قصيده بحق الاخوان اللهم ربي احفظ كل واحد لديه اخوان
------------------------------

الفاكدله اخو  يحتار  بـين الناس
مثل حيرة حسين بطيحت العباس

1
من عباس طاح الموقف اشكـبـره
اجاه يم الشريعه ومنكسر ظهـره
يعاين عالاخو وبكلبه الف حسره
كعد يمه كعد وبحضنه خله الراس

2

الماعنده اخو مايطب كل ديـــوان
ومن ايطيـح فشله ابين اي عدوان
اخوك احزام ظهرك من تطب ميدان
الشده اتهون عندك والجـره لاباس

3

لـو مالت الدنيه وعاندك دهـــرك
تعرف انته ياهــو بشده وايـأزرك
اخوك احزامك انته البي تشد ظهرك
بالشـده اخوك يصيرلك مقيـاسك

4

وعدنه اعظم مثال بخوة الطيبيـن
قدوه النه ومثل وشلون عدنه اثنين
لازم نقـتدي بعباس بس وحسيـن
خوتهم مثـال وتضحـيه واحساس

5

عدنه اثنين احـنه اثنينهـم قدوه
انطـونه اروع مثال بمــبــدأ الخوه
من عباس طاح حسين اجه اشسوه
اجاه محني الظهـر وبأخر الانفاس

6

حافـظ عـلاخوه بكـثر ماتگـدر
حـتى ماتضل وحدك وتـتحـير
مابيها الاخـوه الاكـبــر الازغر
اخوك يضل اخوك بكل وكت ينباس

7

وصيــه وهـاي اليه و دومها ابـالي
الاخو مو غالي لكن اغـله كل غالي
الاخو لـو راح منـك بيـتـكم خالي
لان عـامـود بيتك الاخـو. والساس

الشاعر السيد رياض الجابري
قناة ونشر الملا خادمة الحسين ع أم علي البصراوية