غــزل

ستـا په یادو ټـکوروم خپل رنځور زړه او غزل
یم ورته ناست زه رسموم ستا تور باڼه او غزل

نری نری ښائسته باران اوري ته ګوره اشنا
پـرې اوبـوم د زړه ګـلان دانـه دانه او غزل

زېړ مازدیګر د چینار سیوری زه او ته دلبره
په مینه مینه دواړه وایو ترانه او غزل

بـې حـده کـیف کـوي لالـیه له زړه وایـم درته
په دې تور غره کې ستا وه سترګو ته کاته او غزل

لاس کې انځور زړه کې ارمان د دیدن او مړه ژړا
ناست یو مین ډېوګۍ مړه په توره شپه او غزل

عُبَــیّدَۀ ظهــیرۀ ډالۍ کړه نن یې مونږ ته له زړه
ستا له ګوډ ماتو څو نظمو نه یوه ټپه او غزل