"QORAQUSH" — @MuhammadaliAhmadUz Telegram-kanali

QORAQUSH

1 Feb 2022, 04:47

ҲИКМАТ ИЗЛАГАНГА ҲИКМАТДИР ДУНЁ

Фикрий ахлатлар кўча ахлатларидан кўра анчагина хатарли бўлади.
Муҳаммад АЮБ

42 0 0

КУЛИНГ, УМРИНГИЗ УЗОҚ БЎЛАДИ

Каналимизнинг ашаддий мухлисларидан боёвутлик сўз устаси Шукрулло Жумаев барчамизнинг кайфиятимизни кўтариш мақсадида бисотида сақлаб юрган аскиячилар пайровини бизга жўнатибди. Тинглаб, ҳордиқ чиқаринг, кулинг. Зеро, Юсуфжон қизиқ Шакаржонов лутф этганларидек: “Кулинг, умрингиз узоқ бўлади”.

42 0 0

QORAQUSH

1 Feb 2022, 04:28

Усмон АЗИМ

***
Тонг титрайди кеч кузакнинг қучоғида,
Юлдузларни ўчирмоқда гулгун шафақ.
Жоним, қалбим шеъриятнинг пичоғида...
Замин — тилсим, осмон — тилсим... шеър — бешафқат!

Мен қийналдим. Хаёлимнинг қанотида
Денгизларни кўтарганча толиб учдим.
Юлдузларни кўп кўрганман ҳаётимда,
Денгиздаги юлдузларни келди қучгим.

Кўкка боқдим, ўт туташди жоним аро...
Қат-қат булут қатларида не сир-асрор!
Ҳайрат ичра ўлдиргуси мени само,
Она замин, уча қолай, қўйиб юбор!

Мен ёр дедим.. Лайлими ё, Ширинми ё!
Ёки энди туғилажак бирор малак?
Мана, мен, деб кўз олдимда бўлди пайдо,
Мана, мен, деб шеърдан боқди якто юрак.

Юлдузларни ўчирмоқда гулгун шафақ,
Тонг титрайди кеч кузакнинг қучоғида,
Шеър ёзилар... Қийноқ, сенга бўлсин шараф,
Жоним, қалбим шеъриятнинг пичоғида...

Ҳали бутун рўйи жаҳон шеър бўлажак,
Фақат бекор билиб ором қучоғини —
Бу дунёни сирга кўмиб яшаш керак,
Қалбга санчиб шеъриятнинг пичоғини!

41 0 0 2

QORAQUSH

31 Jan 2022, 04:41

ЭНГ ҚАДИМГИ ҲИКМАТЛАР

• Очкўзни пул билан енг, ғурурлини ─ ёлвориш билан, нодонни ─ хушомад билан, оқилни ─ ҳақиқат билан.
• Тошни тепага қийинчилик билан чиқарамиз, пастга эса бирпасда ўзи тушади ─ яхши обрўга қийинчилик билан эришамиз, ёмон ном чиқариш эса жуда осон.
• Яхши қилиқ ҳатто душманингда бўлса ҳам унга тақлид қил, ёмон қилиқ отангда бўлса ҳам уни ўзингга қабул қилма.

63 0 2 2

QORAQUSH

31 Jan 2022, 04:40

Ҳар тонгда бир шеър

Гулжамол АСҚАРОВА

ЁРУҒ ТОНГЛАР
Фарзонага

Бунча йиғлоқ бўлдик, азизам,
Бизни бунча йиғлатди ҳаёт.
Келдим ҳамки бу дунёсига,
Кўзимдан ёш кетмади ҳайҳот.

Менга бунча содиқ бўлди ғам,
Юрагимни чаёнлар чақди.
Сен йиғлоқ қиз бўлма, азизам,
Менинг йиғлоқ шеърларим ҳаққи.

Шоирмасман, лек кўнглим чил-чил,
Дунёни кўп чарчатди нолам.
Юрагимни бағрингга босгил,
Юрагингдек тозарсин олам.

Кел, ўктамроқ яшаймиз энди,
Кўзларингда бахтлар жаранглар.
Юрагингнинг уфқларида,
Отар бир кун энг ёруғ тонглар.
2005 йил

91 0 2 1

QORAQUSH

30 Jan 2022, 09:36

Келинимиз, Ўзбекистон Бадиий ижодкорлар уюшмасининг аъзоси, ҳайкалтарош Камола АҲМАДнинг “Лапарчилар” ҳайкали.

63 0 1 2

QORAQUSH

30 Jan 2022, 09:20

E'zoza Alimova dan repost

61 0 0

QORAQUSH

30 Jan 2022, 09:20

Янги китоб

“ХУШХАБАР” ҲАҚИДА ХУШХАБАР

“Янги аср авлоди” нашриёти сирдарёлик ёш шоирларнинг “Хушхабар” деб номланган баёзини 500 нусхада нашрга тайёрлади. Ундан 88 нафар иқтидорнинг ижод намуналари жой олган. Китобга таниқли шоир Муҳаммад Исмоил “Хушбўй гуллар хушхабари” деб номланган сўзбоши ёзган. Мана ўша сўзбоши.
ХУШБЎЙ ГУЛЛАР ХУШХАБАРИ

Бугун серқуёш ўлкамизда жамики кўнгиллар эътибор ва ғамхўрлик қуёшининг нурларидан баҳраманд. Ана шу нурлардан озиқланган дилларда хушбўй гуллар бўй чўзаётганлиги қувонарли. Ижодий изланишлар қилаётган ёш ижодкорлар сафи кенгаётганлиги қалбимиздаги униб-ўсаётган умид чечакларини гулзорга айлантиришига ишонамиз.
Кейинги вақтда куч-ғайрат билан қалам тебратаётган сайхунободлик ижодкор ёшларни қамраб, Ҳалима Худойбердиева номидаги “Адабиёт авлодлари” ҳамда Муҳаммад Юсуф номидаги “Шеърият шайдолари” адабий тўгараги фаолияти бежиз йўлга қўйилмаган. Ҳақиқатдан ҳам бу тўгаракнинг ижодкор ёшлари шеърларида ўз фикрларини турли бадиий-тасвирий воситалар орқали акс эттиришга уриниши мутолаа жараёнида ўқувчида илиқ таассуротлар қолдириши табиийдир.
Хушбўй гулларнинг хушхабари бўлган “Хушхабар” номли бу китоб ана шу тўгарак ижодкорларининг навбатдаги туҳфаси. Ушбу баёз билан танишар эканман, барчамизни бирлаштириб турадиган муқаддас тушунча – Ватан сувратига чизгилар ҳамда она, табиат, муҳаббат, кўнгил мавзусига доир шеърлар ўзига хос тарзда акс этганлигидан қувондим. Бу қаламкаш ёшлар келгусида халқимизни маънавий камолотга етакловчи ижодий асарлар яратишига умид қиламиз.
Муҳаммад ИСМОИЛ,
Ўзбекистон Ёзувчилар уюшмаси
аъзоси, шоир.

Бизни қувонтирадиган ҳодиса баёздан шогирдимиз Эъзоза Алимованинг ҳам бир туркум шеърлари жой олибди. Китобнинг электрон версиясини СИЗ, азизларга ҳавола этаяпмиз. Ёш шоирлар шеърларини ўқиб, баҳра олинг.

56 0 0 1

QORAQUSH

30 Jan 2022, 09:18

E'zoza Alimova dan repost

Azizxoja Nur__.pdf

4.6Mb

53 0 0

QORAQUSH

30 Jan 2022, 08:47

БУГУН КОМЕДИЯ УСТАСИ ЛЕОНИД ГАЙДАЙ ТАВАЛЛУД ТОПГАН КУН
1923 йил 30 январь Леонид Иович Гайдай таваллуд топган кун. У комедия устаси сифатда танилган.
Гайдайнинг севимли қаҳрамонлари машҳур учлик актёрлар Юрий Никулин, Георгий Вицин ва Евгений Моргуновлар томонидан ижро этилган Валакисаланг, Қўрқоқ ва Туллак образлари ҳисобланади. Улар 1961 йилда илк бор суратга олинган “Кўппак Барбос ва ғалати кросс” деб номланган қисқа метражли фильм орқали ва шундан сўнг “Самогончилар” (1962) ва “Ы” оперцияси ва Шурикнинг бошқа саргузаштлари” фильмининг учинчи қисмида (1965) , “Кавказ асираси” (1966) фильмлари орқали мухлисларга яхши таниш. Режиссёрнинг сўнгги икки фильми, шунингдек, “Бриллиант қўл”(1968) ва “Иван Васильевич касбини ўзгартиради” киномухлислар томонида энг кўп томоша қилинган фильмлар сирасига киради.

53 0 1

QORAQUSH

30 Jan 2022, 05:54

Umr o'tar — Ortiq Otajonov

07:41

Хонанданинг мана бу қўшиғини эшитиб роҳатланинг.

55 0 0

QORAQUSH

30 Jan 2022, 05:53

Бизнинг тақвим

БУГУН ХУШОВОЗ ХОНАНДА ОРТИҚ ОТАЖОНОВ ТУҒИЛГАН КУН

ОТАЖОНОВ Ортиқ ─ 1947 йил 30 январь куни Хоразмнинг Боғот туманида туғилган - хонанда, Ўзбекистон (1991), Туркманистон ва Қорақалпоғистон (1993) халқ артисти. Урганч мусиқа билим юртини (рубоб синфи бўйича, 1967) ва Тошкент маданият институти(1980)ни тугатган. Миллий ашулачилик йўлларини К.Отаниёзов, шунингдек, А.Отажонов, М.Мирзаев, Г.Раҳимова, О.Иброҳимов ва С.Собировлардан ўрганган.
Ўзбек давлат филармонияси, “Лазги” ансамблида хонанда (1968-81), “Лазги” ансамблинининг, бадиий раҳбари. Репертуаридан Хоразм мумтоз ашулалари (Феруз I,II, савтлари билан ”Чапандози Сувора”, “Хоразм Дугоҳи” ва б.), куйини ўзи басталаган асарлар (“Зеболаниб келибсиз”, “Она диёрим”, “Хоразм фарзандиман”, ”Орол дарди”, “Сени кулишларинг”, “Ибияй”, “Бошқача” ва б.), шунингдек, афғон, туркман, озарбайжон, рус, араб қўшиқлари ўрин олган. Ижролари 2 грампластинка, Ўзбекистон радиоси фонотекасига ёзилган. Ўзбекистон телевидениесида О.Отажонов ҳақида фильм-концерт

97 0 1

QORAQUSH

30 Jan 2022, 05:20

Китоб жавонингизга
“ҚАТЛНОМА”

Бу китобни менга Тўра аканинг ўғли (халқ шоири Тўра Сулаймоннинг) Мирзо Сулаймон совға қилди. Китоб муаллифи ҳақгўй адиб Набижон Боқийдир. Китоб ниҳоятда ўқишли бўлгани учун учинчи бор нашр этилмоқда. Ҳар гал адиб яратиғини янги-янги ҳужжатлар ва фактлар билан бойитади.
“Қатлнома” севимли адибимиз Абдулла Қодирийни
кимлар
қаерда,
қачон ва
нима учун
ҚАТЛ ҚИЛГАНИГА БАҒИШЛАНГАН.
Асар “Azon kitoblari” нашриётида 3000 нусхада чоп этилган.
Харид қилинг ва ўқинг!

58 0 2

QORAQUSH

30 Jan 2022, 05:19

Замонавий ривоят

ИНСОНИЙЛИК

1982 йил. Университет қошидаги лицейнинг 2-босқич ўқувчилари иқтисод фани ўқитувчисини кутишаётган эди. Синф ўқувчиларнинг шовқин-суронидан ларзага келаркан, эшикдан қаттиққўл устознинг қораси кўринибди. У болаларга жиддий нигоҳини қадаб, қўлидаги бўр билан доскага каттакон “1” рақамини ёзибди.
─ Қаранглар! ─ дебди у. ─ Бу ─ инсонийлик. Инсонийлик ҳаёт бизга бериши мумкин бўлган энг қимматбаҳо нарса.
Кейин “1”нинг ёнига “0” рақамини ёзибди:
─ Бу эса муваффақият. Инсонийлик муваффақият билан бирга бўлса, “1”ни “10”га айлантиради, ─ дебди устоз ва доскадаги рақам ёнига яна битта “0” қўшиб қўйибди. ─ Бу ─ тажриба. “10” бўлсангиз “100”га айланасиз. Нолларни истаганингизча қўшинг: малака, қобилият, интизом, севги ва ҳоказо. Қўшилиб бораётган ҳар бир ноль инсонийликни 10 баробар кучли қилади.
Кейин қўлига латтани олиб, қатор бошида турган “1”ни ўчириб ташлабди. Доскада бир талай “0”лар қолибди. Устоз сукунатни бузиб, дебди:
─ Инсонийлик бўлмаса барчаси бекор!!!

87 0 1

QORAQUSH

30 Jan 2022, 05:18

Ҳар тонгда бир шеър

Улуғбек ҲАМДАМ

ОППОҚ ТОНГДА

Оппоқ тонгда турсам, бир гул истасам,
Унда на кўз, на қўл излари бўлса.
Лабимни лабига қўйиб сизласам,
Ва сўнгсиз қувончга тикилсам ─ ўлсам...

Шу онлик атигул бўйларин олиб,
Тонг ели бағримга аста бош қўйса.
Кўксини кўксимга бериб ─ юксалиб,
Ўлимни ҳаётдек қучоқлаб суйса...

62 0 0

QORAQUSH

29 Jan 2022, 14:59

Бизнинг тақвим

БУГУН УЛУҒ РУС ЁЗУВЧИСИ АНТОН ПАВЛОВИЧ ЧЕХОВ (1860-1904) ТУҒИЛГАН КУН

ЧЕХОВ ҲИКМАТЛАРИ

• Кишида ҳамма нарса гўзал бўлиши зарур: юзи ҳам, кийими ҳам, қалби ҳам, фикри ҳам.
• Ақлли ўрганишни яхши кўради, ақлсиз бўлса ─ ўргатишни.
• Ёлғончилар ўлаётиб ҳам алдашади.
• Охир-оқибат ҳақиқат тантана қилади, дейишади, лекин бу ёлғон.
• Яхши киши номаъқул иш қилиб қўйса, ҳатто итдан ҳам уялади.

104 0 1 1

QORAQUSH

29 Jan 2022, 14:46

Sirdaryo24 dan repost

4-сон (4).pdf

6.3Mb

"Янги Сирдарё" газетасининг 2022 йил 28 январдаги 4-сони

▶️ Kanalga ulanish:
👉🏻 @Sirdaryo24

48 0 2

QORAQUSH

29 Jan 2022, 05:40

ҲИКМАТ

Агар мулоҳаза қилсангиз, одамларнинг энг айби кўпи, бошқаларни энг кўп айблайдигани эканини кўрасиз.
ЖОҲИЗ

100 0 1 1

QORAQUSH

29 Jan 2022, 05:31

КУЛГИ ИММУНИТЕТНИ КЎТАРАДИ

ОЙИ, ФАРИШТАЛАР ҲАМ УЧАДИМИ?

─ Ойи, фаришталар учадими?
─ Ҳа.
─ Дадам хизматкор қизни фариштам, деди. У қачон учади?
─ Бугуноқ, қизим, бугуноқ!

БОЛАЛАРДАН НЕЧТА?

─ Болалардан нечта, Тошболта ака?
─ Ўн учта.
─ Вой-бўй, битта уйда сиқилиб қолмайсизларми?
─ Нега энди, уларнинг барчаси ўз оналари билан туради.

68 0 1

QORAQUSH

29 Jan 2022, 05:31

65 0 0

TGStat Bot

TGAlertsBot

Telegram Analytics

SearcheeBot

QORAQUSH

Kanal geosi va tili

Toifa

QORAQUSH

QORAQUSH

QORAQUSH

QORAQUSH

QORAQUSH

QORAQUSH

QORAQUSH

QORAQUSH

QORAQUSH

QORAQUSH

QORAQUSH

QORAQUSH

QORAQUSH

QORAQUSH

QORAQUSH

QORAQUSH

QORAQUSH

QORAQUSH

QORAQUSH

QORAQUSH

117

Sayt tili

TGStat Bot

TGAlertsBot

Telegram Analytics

SearcheeBot

QORAQUSH

Kanal geosi va tili

Toifa

117