt tili

Telegram Analytics

SearcheeBot

TGAlertsBot

TGStat Bot

Humoyun Fattoh

Kanal geosi va tili

Toifa

140