A'zamjon Baxriddinov

​​#Биласизми

2030 йилгача биометрик паспорт ўрнига ID-карталар жорий этилади

Президент фармонига биноан, 2021 йил 1 январдан бошлаб шахсни рақамли идентификация қилишнинг ягона тизими жорий қилинмоқда. Унга кўра, биометрик паспортлар ўрнига Ўзбекистон фуқаросининг шахсини ва фуқаролигини тасдиқлайдиган электрон ташувчи қурилмага эга ҳужжат сифатида ID-карта жорий этилмоқда.

Биометрик паспортлар ҳамда яшаш гувоҳномалари ID-карталарга қуйидаги муддатларда алмаштирилади:

1️⃣ Биринчи босқич - 2021 йил 1 январдан 2022 йил 31 декабргача ихтиёрийлик асосида (16 ёшга тўлганда ёки қонунчиликда кўрсатилган бошқа сабабларга кўра);

2️⃣ Иккинчи босқич - 2023 йил 1 январдан 2029 йил 31 декабргача мажбурий тартибда алмаштирилади.

Ўзбекистон фуқаросининг 2011 йилги намунадаги биометрик паспорти 2030 йил 1 январдан бошлаб ҳақиқий эмас деб ҳисобланади.

ID-карталарни олиш ва алмаштириш учун хоҳлаган ички ишлар органларининг миграция ва фуқароликни расмийлаштириш бўлинмаларига мурожаат қилиш мумкин.

Ҳозирги биометрик паспортларни расмийлаштириш муддати 10 иш куни бўлган бўлса, ID-карталарни расмийлаштириш эса 1 иш кунида амалга оширилади.

ID-карта қуйидаги муддатларга берилади:

янги туғилган болага бир ёшгача – 2 йил муддатга;
бир ёшдан 16 ёшгача – 5 йил муддатга;
16 ёшдан бошлаб – 10 йил муддатга.

ID-картани расмийлаштириш учун базавий ҳисоблаш миқдорининг 89 фоизи, яъни 198 минг 470 сўм (22.09.2020 ҳолатига) миқдорида тўлов ундирилади.

Манба: UzA

​САЛОМАТЛИКНИНГ МУНТАЗАМ НАЗОРАТ ҚИЛИШ ЗАРУР БЎЛГАН 9 КЎРСАТКИЧИ

3. Триглицеридлар (глицерин билан бир асосли ёғ кислоталари) даражаси
Бу юрак қон-томир касалликлари ривожланиши хавфини кузатиш чоғида эътиборга олиш зарур бўлган учинчи омил ҳисобланади. Триглицеридлар, «ёмон» холестеринлар каби, артерияларда тангачалар ҳосил бўлиши ва атеросклероз юзага келиши хавфи билан алоқадор. Шу сабабли ҳам мунтазам текширувлардан ўтиш ва шифокор маслаҳатини олиш тавсия этилади.
Аксарият ҳолларда буни ҳар беш йилда бир марта такрорлаш зарур, аммо сиз ёки қариндошларингизда диабет ёки юрак билан боғлиқ муаммолар кузатилса, ушбу кўрсаткични нисбатан кўпроқ текшириш талаб этилади.

4. Қалқонсимон без гормонлари даражаси
Улар организмнинг кўплаб тизимлари, шу жумладан, моддалар алмашинувига ўз таъсирини ўтказади. Агар қалқонсимон без гормонлари тушиб кетса, турли ёқимсиз аломатлар юзага келиши мумкин: вазн йўқотиш қийинлиги, куч йўқолиши, онг «хиралашиши», унутувчанлик, қалтироқ ёки бадан увишиши.
Бундан ташқари, ушбу гормонлар даражаси камайиши юрак қон-томир касалликлари ва умуман олганда ўлим хавфи билан боғланади. Шунинг учун бу кўрсаткич бир йилда бир марта таҳлилдан ўтказилиши ва натижа терапевт ёки эндокринолог билан муҳокама қилиниши лозим.

5. Тишлар ҳолати
Пародонт (тишларни ўраб турувчи тўқималар) касаллигига чалинган одамлар инфаркт ва инсультдан кўпроқ азият чекишади. Шунингдек, периодонтитнинг айниқса чекувчи инсонлардаги диабет касаллигини ёмонлаштириб юбориши ҳақида далиллар кўпаймоқда.
Тиш тошлари ҳосил бўлишини камайтириш учун кунига икки марта тишларини яхшилаб ювиб туриш, оғиз бўшлиғини чаювчи воситалар ва тиш тозаловчи ипдан фойдаланишни унутманг, албатта бир йилда бир марта стоматолог қабулида бўлинг. Диабетга чалинган беморлар шифокор қабулига ҳар 3-6 ойда бир марта боришгани маъқул.

6. Холлар ранги ва шакли
Холлар қанча кўп бўлса, улардан бирида хавфли шиш пайдо бўлиш эҳтимоли шунча юқори бўлади. Ойига бир марта ўзингизни текшириб, янги пайдо бўлган холларга, уларнинг ранги ёки шакли ўзгаришига ёки ҳажми катталашишига эътибор беринг.
Уч ҳафта ичида тузалиб кетмаган ёки доимий равишда қичишадиган, пўстлоқ билан қопланган ёки қон оқувчи яра юзага келиши билан ҳушёр бўлиш керак. Агар шунга ўхшаш нарсани сезсангиз, дарҳол дерматологга мурожаат қилинг.

(давоми бор
Манбаа:
саломатлик
сабоклари

​САЛОМАТЛИКНИНГ МУНТАЗАМ НАЗОРАТ ҚИЛИШ ЗАРУР БЎЛГАН 9 КЎРСАТКИЧИ

Келажакдаги ўзингизни муаммолардан асрашингиз ва ҳаттоки ҳаётингизни сақлаб қолишингиз мумкин. Бунинг учун қуйидаги кўрсаткичларни мунтазам кузатиб бориш зарур.

1. Артериал қон босими
Бу кўрсаткич ҳар бир организм учун индивидуал. Лекин кўпчиликка мос келувчи рақамлар қабул қилинган. 120/80 ва ундан қуйи босим меъёр ҳисобланади. Агар юқори кўрсаткич (систолик босим) 120дан 129гача диапазонда бўлса, демак, қон босими кўтарилган. Эътибор қаратиш зарурки, у кўпинча атеросклероз, юрак хуружи ва инсульт ривожланиши хавфи билан боғлиқ бўлган гипертонияга айланади.
Гипертониянинг дастлабки босқичларида ҳеч қандай аломат кузатилмайди, шу сабабли ўзгаришларни вақтида пайқаш учун қон босимини мунтазам равишда ўлчаб туриш муҳимдир. Агар у юқори ҳолатда қолса, шифокорга боришни ортга сурманг. Агар сиз ёки яқинингизда қон босими 180/120га кўтарилса ва кўкрак қафасида оғриқлар, нафас олиш қийинлашиши, уйқусизлик, ҳолсизлик, кўриш ёки нутқ билан боғлиқ муаммолар юзага келса, дарҳол тиббий ёрдамга мурожаат қилинг.
II, III ва IV қон гуруҳига мансуб одамлар қон босимига эътиборли бўлиши керак. Тадқиқотлар шуни кўрсатдики, ушбу гуруҳлар юрак-қон томир касалликларининг юқори хавфи билан алоқадор. Бунга қўшимча равишда, бошқа ҳолатларда, масалан, қон қуйиш зарурати юзага келганда буни билиш муҳимдир.

2. Холестерин даражаси
Холестерин организмда ҳужайралар яратилиши ва бошқа муҳим жараёнлар учун зарур ҳисобланади, аммо унинг меъёрдан ортиб кетиши хавфлидир. Артерия деворларида холестерин тангачалари шаклланиши ва бу ўз навбатида атеросклерозга олиб келиши мумкин.
Холестерин даражасини текшириш учун бир йилда бир марта таҳлил топширилади. «Ёмон» (ЛПНП) ва «яхши» (ЛПВП) холестерин таркибини назорат қилинг. «Ёмон» холестерин 2,6 ммоль/л (100 мг/дл)дан ошмаслиги керак, «яхшиси» эса— 1 ммоль/л (40 мг/дл)дан кам бўлмаслиги керак.

(давоми бор)

​ОЛИМЛАР КОРОНАВИРУСНИНГ МИЯ УЧУН ЎТА АЯНЧЛИ АСОРАТЛАРИДАН ОГОҲЛАНТИРМОҚДА

Коронавирус инсон бош мияси фаолият учун ўнгланмайдиган салбий оқибатларни келтириб чиқараркан.
Бу ҳақда “Nature” журнали Ливерпуль университети, Лондон университети коллежи, Йель университети ва Икона тиббиёт мактабида олиб борилган илмий тадқиқотларга таяниб ёзган.

Ҳисоботда айтилишича, коронавирусга чалинган ва неврологик ҳамда психиатрик асоратларни бошидан кечирган беморларнинг 62 фоизида бош мия қон айланиш тизимига зиён етган. Уларнинг 31 фоизида психик ҳолат билан боғлиқ ўзгариш, масалан, эсни йўқотиш, давомли ҳушдан кетиш кузатилган.
Лондон университети коллежи томонидан амалга оширилган тадқиқотлар шуни кўрсатмоқдаки, коронавирус натижасида энг кўп тарқалган неврологик асорат - инсульт, шунингдек, энцефалит — бош мия тўқималари яллиғланиши тарзида намоён бўлган. Ушбу хасталиклар вақт ўтиши билан ўзининг оғир шаклига кўчиши – ўткир тарқаладиган энцефаломиелитга олиб келиши мумкин.
Бунда бош ва орқа мия яллиғланади, асаб ҳужайралари ҳимоя қобиғидан айрилади. Натижада худди тарқоқ склероздаги каби белгилар пайдо бўлади. Тажриба чоғи оғир аҳволдаги шундай беморларнинг айримларида респиратор симптоми кучсиз намоён бўлди, яъни асосий хасталик сифатида миянинг ишдан чиқиши кузатилди.
Қайд этилишича, неврологик белгилар аҳолининг турли тоифаларида юзага чиқиши мумкин.
"Биз нисбатан ёшроқ одамлар, яъни, инсультга учраган, аммо одатий хавфли омиллардан холи гуруҳни, шунингдек, ақлий фаолиятида англаб бўлмайдиган даражада сезиларли салбий ўзгариш рўй берган кишиларни текширувдан ўтказдик", — дейди Ливерпуль университети неврологи Бенедикт Майкл.
Бошқа бир невролог, Рио-де-Жанейро федерал университети ходими Фернанда де Феличенинг хулосасига кўра, COVID-19га дучор бўлган беморларнинг 50 фоиздан кўпроғи неврологик асоратларни бошидан кечириши мумкин.
Бинобарин, коронавируснинг енгил ёки белгиларсиз гшаклини енгиб ўтган инсонларда бундай асоратлар қай даражада намоён бўлиши эҳтимолини аниқлаш, ҳозирча бу борада етарли маълумот тўпланмаганлиги сабабли, жуда қийин.

Манба: саломатлик сабоклари

РАСУЛ КУШЕРБАЕВ;

Шавкат Мирзиёев БМТ минбарида илк марта ўзбек тилида нутқ сўзлайди

Ўзбекистон президенти Шавкат Мирзиёев 23 сентябрь куни Бирлашган Миллатлар Ташкилоти Бош Ассамблеясининг 75-сессиясида юқори даражадаги умумсиёсий мунозараларда иштирок этади.

Kun.uz нинг хабар беришича, давлат раҳбари БМТда олий минбаридаги бу галги чиқишида мустақил Ўзбекистон тарихида илк марта давлат тили – ўзбек тилида нутқ сўзлаши кутилмоқда.

​​Kuningiz xayrli boshlanishi uchun “olti qoida”

1️⃣ Uyqudan uygʻonishingiz bilan yaxshi narsalarni oʻylang. Yengil jismoniy tarbiya mashqlarini bajaring. Chunki jismoniy faollik organizmda qon aylanashini yaxshilab, yaxshi kayfiyat gormonini oshiradi.

2️⃣ Tabassum qiling! Ruhshunoslar fikricha ertalab koʻzgu qarshisiga turib, oʻziga-oʻzi tabassum ulashish terapiyasi inson umrini 5 yilga uzaytiradi. Maʼqul keldimi, unda ishga kirishing!

3️⃣ Hech boʻlmaganda 5 ta yaxshilik qiling. Shunchasini qayerdan olaman deysizmi?! Birinchisi, yaqinlaringiz bilan yaxshi muomala boʻlsa, qolganlari sogʻligʻingiz, ishingiz va farzandlaringiz uchun atalishi mumkin. Eh-hey, istasangiz bir kunda oʻndan oshiq yaxshilik qila olasiz.

4️⃣ Ishlaringizni rejalashtiring. Hayotda tartibli boʻla olsangiz, qolgan barcha masalalarda muammo boʻlmaydi.

5️⃣ Ikkilanishlarni unuting! Oson boʻlmasligi rost. Ammo kunni shu zaylda qarshi olishdan nima naf? Yaxshisi, “qanday boʻlarkin” degan savolni, “albatta, uddalayman” kabi soʻzga alishtiring. Qani talaffuz qilib koʻring-chi. Xoʻsh, qalay?

6️⃣ Biror nimani oʻylasangiz yoki niyat qilsangiz, hamisha qaddingizni baland tuting. Psixologlar gavdani egib soʻzlash, tushkunlik, asabiylikka olib keladi, oʻziga boʻlgan ishonchni soʻndiradi, deyishadi. Boshingizni baland tutganingizda esa ruhingiz ham koʻtarinki boʻladi.

Манбаа: 👉https://t.me/joinchat/AAAAAEZPZ7DB4AR_b57uHA

♻️Ўзбекистон фуқаролигига қабул қилишнинг соддалаштирилган тартиби "ватандош"га нисбатан амал қилади

✔️«Ўзбекистон Республикасининг фуқаролиги тўғрисида»ги қонун шу йил 13 мартда имзоланган.
Ушбу қонуннинг 58-моддасига кўра, у расмий эълон қилинган кундан бошлаб олти ой ўтгач кучга киради. Қонунда Ўзбекистон Республикасининг фуқаролигига мансублик масаласи белгиланган.

✔️Қонунда белгиланишича :
👉🏻1992 йил 28 июль ҳолатига кўра Ўзбекистон Республикасида доимий яшаган, чет давлат фуқароси бўлмаган ва Ўзбекистон Республикасининг фуқароси бўлиш истагини билдирган шахс;
👉🏻 Ўзбекистон ҳудудида яшаган ва 1992 йил 28 июлга қадар ўқиш учун Ўзбекистондан ташқарига чиқиб кетган ҳамда узлуксиз равишда таълим олган ёхуд ҳарбий хизматни ўтаган ва ўқиш ёки ҳарбий хизмат тугаганидан кейин бир йил ичида Ўзбекистонга қайтиб келган ҳамда Ўзбекистон Республикасида доимий пропискадан ўтган шахс, башарти унинг чет давлат фуқаролиги мавжуд бўлмаса Ўзбекистон Республикасининг фуқароси ҳисобланади.

✔️Қонунда фуқаролиги бўлмаган шахсга нисбатан Ўзбекистон Республикасининг фуқаролигини тан олишга доир қоидалар белгиланган. Хусусан 6-моддага кўра, 1995 йил 1 январга кадар Ўзбекистон Республикаси ҳудудига кириб келган ва доимий пропискадан ўтган, чет давлат фуқаролигини қабул қилмаган ҳамда ушбу Қонун кучга киргунига кадар фуқаролиги бўлмаган шахсга Ўзбекистон Республикасида яшаш гувоҳномаси асосида яшаб турган шахс истак билдирган тақдирда, Ўзбекистон Республикасининг фуқароси деб тан олинади.

✔️Бундан ташқари, ота-онаси (ёлғиз отаси ёки онаси) Ўзбекистон Республикасининг фуқаролари деб тан олинган бола ҳам юқоридаги асосларга кўра Ўзбекистон Республикасининг фуқароси деб тан олинади.

✔️Шунингдек, қонунга янги ватандош тушунчаси киритилиб, унга кўра Ўзбекистон ҳудудида туғилган ёки илгари унинг ҳудудида яшаган, Ўзбекистон фуқаролигига эга бўлмаган, Ўзбекистон ҳудудидан ташқарида яшайдиган шахс ва унинг насл-насаб шажараси бўйича тўғри туташган ўзидан кейинги қариндошлари, башарти, агар уларнинг насл-насаб шажараси бўйича тўғри туташган ўзидан олдинги қариндошлари Ўзбекистон ҳудудида яшаётган бўлса, улар ватандош деб юритилиши белгиланди.

✔️Фуқаролиги бўлмаган шахс ҳисобланган ватандошга нисбатан Ўзбекистон фуқаролигига қабул қилишнинг соддалаштирилган тартиби жорий этилди. Яъни ватандошга нисбатан Ўзбекистон фуқаролигига қабул қилишнинг соддалаштирилган тартиби амал қилади, агарда у:
👉🏻 тирикчиликнинг қонуний манбайига эга бўлса,
👉🏻Ўзбекистон Республикасининг Конституциясига риоя этиш мажбуриятини ўз зиммасига олса
👉🏻ёки давлат тилини қонун ҳужжатларида белгиланган тартибда мулоқот қилиш учун зарур даражада билса.

@a_xaitov

💠 ПАХТА ТЕРИМИНИ МЕХАНИЗАЦИЯЛАШНИ МОЛИЯЛАШТИРИШГА 50 МЛН ДОЛЛАР АЖРАТИЛАДИ

🔹Сўнгги йилларда республикада пахта йиғим-теримида қўл меҳнати улушини камайтириш, теримни механизациялашган шаклда ташкил қилиш бўйича бир қатор ишлар амалга оширилмоқда.

🔹Қишлоқ хўжалиги техникаларини ишлаб чиқарувчи корхоналарда турли русумдаги замонавий пахта териш машиналарини ишлаб чиқариш йўлга қўйилди.

🔹2020 йил пахта ҳосили терими мавсумига тайёргарлик кўриш жараёнида пахта-тўқимачилик кластерлари ва фермер хўжаликларининг пахта териш машиналари билан таъминланганлик даражасини ошириш талаб этилади.

🔹Республикада жорий йил мавсумида пахта ҳосили теримини механизациялашган усулда ташкил қилиш бўйича пахта териш машиналарига бўлган буюртмалар портфели шакллантирилган.

🔹Мазкур жараённи молиявий қўллаб қувватлаш учун Тикланиш ва тараққиёт жамғармасининг маблағлари ҳисобидан эквиваленти 50 миллион АҚШ доллари миқдорида «Агробанк» АТБнинг устав капиталидаги Жамғарма улуши оширилади.

🔹«Агробанк» АТБ устав капиталига киритилаётган 50 миллион АҚШ доллари эквивалентидаги мақсадли маблағлар пахта-тўқимачилик кластерларига ва бошқа хўжалик юритувчи субъектларга маҳаллий ишлаб чиқарилган пахта териш машиналарини сотиб олишга Марказий банкнинг асосий ставкасида кредитлар ажратиш учун йўналтирилиши белгилаб қўйилган.

❗️Манба: Ўзбекистон Республикаси Президентининг шу йил 2020 йил 15 сентябрдаги ПҚ-4828-сонли "Пахта ҳосили теримини механизациялашни молиявий қўллаб-қувватлаш чора-тадбирлари тўғрисида"ги қарори

@a_xaitov

Тадбиркорлар ва ишбилармонлар диққатига!

Халқ депутатлари Наманган вилояти Кенгашининг 2020 йил 27 майдаги 40/06-06-сонли қарорига асосан 9 та ҳамда ҳамда 11 сентябрдаги 57-06-сонли қарорига асосан 25 янги кичик саноат зоналари ташкил этилган.

Ҳозирда вилоятимизда ташкил этилган кичик саноат зоналарида бўш ер майдонлари мавжуд. Жумладан:

Косонсой тумани, “Гурмирон” МФЙда 2,0 га ер майдони, “Тергачи” МФЙда 7,7 га ер майдони ҳамда “Намуна” МФЙда 20,4 га ер майдони;

Наманган тумани, “Қоракўл” МФЙда 8,0 га ер майдони;

Норин тумани, “Оқ олтин” массивида 6,3 га ер майдони;

Поп тумани, “Миришкор” МФЙда 1,2 га ер майдони, “Анҳор” МФЙда 3,7 га ер майдони, “Нуробод” МФЙда 2,0 га ер майдони ҳамда “Ғурумсарой” МФЙда 100,0 га ер майдони;

Тўрақўрғон тумани, собиқ аэродромда 2,1 га ер майдони, “Шоҳидон Нурли Диёр” массивида 10,0 га ер майдони ҳамда “Оқтош” МФЙда 1,2 га ер майдони;

Уйчи тумани, “Юксалиш” МФЙда 21,0 га ер майдони, “Юксалиш-2” МФЙда 7 га ер майдони ҳамда “Дўстлик” МФЙда 3,5 га ер майдони;

Учқўрғон тумани, “Ёғду” МФЙда 0,1 га ер майдони, “Нуробод” МФЙда 1,0 га ер майдони, “Норин” МФЙда 1,8 га ер майдони ҳамда “Янгиер” МФЙда 2,0 га ер майдони;

Чортоқ тумани, “Ойқирон” МФЙда 7,0 га ер майдони ҳамда “Ласкидон” МФЙда 3,2 га ер майдони;

Чуст тумани, “Шўркент” МФЙда 1,2 га ер майдони, “Сабзазор” массивида 10,0 га ер майдони, “Олмос” массивида 6,3 га ер майдони ҳамда “Зарафшон” МФЙда 13,0 га ер майдони;

Янгиқўрғон тумани, “Қораполвон” МФЙда 6,7 га ер майдони, “Маданият” МФЙда 1,0 га ер майдони, “Боғистон” МФЙда 3,0 га ер майдони ҳамда “Янги боғистон” МФЙ да 1,2 га ер майдони.

Кичик саноат зоналарига тадбиркорлик субъектларини жойлаштириш мақсадида ўз лойиҳаларингизни жорий йилнинг 15-октябрь кунига қадар Наманган вилояти кичик саноат зоналарини бошқариш бўйича ягона дирекциясига тақдим этишингиз сўралади.

Танловда импорт ўрнини босувчи, маҳаллийлаштирилган рақобатбардош, экспортбоп маҳсулотларни ишлаб чиқаришга ҳамда янги иш ўринлари ташкил этилишига, шунингдек, қурилиш, енгил саноат, электротехника, кимё, озиқ-овқат, мебель, мевани қайта ишлаш, чарм-пойабзал ва бошқа турдаги саноат йўналишлари асосида замонавий технологиялар жорий этилишига алоҳида эътибор қаратилади.

Ўзбекистон Республикаси Вазирлар Маҳкамасининг 2020 йил 9 мартда “Кичик саноат зоналари тўғрисидаги низомни тасдиқлаш ҳақида”ги 134-сонли қарори билан кичик саноат зоналари иштирокчиларига қуйидаги ҳуқуқлар берилган:

узоқ муддатли ижара шартномалари доирасида ажратилган ер участкалари ва (ёки) ишлаб чиқариш майдонларига мустақил эгалик қилиш ва улардан фойдаланиш;

ташқи муҳандислик-техник коммуникацияларнинг барқарор ишлашини таъминлашни талаб этиш;
ишлаб чиқариш фаолиятининг бошланиши кечикишига объектив сабаблар мавжуд бўлганда, маъмурий кенгашнинг қарори асосида инвестиция лойиҳасини амалга ошириш доирасида ишлаб чиқариш қувватларини ишга тушириш муддатини узайтириш.

Танловда иштирок этмоқчи бўлган тадбиркорлар икки нусхада, муҳрланган конвертларда қуйидаги ҳужжатларни тақдим этишлари керак:

таклиф этилаётган инвестиция лойиҳасининг бизнес-режаси;

инвесторнинг охирги уч йил (мавжуд бўлганда) давомидаги молиявий- хўжалик фаолияти тўғрисида маълумот;

талабгорнинг кўрсатилган соҳада иш тажрибаси ҳақида маълумот.

Бунда тақдим этилган ҳужжатларнинг барча варақлари талабгорнинг имзоси билан тасдиқланиши лозим.

Мазкур танловда иштирок этиш учун мулкчилик шаклидан қатъий назар, барча турдаги тадбиркорлик субъектларини таклиф қиламиз.
Мурожаат учун:

Наманган вилояти кичик саноат зоналарини бошқариш бўйича ягона Дирекцияси (Наманган шаҳар, А.Хўжаев кўча, 38-уй).

Директор: Фаррух Азимов, телефон +998 90 741 99 91.

Инвесторлар билан ишлаш бўйича бош мутахассис: Сардорбек Файзиев, телефон +998 91 368 86 88.

Мўлжал: Наманган шаҳар давлат хизматлари агентлигининг 4-қаватида.