ISTE’DOD VA IQTIDORGA BILDIRILGAN ISHONCH
IFODASI.
ISTE’DOD MUVAFFAQIYAT XAZINASI QAYERDALIGINI BILADI. QANCHA KO’P MEHNAT QILINSA IQTIDOR SHUNCHALIK KUCHLI VA YORQIN NUR SOCHAVERADI. O’ZBEKISTON YOZUVCHILAR UYUSHMASI A’ZOSI MUHAMMAD ISMOIL.Viloyatimizda yagona bo’lgan adabiyot gulshani Halima Xudoyberdiyeva nomidagi ona tili va adabiyot fanlarini chuqurlashtirib o’qitishga ixtisoslashtirilgan maktab-internatida Prezidentimiz tomonidan ilgari surilgan beshta muhim tashabbusning to’rtinchi yo’nalishi “Yoshlar ma’naviyatini yuksaltirish, ular o’rtasida kitobxonlikni keng targ’ib qilish bo’yicha ishlarni tashkil etishga yo’naltirilgan” hamda o’quvchilarning yozgi ta’til davrlarini mazmunli o’tkazish, iqtidorlarini namoyish etish uchun 6-9-sinflar kesimida joriy yil 16 iyulidan 31 iyulga qadar maktab direktori, atoqli shoir Muhammad Ismoil tomonidan “SHE`R O`QISH HAM ZO’R SAN`AT, BELLASHUVGA MARHAMAT” nomli onlayn ko`rik tanlovi e’lon qilindi. Ko’rik tanlovga yuborilgan har bir audio va video ko’rinishidagi she’r, ijod na’munalari inobatga olingan holda oliy o’rin sovrindoriga Viloyat hokimimiz tomonidan so’nggi rusumdagi planshet, qolaversa ijod maktabi direktori Muhammad Ismoil tomonidan 1-o’rin uchun qimmatbaho tilla buyum, 2-o’rin uchun Buxoroyi sharif ziyorati, 3-o’rin uchun Toshkentdagi adiblar hiyoboniga sayohat yo’llanmalari, 4 va 5-o’rinlarga jahon adabiyoti durdonalari (Lev Tolstoy, Pushkin, Kamyu, Sartr, Bulgakov, Djoys, Evtushenko) hamda Imom Buxoriy, Termiziy, Alixonto’ra Sog’uniy kitoblari 10 donadan jami besh million so’mlik sovg’a uchun qo’yildi.Ijod bor joyda, barkamollik, izlanuvchanlik va shu bilan birgalikda do`stona raqobat ham bo`ladi. Bir-biridan go’zal sirli ovoz egalari, shirinzabon-suxandon, iste’dodli va shijoatli, aniq maqsad yo’lida qat’iyatli, yuksak iroda,iqtidorga ega bo’lgan o’quvchilar “SHE`R O`QISH HAM ZO’R SAN`AT, BELLASHUVGA MARHAMAT” nomli ko`rik tanlovi uchun 100 tadan va hatto 300 tadan ortiq sh’erlarni ifodali, maroq ila o’qib yubordilar. “SHE`R O`QISH HAM ZO’R SAN`AT, BELLASHUVGA MARHAMAT” nomli onlayn ko’rik tanloviga ALISHER NAVOIY nomidagi davlat mukofoti sovrindori, O`zbekiston va Tojikiston xalq artisti, O`zbek san`atining sultoni Sherali Jo`rayevning ham e’tibor qaratganliklari bizni juda quvontirdi.Iqtidorli o’quvchilarimizningyod olgan va ifodali o`qigan she’rlarini tinglab, fikr – mulohazalarini bildirib, qimmatli maslahatlarini berdilar. Buyuk hofizimiz barcha o`quvchilarning she`r o`qish san`atini eshitib, a`lo darajada she`r o`qigan o`quvchilar qatorida Kamola Sindarova, Zulhayo Mingboyeva, Shahlo Davronbekova, Ne`matullo Bobojonov, Zulfiya Ismoilovalarning ismlarini mamnuniyat ila alohida tilga olganliklari biz ijod maktabi jamoasini faxrlantirdi. Sherali Jo`rayev o`quvchilarga ko`proq g`azal o`qishlarini, uning ma`nosiga e`tibor berishlarini qattiq tayinladilar va oliy sovrin egasiga kiyik terisiga qadimiy Samarqand shahrining tasviri tushurilgan, miniatyura san`ati durdonasi bo`lgan qimmatbaho sovg`ani hadya etishini aytdilar.Shodliklariga shodlik qo`shilgan intiluvchan o’quvchilarimiz Sherali Jo`rayevdayin insonning e`tiboriga tushganligidan va qimmatli maslahatlaridan jo`shib, shu kundan boshlab endi ko`proq g`azal aytish mahoratini namoyish qilishga oshiqdilar. Ular shu yo`l bilan san`atning ikkinchi pog`onasiga qadam qo`ydilar. “SHE`R O`QISH HAM ZO`R SAN`AT, BELLASHUVGA MARHAMAT” nomli onlayn ko’rik tanlovi O’zbekistonda ham, yana chet ellarda ham qo`llab- quvvatlandi.Turkiyaning mashhur shoiri Dovud G`oziy Benli eng go`zal she`r o`qigan o`quvchiga muhtasham sovg`a, dunyo shoirlari ustunlaridan bo`lgan Jaloliddin Rumiy hazratlarining Istanbulda chop etilgan, uch tomlik kitoblari jamlanmsini tuhfa etishini xabar qildilar.Hushxabarlar ustiga hushxabarlar yog`ilishi yoshlarga o`zgacha kayfiyat berib turdi.