Orzularim sarob, kun bo'yi talon,
Janjal ko'tarilgan ko'ngil qasdida.
Osmondan qarz olgan yuragim bilan
O'ralashib qoldim yerning ustida.

Yuho tuyg'ularim chirt-chirt uzildi,
Sukunat og'rig'i dilimda yara.
Xayolimning varaq-varaqlar jildi
Ochdi iztirobga majhul manzara.

O'zimni yengishga yetmaydi kuchim,
O'zim tuzolmayman bunda rejamni.
Umrim kitobini shitirlatib jim,
Yashab o'tmoqdaman mundarijamni!

Muallifini topolmadim
Muallifdan Alloh rozi bo'lsin

https://t.me/ijoddavrasi