مؤسسة المنبر الحسيني للقصائد الحسينية🎤

#الحيوانه حبته وقتلته اييي لووييييش لوووويش 💔😞

شوفوا الفيديوا المثبت 💔💔👇👇

صعبه يا كلبي الحبايب من يروحون
والتكتلك بالمكابر من ينامون
بويه عاين حالي // الموت والله اشوالي
****
انه زينب يالعفتني بداري حزنانه
صرت بغيابك يحيدر ورده ذبلانه
بيمن انعيد يغالي العيد لو جانه
جنت كل عيد انته بويه اتعيد ويانه

العيد اجه وهاي السنه لا ما اريده
شله بالعيد اليفارك بويه عيده
الف حسبه ابالي // الموت والله اشوالي
*
شيبت راسي المصايب ونكطع ضني
بويه حته البويه ماتت من رحت عني
سالت دموعي اعله خدري وزيدت وني
وتدري بفراكك يبويه اهواي اخذ مني

اوياك اموتن يالعفتني اشكد تمنيت
بويه كمت اكره بدونك طبت البيت
خيبيت امالي // الموت والله اشوالي
*

هيه مو كلمه وكولن تنسي العشره
احله شي بالدنيه بويه ضلت الذكره
كالو اليفكدله غالي ينكسر ضهره
وانه مو بس ضهري بويه اضلوعي متكسره

صحت يا دهري دخيلك وين الاحباب
اشلون سلوت عمري نايم حدر التراب
مني ضاع اهلالي // الموت والله اشولي
****
مدري شبسرعه يبويه غمضت عيونك
كلشي ما يسوه وغلاتك عمري من دونك
الفاتحه اقراها اعله روحي من يدفنونك
واليتامه اشراح اكلهم من يفكدونك

كلها تدعي يا علي اتكوم ابسلامه
ياهو من بعدك يحن اعله اليتامه
ضلت ابلا والي // الموت والله اشوالي
*

يا علي شخبار جرحك وانته شخبارك
اتجمعت كل اليتامه وتنحب بدارك
بويه من يوم العفتني ما طفت نارك
بالسمه يابو المحنه انحجبت انوارك

الليله محرابك يون والفكدك اينوح
انته جرحك يا علي مو مثل الجروح
امجانك اصبح خالي // الموت والله اشوالي
***
ضلت ابدلالي تسعر جمرت احزاني
ليش بويه وياك كلي الموت ما جاني
افرك براحات اديه دهري خلاني
ياهو يمسحلي دمعتي ودمعة اخواني

حاير الليله الحسن ودموعه بالعين
وشابك اهدومك يبويه ويبجي الحسين
بغيبتك يالغالي // الموت والله اشوالي
*
تمت
#تحسين الخفاجي

يلي هدمتو القبور
شنهو ناسين الظهور
جايكم والرايه بيده المنتظر
ومن لضه سيفه تدورون المفر
يلي هدمتو القبور
.....................

تبقه الاحقاد الدفينه بنص الكلوب
ويخسر الي مايخلي علي محبوب
عود من يضهر المهدي لحك وتوب
وجهك اسود ماتفيدك كلك ذنوب

شجابك الارض البقيع
لازم مصمم تضيع
الدنيا ماتخله بعد بيهه وصي
شنهو ردك لوطلع يالناصبي
يلي هدمتو القبور
.........................

انته رايح للمنيه برجلك ادوس
هسه ابو صالح يجي ويعلمك ادروس
مثل حيدر من يجيكم يكطع الروس
باعو اجدادك ضمايرهم بالفلوس

ونته موصافي الحليب
وهذا منك مو عجيب
كبلك اسيادك بدوهه بالحرك
ونته عن افعالهم ماتفترك
يلي هدمتو القبور
..................

بيش اذوك الايمه وحاربتهم
تبقه جاهل للاسف ماطاوعتهم
هاي كلهه الوادم تلوذ ابختهم
وانته خاسر يلي بالحب انكرتهم

نحلف بطاهه الرسول
يبقه حبهم مايزول
على حبهم نقبل بجور الزمن
هوه ياهو اليمتلك طيب الحسن
يلي هدمتو القبور
........................

ماتعرفون الوفه وكل تضحياته
هدميتو كبور اهل الله وصفاته
هسه يتعنه ابو صالح على امواته
والبقيع ينور يصير شحلاته

انتو اذيتو الامام
ماتعيشون بسلام
بيده كل ارواحكم وبقبضته
وين تنطون الوجه من طلعته
يلي هدمتو القبور
.............................

المهدي من يظهر يسر كل النواظر
لكل كبر كبه يحط واربع مناير
واليروح يزور ابد مايضل حاير
وابو صالح هوه قائم عالشعاير

يجمع الشيعه ويصيح
خذت ثارات الذبيح
والنصر يبقه يرف برايته
وتوصل الاخبار زينب عمته
يلي هدمتو البقيع


محمد هادي العقابي

قصيده بحق عبدالله الرضيع//ع


ياورده تعيش بدلالي // ياعبدالله
شلون انسالك ومهدك خالي // ياعبدالله

مانام اليل خلوني * شفتك مذبوح بعيوني
*،*************
چنت اشمك وشعر بطيب الامان
ومن تناغي بيه يزداد ا لحنان
يمه مافارگ بستمك ضني چان
ماحسبت احسابه يغدر هالزمان

عمري بلاشوفت محبوبي ماريدنه
طول اليل بوجهك انظر مامل منه
گبلك ياريت ذبحوني
********
حالي يصعب لوعفتني وماتعود
يبني يالعودك ترف مثل الورود
امنين اجاني حرملة وفعله الحقود
وخابت امل ازرعتهه ابالي عود

بيّام الچنت اتناغلي گمت ازرعهه
ماضنيت افراگ وهيجي الضنه اگطعهه
موّدع يالبيك حسدوني
*********
سهمك الجارح جرحني يالحبيب
يا امل روحي الحسبتك ما تغيب
من تهاجر تدري اعيشن بالنحيب
يبني لا تبعد عليه وضل قريب

نورك كل ليله متانيته يسطع ضيه
ماتطفى بدمعات التهمل نار البيه
ما ابجي شلون يردوني
*******
ماحسبت اتروح مني ولاتضيع
ودعتني وگلبي بعدك ضل فجيع
گلي هم ترجع واشمك يالرضيع
واشعر بعطرك عطر زهرة ربيع

مهدك خالي وساكن روحي ياريحانه
والله الموت هواي اريحلي ابعُدك انه
بسهم الصابوك صابوني
*******

ودعيتك گمت احسن روحي نار
مادريته وداع الاسود فجئة صار
ادري ميت واني اعيشن بنتظار
دهري يوليدي جرحني وبيه جار

ضلت بس لوعت نيراني منك ذكره
تدري التفگد مثلك يمه تموت بحسره
أبطف الالام فجعوني
********

✍الشاعر رعد الخريخي

ღ♪*•.¸¸¸.•*¨¨*•ღ♪*•.¸¸¸.•*¨¨*•ღ♪

#قناة_المــلا_عز_الدين_الشيخ

#قصائد_الرضيع

ღ♪*•.¸¸¸.•*¨¨*•ღ♪*•.¸¸¸.•*¨¨*•ღ♪
بالخيمه لا تحجون وتفز الاحلام
عبد الله مامذبوح من التعب نام
اسم الله وعلي يحضرة : عن لا يفز نحر

بعد امه غفه من العطش تعبان
وانه عطشانه واعرف نومه العطشان
ماصدك عيوني النحر سالم جان
جا هوة الذبح مو حلو اعله الرضعان
شمسوي حتى يموت عبد الله ياناس
وانه امه ماخليه من بالنسمه ينجاس
في واكعده بكترة عن لا يفز نحرة

🌷🌷🌷🌷🌷🌷🌷🌷🌷🌷🌷
اصيحن سكته ضلوا لا يلجمه الصوت
يمه الوالده اليفرغ حضنها اتموت
زغير اعله الوجع والموت والتابوت
يحجي وياي اكلهم من تون بسكوت
من نحرك اسمع صوت وبنحر احاجي
اتمنه اصير ماي واتبده وارويك
مخنوكه بالعبرة عن لايفز نحرة
🌷🌷🌷🌷🌷🌷🌷🌷🌷🌷🌷🌷
وصيت الاطفال بهيده من يحجون
ترة عبدالله نايم خاف ماتدرون
وداعه ريحتك صرت احجي مدري شلون
تيهت الفكر بعدك يالزغيرون
ام وابنها يروح شتسوي بالروح
للشم رقبتك هاي مو مالت جروح
اسم الله والزهرة عن لا يفز نحرة
🌷🌷🌷🌷🌷🌷🌷🌷🌷🌷🌷🌷
حاجيني اكلت بالسهم من صابوك
وجم يمه صحت يوليدي من ذبحوك
خذوك بلايا ماي بلا نحر جابوك
جايمه يمه شعب قرأن ماشافوك
ليهم رحت عطشان يمعطش العين
يابس مثل ماصار بلسان الحسين
من ضمك لصدرة عن لا يفز نحرة

الشاعر : علي عماد السعداوي

راح وياهو يرجعه وعشت بواهس شمعة
وخلص عمري دموع
ظلت عيني بدربه ما اكدر للغربه
وروحي لجيته تلوع

دمعي اسيله واشتكيلي بلكي يرجع للعليله
_______________________

شما يلفيني الليل بيه ادموعي تعيل
ما احملهه الغربه وبيه هواي جروح

صغيرة واهلي بعاد الجانو ماي وزاد
انسامن واتذكرمن كلهم مثل الروح

يوجع جرحي هواي وردة وراح الماي
ميت كلشي بعيني بس الموت يلوح

خلص صفنه واه عمري شلون انساه
حسين الشارك روحي تريد وياه تروح

خوفي يخلص صبري ياهو اليحفر كبري
لو يلفيني البين
ضاعت كل امالي يموت اليفكد غالي
واني مضيعه حسين
ارد احلفه بالعقيله بلكي يرجع للعليله
_____________________________

مليت الصفنات اليمته ويه الدمعات
شما فتحت عيوني يطيحن جنهن نار

ارد ابعث مرسال اشرح بيه الحال
احجي لشمعة بيتي موحش بعده الدار

بلكي لعيني يعود وافرش روحي اورود
كباله تورد روحي وانسه بكلبي شصار

لاجن كلبي يكول جن غيابه يطول
وتربى عيوني بدربه وتتنطر اخبار
_

شيوصله جروحي اليمشي بدمي وروحي
ويعرف حالي اشلون
ويوصفله احساسي شابت عيني وراسي
ومخطوفه انه اللون

والله بعده مالي حيله بلكي يرجع لعليله
____________________________
بكد انفاسي هموم شما يلفيني النوم
توني اغمضهه عيوني جفني يصيح حسين

بكل اركان البيت تارك ذكرة وصيت
ابعيد او يتراوالي اشما صديت العين

مااظن بعده ارتاح طيرة ابلاية جناح
شما طول بغيابه ايامي احسبهه سنين

شما شمس الله تغيب يزيد براسي الشيب
وانه بعمر الوردة وادعي لموتي يحين
____
كون بموتي يجيني يشوف شسوه ونيني
راحت روحي وياه
شسوه بحالي فراكه ميته وهم مشتاكه
يحس بوجهي الاه
ميته بنته وتندعيله بلكي يرجع للعليله
__________________________

شما اصفن ع الدار جنه وصارت نار
مو ذيج الدار المتروسه انواع اورود

ازكى من القداح من اشتمهه ارتاح
ريح الوالد حلوه اترد الروح اردود

هسه اشتم الثياب وامشي اوكف بالباب
وروحي تصبر بروحي تكلهه الراح يعود

جن انفاسي اسهام بعده بريتي اتنام
بكل شهكه اني اتلوه واندب راعي الجود
_
بين الصفنه وناري اصبح موحش داري
من راحوا الاحباب

الجانوا يم عيوني غابو شو ما اجوني
ما اعرف الاسباب

واليفاركك ياذي ليله بلكي يرجع للعليله

________________//حسين المحامي

❀ *┉❉▦♔❃❥❃▣♔◣❈┉*❀

#قناة_المــلا_عز_الدين_الشيخ

#قصائد_رقيه ع


❀ *┉❉▦♔❃❥❃▣♔◣❈┉*❀

عمه ظلمه اشلون انام اني اخاف امن الظلام

معلمه اخفه بجف ابوي امشينه نرجع للخيام
_________________________

عمه تعبانه وغفيت وانلجم متني وصحيت
عمه جن ابمتني نار شما اطخ ايدي انجويت
عمه تعبني الطريق وانضرب لو بس حجيت
ايدي مو مالت حبال او يا ذنب منه انسبيت

وردة من اعطش اذوب ما احب جلمة حروب
كون اعيش ابنص ربيع روحي جن طيرة حمام

_________________________

عمه شو ما اجاني ابوي كبل ما فاركني ليل
عمه يعرف بالسياط يدري طكو متني حيل
يدري بمتونج واديج امن الضرب دمج يسيل
اني اخاف امن الطيور ليش ركظت يمي خيل

يدري لاحت ثوبي نار هسه صار ابمتني ثار
راح بس ماجاني ليش المثلي تتيتم حرام

_________________________

عمه ترجيتي انه وين بيهه اعتز من زمان
جنت احس بيهه محنه وجنت احس بيهه امان
الي ميردهه الاخذهه عمه ابوي ايحبهه جان
عمه بس مو بذني تركب عمه مجروح المكان

عالرمح شفت انه راس جن شمس وتشيله ناس
عمه جنت اسمع ينوح او زينب اسمع بالكلام

___________________________

عمه نرجع للطفوف خاف هم ما نلكه ماي
من ارد اشعر بامان شمر ما يركض وراي
عمي يرجع بيده جود ماكو دخان ابسماي
هناك موجود الرضيع عمه فدوه احجيلي هاي

خاف نرجع والسياط نكطع انوب الكَماط
عمه مشتاكه لاخوي جني احس فاركته عام
__________________________

عمه شو ما عدنه بيت عمه اهلنه اليوم وين
عمه لا الاكبر ويانه ما اشم ريحة حسين
عمه اخبريهم اموت والله يذبحني الحنين
اصواتهم جن بالطريق بس يغطيهه الانين

عله الهزل بالمسير عمه روس اتبدي خير
عمه ياهمه هذول شو يشبهون العمام

________________حسين المحامي

منعوفك يبو السجاد لحد اخر نفس بينه
دنيه واخره وياك الامل انته وتنجينه
______________________________

عله الفطره عشكناكم نريد انفوز باحماكم
رغم كل الظلم والجور ولا لحظه نسيانكم
مثل عشك الهوه نحبكم نموت احنه ابلياكم

نفخر احنه خدامك وكت الموزمه احزامك
جبير ولمنه ديوانك
شيعه وبينه ريحتكم
خلقنه بنفس طينه
______________________________

مشينه ابدربك او محلاه بطريقك نعشك احنه الموت
الك جمره التجوينه بمحروم لو يمرنه الصوت
دروس التضحيه منك المنايه ماتهمنه انفوت

الوفه منك تعلمنه او دربك مانمل منه
اوياهو اليترك الجنه
هنياله الرضيت اعليه
بالمحشر تكَر عينه
_______________________________

واحنه بالمهد يحسين عرفنه حبك ومعناك
شما جانت علينه تضيك يبو اليمنه مصيح اوياك
انته الكلا للظالم والكَ انرسم بدماك

انته مدرسة غيره شخصك ماكو ابد غيره
اوياك ومحله هالسيره
لولاكم نعيش ابذل
نتيه اومن يدلينه
______________________________

يارية نصر مظلوم ويا يبرغ على الظالم
لولاك الظلم والجور يخيم ظله عالعالم
جا دين النبي المختار يموت وما يظل سالم

اليحبك خالقه ايحبه صريح وما يزل دربه
بالنور انترس كلبه
ي ايه وقبله للثوار
نضيع وانته تهدينه

____________________/حسين المحامي

اشلون بيه لو شفت زفة شباب
وانه بغيابه اكل روحي العذاب

بيش اصبر دمعتي
هو روحي ومنيتي

********

شلون لو عريس شفته او يمه ملتمين ربعه
شلون لو زفوه اكبالي وشاهدت حلقه بصبعه
شلون لو كاللهم امي خل تجيي تحنيني اسمعه

شلون ما اهل الدمع
ولا ونيني الينسمع
يمه اذوب وي الشمع
وانته مصدرهه ضحكتي

لو ذكرته كوه انه اشتمه هواي
توشل عيوني وتظل ابلايه ماي

هناك تظلم دنيتي
هو روحي ومنيتي
_________________________

علم اعله النوح روحي الحيل جانت يمه ترفه
وانه احسب كمره كمره يمته يكبر حتى ازفه
الفاركت مثلك يجاسم عدهه شم الانفاس كلفه

راح البعمر الورد
وخله دمعاتي تهد
وانه ذابحني البعد
وسفه رايح ضنوتي

تيهت دربي وصبح كل عمري ليل
للدمع ياناس ماظل بيه حيل

ماكو حل لحيرتي
هو روحي ومنيتي
_________________________

والله من راح من اديه ما ردت من بعده عمري
شلون اكابر وانه اول ليله بعده وخلص صبري
ردته كون بموتي يحضر يهل اتراب اعله كبري

ليله ووليدي الكمر
فكده علمني السهر
ماردت بعده العمر
كلي تطول سفرتي

من مرار اجفاه صار ابعيني شيب
ظلمت من شمسي راحت للمغيب

الجان سلوة لوحشتي
هو روحي ومنيتي
______________________

الحلوة جانت كل صفاته من رحل شلي بحياتي
لوحدي كل ليلة من احنله ابجي واتنطر مماتي
الجنت مثل العيد يمه اوهسه ذبلت كل حلاتي

ليه بس ذكره صفه
المثله بيش انوصفه
غاب وبلحده غفه
وماتت وياه بسمتي

اغيابه جاسم علماني اشلون انوح
من اذكره اتأذن ابروحي الجروح

يصبح الون غايتي
هو روحي ومنيتي

_________________حسين المحامي