(( ياموت ))         احمد العكيلي

يا موت .. كافي .. تاخد بالحبايب
ياموت .. روحي .. ماتحمل مصايب
ــــــــــــــــ1ـــــــــــــــــ
انت جم غالي خذت من بين اديه
عمري يا موت انتهى اوداع ومنيه
لو عزيه تنتهي ابدي ابعزيه
وصدمة امي فاطمه ليهسه بيه

ياموت .. شاهد .. انت اعله النوايب
ياموت .. كافي .. تاخذ بالحبايب
ـــــــــــــــ2ــــــــــــــــ
من زغر سني وعرفت ايامي صعبه
الدنيه من تبدي بجرح تاليها غربه
واليفارگله ابو شيصبره گلبه
والدي راح وجنت مرتاحه گربه

ياموت .. ذخري .. صبّح عني غايب
ياموت .. كافي .. تاخذ بالحبايب
ـــــــــــــــ3ـــــــــــــــ
جم يتيم اليوم تجرح لو خذيته
جم قلب محتاج حيدر .. عذّبيته
والابو لو غاب وحشه يصير بيته
مو وكتها استعجلت ليش بمنيته

ياموت .. ترضه .. قلب ايتامه ذايب
ياموت .. كافي .. تاخذ بالحبايب
ـــــــــــــــ4ـــــــــــــــ
آنه زينب واعتبرني اول يتيمه
بلايه حيدر دنيتي ما الهه قيمه
كل هضيمه اتمرني تتبعها هضيمه
هو خيمه وانت تعرف شنهي خيمه

ياموت .. ساكت .. اعرف ما تجاوب
ياموت .. كافي .. تاخذ بالحبايب
ــــــــــــــ5ـــــــــــــــ
خلي اسولفلك عليه اشيجري باجر
بعد ما اهلي يسكنون المكابر
باجر اتمناك يمي انت حاضر
لو تركني كافلي وحدي ويهاجر

ياموت .. بعده .. تسبيني الاجانب
ياموت .. كافي .. تاخذ بالحبايب
ـــــــــــــــ6ـــــــــــــــ
باجر اصرخ ياعلي وماشوفه يمي
لا اخوتي ابشدّتي ولا تحضر امي
بس الك يا موت ابقه اشكي همي
زينب آنه ويصبح المسبيه اسمي

ياموت ..  تالي .. اكعد بالخرايب
ياموت .. كافي .. تاخذ بالحبايب

 قناة ونشر الملا خادمة الحسين ع أم علي البصراوية