قصائد محرم ٢٠٢١|١٤٤٣ه

قصائد محرم ٢٠٢١|١٤٤٣ه:
الي يحتاج قصائد محرم الي سبق يراسلنه خاص لان هايه القصائد جديده ٢٠٢١
هذا المعرف @Oh_mahd

#قصائد_السيده_رقيه_والامام_الحسين_عليهما_السلام



وين ابــــوي الي قبــل بحــــضانه اغـفـه
خل يجي يشوف الليالي اشلــون صلـفـه
الما كسـر خاطـــــر الي مارد عليه
يرضى انام اعله الترب وانه رقيه
خل يجـي يشوف الليالي اشلون صلــفـه
__________*
الدللاني ابفـــــي حنــــانه شــو اتأخر
وانه عالهجـــران يعــرف حــيل مگدر
ليل احزاني اشيخلصه وعينــي تنطـر
ها يجـي لا ما يجـــــــي ضـليت افكر
اگضي ليلي بس مناحه وجـفـني دامي
مادريت حــــسين ابوي انذبــح ضامي
راح بدر احلامي كلها وغاب ضيه
يرضى انام اعله الترب وانه رقيه
خل يجي يشوف الليـالي اشلون صـلفه
__________*
الما مفارگنــي قبـــل فارگـنــي هســه
الچان بحضـانه يضـــمني وويه نفسه
راح اگـولن غاب لــكن يجي غبـــــشه
ودرب اليجــــيبه اريــد اورود افرشه
بس يروحـي حـــــسين ماضنه يــجيلج
ابقي احچي ويه الدرب شيخلصه ليـلچ
ليلچ اطــــويل وتشــوفين الاذيه
يرضى انام اعله الترب وانه رقيه
خل يجي يشوف الليالي اشلون صـلفـه
__________*
الچنت انام ابحضنه ويگــلي الاميــره
يدري هسه بالـــخرابه وهـــم اسـيــره
ناس ما ترحـــم صــغــــيره ولا چبيره
وجهي بويه اخلاف وجهك وين اديره
بويه ســـوط الشـــمر بمـــــتوني تــــلوه
طــــــــفله بويـــه ونـاس ماعدهم امروه
والحبل بويه خشن جـــــرح اديه
يرضى انام اعله الترب وانه رقيه
خل يجي يشوف الليالي اشلون صــلفـه
__________*
ياهــو اسألــنه اشـوف ابعــينه دمـــعه
حسين اله رجـــعه بعد لو مـــاكو رجعه
بويه اتلاشـــه ابغــيابك چـــنــي شمعه
وعمري اعــرف ما يطــول وراح اودعه
يالعفــــــتني ونــــمت بحـــــضان الترايب
بويه هـــاي انه العزيــــزه وگـــــلبي ذايب
نار وسياط ودمــوع وغاضريــــه
يرضى انام اعله الترب وانه رقيه
خل يجي يشوف الليالي اشـــــلون صلفـه
_________*
الما امودعـــني اشعــــجب هسه جفاني
الچـــان صـــوته قبـــــل اســمعنه اذاني
السوط اكـــــبر مــــــني بويــه وذبلاني
راسك اگبالـــي شــــفت گلــــي اشأتاني
بويــه راســـــك بالطشــــــــت انـــه نضرته
تهمل ادموعــــــــي وكمـــت بويه شــــبگته
تالي يم راسك اجت ليه المنـــــيه
يرضى انام اعله الترب وانه رقيه
خل يجي يشوف الليالي اشلــــون صلفـــه
__________*

تمت بحمد الله وتوفيقه: الخادم المقصر ناجي ابو كيان الصالحي ونسألكم الدعاء لي ولوالدي

#قصائد_الامام_الحسين_والامام_العباس_ع_نعي

الامام الحسين ع بعد مصرع اخيه ابا الفضل عليهما السلام جلس بجانبه واحتضنه وهوه يقول.....

عباس ها چــنك نمت*
چا هجي هيه العشره*

تعرف بخيـك لورحت*
يعني انذبح كل عمره*

يحزام اخيـك يالگـمر*
گوم العده متــحضره*

يفياي واحـزام الظـهر*
نارك يخــــي متوجره*

وحسين لو عـنه غبت*
گول انكسر كل ظـهره*

خن گوم خويه للخيم*
زينب بقــــت منتظره*

عباس احچي امروتك*
عباس ارجــــــع وياي*

سكنه تريدك بس تجي*
وتگول منــــريد الماي*

يفياي للخوه وصّـّـدگ*
وين الگه مـثلك وفاي*

هالنومه خويه مو الك*
عباس يا مــــي عيناي*


تمت بحمد الله وتوفيقه: الخادم المقصر ناجي ابو كيان الصالحي ونسألكم الدعاء لي ولوالدي

#قصائد_السيده_زينب_والامام_العباس_ع_نعي

خويه عــوف النهر مو مالت تروح
ادخيلك امـــــــــروتك ترد لًــلعايله

انتـــه خيــــمه للحـــسين وللعيال
خويه يـّـــــا عباس صعـبه المـسأله

ردلي يــفياي الحـرم يبن امي وين
وجهك يصـــًـــحلي بـعّـد وابيا فله

ما نريد الـــماي بس شـوفــك نـريد
ها يمعصب زينب الفـــــرگه عـذاب

خويه ارجـــع خل اشـّــــمنك يـماي
بعدك احلامي صـــّـفن كلهــن تراب

حسين اخيك ظهره مكسور وينوح
الدنيا بخلافك مثل طيف الســراب

تمت بحمد الله وتوفيقه: الخادم المقصر ناجي ابو كيان الصالحي ونسألكم الدعاء لي ولوالدي

#قصائد_الخدمه_والخدام




لا تلومونـي ابچي خــلونـي ناذر اعيــوني للحســـين للغالي
_______*****
عايش حســـين ابضميري ومااعوف حسيني
اعمــــه وحـــسين ابطـــريقه هـــوه المدليني
اعطش وشوفـت حبــــــيبي هـــيه الترويني
ديني ابو السجاد عمــــي وما اعوفن دينـــي
عايش ابـخيره مااحب غيــره نضرته اچبيره ساكـن ابدلالي
_______*****
حسين ابوي وامي هوه واغله من كل ناسي
افتخر كل عـــــمري خادم وابقه رافع راسي
انفاسي بس جو المجالس ماتعيش انفاسـي
لبو اليمه ملك كلهــــــن اصـــبحـن احواسي
مصـدر الهامي سيدي الضـامي نـاذر ايـــامي خدمته تحلالي
_______*****
المهدي والزهره الزچيه المجلس ايحـضرونه
المهدي من دم لبو الاكبر تبچي ويلي اعيونه
المســـتهل لو قــــره الــمله بالدمــــع يقرونه
حاضرين ابكــل عزيــــه المجــلس ايشدونه
حاضره فاطــم هيـــه والقائم هل عـزه دايم اول وللتــــالي
_______*****
يالتساومني اعله دمعي تطلب اسكـت واهم
هذا دمعي موش دمعك شنهي جــاي اساوم
ما اعوف حسين اقـــــسم ربي يـشــهد عالم
رحمة الله حسين شفنه وخلها تحچـي العالم
حبه يجمعـنه ياهو يمنــعنه حسين مرجعنه والي نعم الوالي
_______*****
قبلتي حسين وصــلاتي وهــوه كل دنــــيايه
ما اعـــــــوفه وعهــد يبــــقه دوم هذا اويايه
من زغـــر ســـني بـــــذاني سمــعوني اقرايه
يا لثـــار حســــين كــــبرت ثــــــورة المشايه
امي وصــتني تخدمه يبــني لا تفــــشلني بيك يا هــنيالي
_______*****

تمت بحمدالله وتوفيقه:الخادم المقصر ناجي ابو كيان الصالحي ونسألكم الدعاء لي ولوالدي

#قصائد_الامام_الحسين_عليه_السلام_والخادم



عاشگ واذوب ابمحـــــبوبي عشگه احس يمحي اذنوبي
______*****
عندي يقــــــين ومعــــرفه وحسيني واضح دربه
بس عشگ محبوبي صدگ والباقـي كـــلهم چذبه
محبوبي عنـكم يختــــلف ياهـــو الذي مــــيحبه
عاشگته حتـى اهل السمه مـــــا يــــوم زعـل ربه
عاشگ واذوبن بالحبيب حسيني
______*****
علمني محــبوبي الصــدگ وبحــــبه اتــمم فرضي
ضــوه الدروب المــوحشه محبوبي شمعـه الدربي
سمعوها يا اهــل العشـــگ بــــس لجـنــابه حبـــي
ساكن ابروحي ومهجتــي بيــن النفس متخـــــبي
ميت واحسن هل عشگ يحييني
______*****
يتغازل ابحســنه الـــگمر ماخذ ضوه امن اعيونه
محبوبي مـــــحد يشبهه ملگــــيت اليـــــشبهونه
اطهر عشگ هذا العشـگ مــيـت انـه من دونــــه
تسبيحــة انفاســه ضوه فــــدوه لحلاته ولـــونه
اعطش واحسن هل عشگ يرويني
______*****
بس هّـوه الختاره الگلب بسمه اصبــحت دگاتـّـه
محبوبي حــيرني صدگ اه يـــا جمــاله وذاتًــــه
وين الگه مثـــّـله بالبشر راحــة نفـس نسماتــــه
مرجعي عابـس بالعشگ هذا العــشـگ واثباتــــّه
مـن الطـــــفوله حــــبه امــــغذيني
______*****
عذراً الى اهل العشــــگ لستم مـــــثل محبوبي
حبيــــته سوانـــي ملك وبخـــــيره لابس ثوبي
متروس حــــنيه اشكثر ضـــــــوالي كل ادروبي
من عشگه يا روحي ابد لتفــــــــكرين اتـــــوبي
عـمه وحبيــــبي هـــوه المدلينــي
_____*****

تمت بحمدالله وتوفيقه: الخادم المقصر ناجي ابو كيان الصالحي ونسألكم الدعاء لي ولوالدي

#قصائد_الانصار_نزال_ثگيل



حي الله ازلام الكلفات گالـــو عالذل لا منبات
___*****
صاحــت زينـــب حيهـم ها وكـّلهــم لبو صيـحتهه
عدهم غيره من العباس هــاي الـــحومه وقــادتهه
ازلام حسين وخوش ازلام وياهو اليوصل لحدهه
غيره ومرجــله وبركـــان وياهــو اليگدر يصــدهه
حي الله البيهم فزعات گالـــو عالذل لا منبــــات
___*****
رفــت راية الانـــصار وطلـــعو كلــــــهم فـــــزاعه
اهــــل النايــبه ايهدون وكلمــن غيــــرته امــتاعه
حـي الله الماهزهم ريح وبالـــطف ثبـــت اشراعه
من هدو خسفوها الگاع مال الــــطف هوه وگاعه
هد بيهم وكت الصعبات گالـــــو عالذل لا منبات
___*****
خله يســـولف الــتاريـــخ ولازم ما ينقـــص منهم
لازم الهم وقفــه اجلال الــموقف نفسه ايسولفهم
بالـدم وقـــــعو لـحسين وصـاحو حـيدر مرجـعهم
اهل الغيـــره والـنوماس وعايش عــباس ابدمـهم
ما نخضع صاحو هيهات گـالو عـــالذل لا مـنبات
___*****
حشد حسين وكلهم زود وصاحــــو احـنه العوانه
واحدهم يــــنعد بالاف وگــــام يســـــرفن بردانه
يامـــرنه وما نخلــف راي وبـــــس يأشــر مولانه
نگلب گاع الطف لو راد ونرخـص لـحسين ادمانه
ما مات الخلف مامات گالو عـالـــذل لا منبـات
__*****
مالت كربــله مـّــن الغيــــض وحـي البيهم الهمه
لو هــدو چنهـــــــم زلال وصــارو بالـــحرب قمه
حي الله بأنصار حسين الواحــدهم غــيره ابدمه
واحدهم يمشي اعله النار زلـمــه ومـن ظهر زلمه
الهم بالحــرب وگفــــات گالــــو عالذل لا منبات
__*****
تمت بحمدالله وتوفيقه: الخادم المقصر ناجي ابو كيان الصالحي ونسألكم الدعاء لي ولوالدي

#قصائد_الامام_علي_ع_ولسان_حال_الشيعه




نحمد الله ونشــكره نعمه هاي ومفخــره
حب علي يجري ويه دمنه
رافضيــــــه يبـقـى اسمـنه
_____***

نعمه مـــــن الله الولايه الحـيـدريه
نفتخر حيـــــدر ولـــينه ورافضـيـه
جعفريه احـــنه شيــــــعه جـعـفريه
يا علــــي يبــــــــقه ندانه وللمنــيه
علي حبنـه الاولــي علـي الاول يا علي
يا علــــي تبـــقه ابمهــجنه
رافضيــــــه يبـقـى اسمـنه
_____***

علي عايش بالضـــــماير والمشـاعر
علي اسمه مــن يمر تحيه الضـماير
علــي للــعله دوه وكـــحل النواضر
علي ابكل شده نعم حيدرنه حاضر
علـي يجَـري بالدمه علي رحمه من السمه
بالشدد حـــــيدرنه يمـــــنه
رافضيــــــه يبـقـى اسمـنـه
______***

علي الاول والزمن ما يـنسى شاهد
علي قائدنه يضل بس هـــــوه قائد
علي قــــرآن الهـــــدى نزله الواحـد
علي تسبيحة عـــشگ اسمع يحاقد
علي تسبــيحة وفه علـي اصــل المعرفه
بسمـــــه رفرف يا علمنــــه
رافضيــــــه يبـقـى اسمـنـه
______***

نعمه مـن الله الثبات اعلـه الولايــه
حيـــــدره هـــوه الـبـــدايه والنهايه
ما يهمنه اليعـــترض والينطـي رايه
علي ذكــــره واجـــب وحـبه هدايه
علي بس هوه الوصي افتـــهم يالناصبــــي
هاك اســــــمع يالتــــضدنه
رافضيــــــه يبـقـى اسمـنـه
______***

علي اصل المـــعرفه ذكــــره عباده
قائــد وحـــتماً اله اتلـــوگ القياده
حب علي ما ينتهي يبـقى امتداده
نموت نحيا ابصايته هــــايه اراده
رافضه وهــذا فخــر الما يحب حيدر خسر
من اجـــل حبـــــه انخلقنه
رافضيــــــه يبـقـى اسمـنـه
______***


تمت بحمدالله وتوفيقه: الخادم المقصر ناجي ابو كيان الصالحي ونسألكم الدعاء لي ولوالدي

#قصائد_الامام_الحسين_والامام_العباس_عليهما_السلام



يم الشــــــريعه هيبتي ونوماسي
من حگي انوحن لو يشيب راسي
_____*****
صوب المخيم رجع محـني ظـهـره
ايده اعله خاصرته ويجر بالحسـره
نضرت وداع ابعينه بس يا نــضـره
فاگد اخيه الحــيد راعـي العـَــشره
بدموعه يشرح فگد اخيه القاسـي
_____*****
بدموعــه رد وصـــاح يا عشـــرتنـه
يحزامي خـــــويه هــم ترد خوتــنه
ظهري انــكسر عـــــباس يا رايــتنه
لمتنــه راحــت مــــا تـــرد لمــــتنه
ضاگت يخويه وگوه اجــر انفاسي
_____*****
ضاگت يخـويه الهجر ماخـذ حيلي
رحت وبعــــد ياهـو الذي يتچـيلي
يالتضوي ليلي اشلـون بعدك لـيلي
خويه الشـــماته التــمت وتوميلـي
حيلي رگد هسه وتضعـضع ساسي
____*****
رد ابيض امشيـــب يـعالم راســــه
حگه انذبح عــــباس بدر احسـاسه
يم العقيله گـــــوه جــــــــر انفاسه
يم الشريــــــــعه هيبــته ونوماسه
گلها يزينـــــب عالنــــــــهر عباسي
___*****
گلتله احس ابمشيــــــتك ما يرجع
يسمع كفيلي مـــــن اصـيح يسمع؟
عباس اعرفه من احشــــــــم يفزع
گللها زينب عالشــــــريعه امـــگطع
راح الگــــمر يا زينب وكـــل ناسي
___*****
راح الگمـر والفتشه مـــال اعيوني
لونـي يتغـــير حگــــه زينـب لوني
گبله بســــهم زينب انـه صـــابوني
گطعو چفوفه وانه هــــم گطعوني
راح اليصبـــــحني گبـــل ويماسي
___*****


تمت بحمدالله وتوفيقه: الخادم المقصر ناجي ابو كيان الصالحي ونسألكم الدعاء لي ولوالدي

#قصائد_جاسم_العريس_عليه_السلام



ماكو شــمع لاحـــــــــنه نـــــام ابرغــــد واتهنه
مقســـــوم ماشـــــوفنه عرســــــــك يالــــوليد
___________*****
ماتت احلام امـــك الچانت زهيـــه
رحت مــــن ايــدي يجاسم للمـــنيه
بعد شيفيد البچـــــي مــــــترد اليه
احلام يمه اتفرهدت فوگ الوطـــيه
يالفرهدو كل عمرك كسرو ضلع من امك
تبقالي بـــس الونه والــــــــونه شتفــيد
___________*****
راحت احلام الـــعمر يبنـي وتبــدت
ونبلة افراگك طوت حلمي وتعــدت
دنيا لمك يالوليـــد اشــلون لچمــت
من خذت بدرك ييمه روحـي سلــت
سلتني يبني الحسره وبگلبي تچوي الجمره
گلي اشبــــــعد اتمنه يالرايح ابعــــــــــــيـد
__________*****
يمه يا جاسم بعــــد شـــترجــه گلي
ايست مــــن الرجـــوع ومّــــا تردلي
يا بعد عــــــمر امــك ويا بعد اهلــي
الدنيا عگبك لا تضن يمه صـــحـتلي
حيرني بـعدك دهـــــري ماخذ افــــراگك عمري
ليه الهـــجر يـــــــتعنه گـــــــبل الـــــمــواعيد
_________*****
صفنة اغروب ابخيالي وليلي چلچل
من وكت جسام يبني ليش ترحـَــل؟
ورده روحي ابفرگتـــك يا يمه تذبل
ياهو يمه بغيبتك عن حــــالي يسأل
يا وردة امك ويــــــنك؟ مشتاگه عـيني لعيــنك
نضرت اعيونــــــك جنه يوليــــــــــدي الوحــيد
___________*****
الوالده تعرف گلبها اشـــــگد حنـينه
گلبي بفراگــــــك كثــــر يبني ونينه
يا حلم عمري صدگ رحــت امندينه
صدگ ما تلحگ بـــعد يمــه انسبينه
امك يــــــــجاسم تـندب بعــــــدك ظهرها امحدب
يبني الوكـــت عــــطشنه مــــــــن عــــــدنه شيريد
__________*****
اتفردهن كل ذكرياتي وحـــلم عمري
وامنيات امك مشـــــن جسام تدري
ردتـــك اتنزلنــي يبنـــي انتــه گبري
بس جزه يمه الحلم اه اعـــله صبري
راح الحلـــــــم يـــالغالي مــــذبوح تالي اگــــــبالي
يبنــــــــي الزمن حارمنه چان الحلــــــــــم عيــــد
__________*****

تمت بحمدالله وتوفيقه: الخادم المقصر ناجي ابو كيان الصالحي ونسألكم الدعاء لي ولوالدي

#قصائد_الانصار_عليهم_السلام



ياهلا ياهلا حيو الانصار ياهلا ياهلا حيو الانصار


__________***
يا هلا بأهل الشـــــهامه يا هــــلا بأهل العزم
للحسين اصحـــــــاب فزعــه ونعم والله زلم
سجلو اروع بـطوله يا هلا بأهـــــل الـــّـشيم
ليث واحدهم نشـــوفـه ياهو من سيفه سلم
ذوله الانـــصار النـشامه
دمهم اتحــــــول علامه
يا هلا بأهــــــل الكرامه
ياهلا ياهلا حيو الانصار ياهلا ياهلا حيو الانصار

_________***
زلم لو دگت رجلهـا تگـــلب الحـــــــومه گلب
نار واليگـــــــرب سناهـا ينــچوي بذاك اللهب
ياهلا ابزلم النـوايب غيضـــــــهم والله عجب
واحد يســولف للأخر قبـلـــك الحــومه اطب
منافس وصعدت هممهم
من ابوفاضـــــل عزمهـم
بالحـــــرب شدو حزمهم
ياهلا ياهلا حيو الانصار ياهلا ياهلا حيو الانصار

_________***
عالمراجل يالــتســولف اقـره عنـهم واتعــض
ركضو اعله الموت ركضه وبدو بطـي الارض
حسين گلوله اعله امرك سيدي وصـلو فرض
عرگت اگصصهم شهامه وعـرج للغيَـره نبض
الواحد وسبعـين غيـــره
ذولـه همـــكــتهم چبيره
شيخهـــــم بدر العشيره
ياهلا ياهلا حيو الانصار ياهلا ياهلا حيو الانصار

_______***
واحد وســــبعين گالو تامـر الـــحـره امـــــر
للخيم حــــراس نبقه وياهو بخـــــيمها يـمر
انصار الحسين الغيارى انطـــو لزينب العـمر
فزعو اعله الموت فزعه وشدو الـظهر بظـهر
للخـــيم حــــراس گالو
يا لثار حســــين صاحو
بالطفـــوف الشرف نالو
ياهلا ياهلا حيو الانصار ياهلا ياهلا حيو الانصار

______***
غيره تدفع غيره طلعو واختنگ حتى الهوى
اشوارب الانصار رفت وانگلــب طف نينوى
حشد صــارو للشــفيه وگالو المـــوته سـوى
نورهم ميحجبـه سيف ويا هلا بهذا الضوى
نورهم ما بــين اديهم
شكــــــــر الله سعيهم
قسمو لنــصرت وليهم
ياهلا ياهلا حيو الانصار ياهلا ياهلا حيو الانصار

______***

تمت بحمد الله وتوفيقه:الخادم المقصر ناجي ابو كيان الصالحي ونسألكم الدعاء لي ولوالدي

#مولد_الامام_المهدي_المنتظر_عج




يا شوگنه وليل الهجر *يا ريحة الزهره اشلون؟
نتنطر لجيتك حلم* وابدربك اشتلنه اعـــيون*
يا مهدي اشتاگينه* تدري الهجر سابينه* واتموت الحروف*
ذابت اگلوب احبابك* نتنطر احنه ابابك* تسألنه الطيوف*
ريح الهوه لو جابك* لو جابك*
تفرح اعيون احبابك* احبابك*
يا مهدي * يا مهدي*
_____________``

يالشوفتك تشفي الجرح*يالشوفتك اجمل طيف*
تاكلنه سـاعات البعــد* يذبحـــنه بـــفراگك سيف*
نور الوجود انشوفك* طالت علينه اطيوفك* عذبتنه الاشواگ*
روينه من احساسك* يالماكو مثل انفاسك*كل لحضه نشتاگ*
يمته تمر يا غالي* يا غالي*
يا اول ويا تالي* يا تالي*
يا مهدي*يا مهدي*
____________``

نلتم ابفيك من صدگ* وانــتاني يومك مـــولاي*
يا نجمه وتضوي الصبح* سولنه يالمهــدي افياي*
يالمولدك هل الليله* مر المحب شد حيله*بس شوفه لو يوم*
كل الوجود ايريدك* مولاي فدوه لأيدك* يبن الحســـن گوم*
ماضل صبـر يالغايب* يالغايب*
گلب اليحبك ذايب* ذايب*
يا مهدي*يا مهدي*
_____________``

يا اغلى حتى من الهوه* چايــمــته مولاي اتعود؟
عطشنه يا مهدي الوكت* روينه يالـــجودك جود*
يا جمعه تظهر كافي* كلمة عجل بشفافي*يا جمـــــــعه نلگاك*
ماشفنه بعدك راحه* تشفي الگلب واجراحه* هاك النبض هاك*
يالطولت چاوينك* چاوينك
چايمته تحيي اسنينك* اسنينك*
يا مهدي*يا مهدي*
______________``

خادم الامام المهدي عج: ناجي ابو كيان الصالحي ونسألكم الدعاء لي ولوالدي

#قصائد_مسلم_والسيده_حميده_عليهما_السلام
**



اشلـــونه اليــــفارگله ابو گلولي اشلــــونه
بعيونه ينشاف الفگــــــد اي والله بعــيونه
بعيونه تلگــــــون" كل عمـره مدفون"
بعيونه ينشــــــاف الفگد اي والله بعيــونه
_______***
حميده* مسلــــم تانتنه ابدمعة حزنهه
حميده* عاشــــت غـربتـه وازداد ونهه
حميده* مكــسورة جنـح بغـــيـابه چنهه
عاشت حميــــده تنتظر بلــــكت اله رجـعه
منيتها يوصلها خبر عن مســــــلم اتسـمعه
سلوتها بغيابه البجي والحــــسره والدمـعه
حسبالها باقــي عــــــــدل واتريد اله فزعه
تنتظره ماكـــف الدمع واتراقــب الغـالي
وتگله بويه امروتــك بس عاين لحــالي
ذبلانه العيــــون " كل عــمره مدفون"
بعيونه ينشاف الفگد اي والله بعـيــونه
_______***
تنــــادي* هم ترجــــع الي يابويه وافرح
تنّــــادي* تذبح فرگـــــتك يالغالي تـذبح
تنــــادي* يا حاله الك يا مـــــسلم اشـرح
سابيني يا بويه الدمـع واعـــــيوني ذبلانه
ششرح شـسولف يالابو يالغالــي حـيـــرانه
ترجعــــــلي لو بــويه بعد ميــفيد الامـتانه
مفتوح گلبي بـــس ترد ومشــــــرعه بيبانه
ما عودتني اعله الجفه ياسلـوة اعـــيوني
يابو حميده ابنيــــــتك ترضه يـطـــگوني
توجعني الامــــتون" كل عمره مدفون"
بعيونه ينشاف الفگد اي والله بـــــــعيونه
_______***
غريبـــــه* بالطـــف ضـلت ومـيت حلمهه
غريبـــــه* تنـــحب باليسر يكـــــتل المهه
غريبـــــه* نفس ام الخـدر اصــبح اسمهه
مسبيه وي ام الخـــــدر يا شــام الـمـصايب
ليل الخرابه اشگد صعب بس ضلت اتراقب
ذايب گلبها مـــن الهجر فوگ العطـش ذايب
يجري دمعها اعله الابو ما يـسكت وساچـب
مشتاگه لحــضان الولي يا حـيرة الــحيره
عن مســــلم ادور خبـــــر من ديره الديره
هل يا ترى يكـون؟" كل عمــره مدفون"
بــــــعيونه ينشاف الفگد اي والله بــــعيونه

__________***
وطنـــهه* مسـلم چان ابوها ورحل عنهه
وطنـــهه* سابيها الدمـــــــــع والاه فـنـهه
وطنـــهه* طفـــو شمــــعته وادمه جفنهه
تبچيله بحزان ودمع وتگــــــــــله هم ترجع؟
حشمتــك وبلكــــًــت الي يابويه لو تـســمع
اتلاشه ليل ابغــــــــيبتك واحشــاي تتگـطع
يا ليلي مايخلـص بچي ما يســـكت الـمدمع
محتاره بويه عمتَــــي يا عمــــــتي زينـب
حارس علينه للصبـــح شفت المـتن حـدب
حًــارس للضعون " كل عمره مدفون"
بعيونه ينشــاف الفگد اي والله بـــــعيونه
_________***

حـــزنهه* ما يــــخـلـص ابد تشبه رقيـه
حـــزنهه* لن اثنـــينهن فــــــگدن سـويه
حـــزنهه* سابيها سبــــــي وهيـــه سبيه
اثنيناتهن فگـــــدن ابو واتخــــــــيل الحاله
ليلتهن اتخلـــــص نعي والحســـره چــــتاله
مسلم اويلي امن الســــطح مذبـوحه آمـاله
وحسين ميت بالسحگ ومگـــــطعه اوصاله
وياهن الزهره احضـرت تنعى مصـيبتهن
ساعه تنوح وتنتــــحب ساعه تســـكتهن
والفاگد اشـــلون؟ " كل عمره مدفون"
بعيونه ينشاف الفـگد اي والله بعــــيونه
________***

تمت بحمدالله وتوفيقه: الخادم المقصر ناجي ابو كيان الصالحي ونسألكم الدعاء لي ولوالدي

#قصائد_الامام_المهدي_عجل_الله_فرجه_نزال_شور_ثگيل

*


يا مهـــدي يا مهـــدي يالغايب يا مهـــدي
__________________*****

الك چم ندبنه قرينه* غيبتك طالت علينه* كل گلب زايد حنينه
يا امير الدنيا وينك؟ *لمنه يالمهدي بحنينك* فدوه مولاي لسنينك
نعلگ لملگاك شمعه * بلكت انشوفك الجمعه* يالغبت مولاي فزعه
ثوبينه ادموع بسمك*يمته ونحس احنه يمك* ياجرح حيل اليألمك
اكثر جـــرح عماتك مــو بالرضـا وعالناگه
الله لعـــين اگلــــيبك يا سيـدي واشواگه
__________________*****

عجل الطلعه يغايب* تدري بالدلال ذايب* شـفنه انواع المصايب
يا دليل الحاير انته*چن غيابك طال وكته*خادمــك تكتل غربته
فسر ابوجهه المعاني* ذايب ابليل الاماني* لشــوكت يبقه يتاني؟
يحسب لجيتك سنينه* عالدرب معقوده عينه* انتــه تتخيل حنينه
للجيه ناذرله اعيون شاتلهن بكل خـطوه
يالماكو مثلك بالناس مربينه يابو النخوه
_______________*****

هل گلب اصبح اسيرك*يمته نشتم من عبيرك*يا ابونه ونستشيرك
يا وطن ينبع محنه*سيدي تعـرف وضــــــعنه*للـــفرج كلنه نتمنه
ما اجت مـنك علامه* ناس بس همه الملامه*والله بفراگك يتامه
يا حنين وماكو مثلك* طولــت مـولاي چنك* كلشي يسأل گام عنك
حتى الورود ال بالگاع يالمهدي گامت تسأل؟
وين الامام الموعــــــود غايبنـه يمــكن طول
_________________*****

جمعه مرت بس ثگيله* غيبتك صارت طويله*تعرف العاشگ يليله
حاير ودمعه اعله خده* بس دمع چاشنهي عنده*يالغيابك طال حده
يالهواك انته قضيــــه*سـيدي ابــضلع الزچيه*هم ترد ونشوف جيه؟
نذر فــدوه ولتـــرابك*ســيدي طـول غـيابك*يمته يتشرف عتابك
بالجمعه ننطر ملگاك يا ســـيدي بكل جمعه
نبچي ابحنين العـــشاگ ثوبنه بسمك دمعه
________________*****

شابح لجيتك نضرنه*ذبل ابهجـــرك عمرنه*شـــوفتك هيه حلمنه
يا امير اشوكت تظهر* بينه حتى الدمع يعثر*صوت بينه عالي كبر
يالغبت عـن النواضر* احسينك اتسحگه الحوافر*ندري بيك اويانه حاضر
تحضر انته بالمجالس*كل عزيه بيها جالس*تبچي وياك النوارس
يالحزنك ايطول اهواي لحســينك الضل عاري
مشتاگه كل هاي الناس شـــــوگ الورد للجاري
___________________*****


تمت بحمدالله وتوفيقه:الخادم المقصر ناجي ابو كيان الصالحي ونسألكم الدعاء لي ولوالدي

#قصائد_الامام_الحسين_ع_والامام_العباس_شور

_____________________***


شيسوي الافراگ*للماله خوان*بخدوده نيشان*وابدمعه عنوان*
تتفايض اجروحه * وادموعه مفضوحه*وبگلبه تسعر ناره*
يبقه الحزن فـــنه* مــــا يبتـــعد عنــه* وبگلبه تسعر ناره*
هجي الحسين ابلايه عباس*رد ابدمعّــته مهبط الراس*بالگوه ضل ايجر الانفاس*شيسوي الافراگ " شيسوي الافراگ "
_____________________***

شيسوي الافراگ*واتخيل حسين* وسط الميادين*ماعنده امعين*
ضل لازم اصفاحه* واتخيل انياحه*راحت ليالي الگمره*
بيه الحزن غيمه* يا گلبه وضيمه* راحت ليالي الگمره*
بالگوه يمشي وحسرته اطول* لازم اصفاحه وحاله مذهول*موقف تشيب منه العقول*شيسوي الافراگ "شيسوي الافراگ"
___________________***

شيسوي الافراگ* بالشده لوطاح*يلزم بالاصفاح* مكسور الاجناح*
عازه الاخو عازه* بالشده يحتـاجه*بالشـده ياهو ينصره*
واتخيل المنظر* من هجمت العسكر* بالشده ياهو ينصره*
ضل الحسين ابولية الگوم*يم الحنين ارويحته اتحوم*ماعنده حيل ايطيح ويگوم* شيسوي الافراگ"شيسوي الافراگ "
___________________***

شيسوي الافراگ*ياكل بالاعضام*وايعض بالابهام*ياثگل الايام*
يا حسرته وليله*ياهو اليتچيله* تصبح سراب ايامه*
ناره تضل تلهب* طول الزمن ينحب* تصبح سراب ايامه*
فاگد اخيه وبان الافراگ*تعرف مشيته الحيل مشتاگ*عباس اخيه ومنه انباگ*شيسوي الافراگ "شيسوي الافراگ"
___________________***

شيسوي الافراگ*لو حاطته اذياب*خل يحسب احساب*بفراگه لوغاب*
حتى الهوه يخنگه* يتشـتاگ للملگه*يا حسرته الما تخلص*
رد للخيم حـاير*بجروحه ويكابر* يا حسرته الما تخلص*
هجي الحسين الماشرب ماي* رد للمخـيم فاگــد الراي*چنه يصيح انكسر مگفاي*شيسوي الافراگ "شيسوي الافراگ"
_________________***


تمت بحمدالله وتوفيقه:الخادم المقصر ناجي ابو كيان الصالحي ونسألكم الدعاء لي ولوالدي

#قصائد_ام_البنين_ع_والامام_العباس_عليهما_السلام




يبني الگمر لا تـــعتذر لو حشــمت ام الـخدر

**

امك واعرفك ماحاجه احشمك للنخوه تفزع غيره رضعتك
بس يمه اذكرك بالعقيله الحره
راسي اريد اترفــعه يم الزهره
لو حشمت اركب ييمه الشگره
للحره يبني خل ترف الخـضره
ابني الشهم عنــدي علم لو حشــمت ام الـخدر

______***

زينـب امــانه ها يارجـــانه يا يمـــه باچر بيــــدك لـــوانه
يمــه العــقيله بالنفـس حاميهه
انته الـّـــكافله يالـــگمر راعيهه
لوعطشت بماي النضر تسگـيهه
زينب امانه يبنــــــي واتباريهه
باچـــر اذا صـار القــضا لو حشـــمت ام الـخدر

______***

زينب امَـيره لتمرها حـيره كافل خــدرها شيــخ العشـيره
بالنخوه اعرفَـك يالولد متقصر
گد الكفاله انته گــــدها وتگدر
ربيتك وكل يوم اشوفك تـكبر
حامي العقيله بالنفس ياقسور
من الصـــغر وانه انتـــظر لو حشمت ام الـخدر

_______***

اسمع كلامـي انته المحَامي حــارس خيمها لو حتـــى دامي
شد رايتك والحّــره لا تنساهه
يبن الصميده غّـيرتك محلاهه
من الزغـر ناذرتك انـته اوياهه
لليسره اريدك يبنـــي ويمناهه
اذبح صبـّـح لا تنجـــرح لو حشمت ام الـخدر

_______***

يبني يغـــالي سهـر الليـالي هاي الامـــانه ريحــــــلي بالي
لو قصــرت يوليدي لامـاعذرك
ضوي المخيم يالگمر من بدرك
من الزغر يوليدي وانه انتظرك
لا تعتذر يالغالي ارخص عمرك
اعرف كـــفو نعـــم الاخو لو حشمت ام الـخدر

_______***


تمت بحمد الله وتوفيقه: الخادم المقصر ناجي ابو كيان الصالحي ونسألكم الدعاء لي ولوالدي

#مولد_علي_الاكبر_عليه_السلام
______**

مولد امامي* شوگي وغرامي*ميلاد الاكبر* ابعث سلامي*
اجمل ولاده الليله* صوت الفرح يدعيله*حي الله الاكبر
هام الگلب واشواگه * عيد وشمع نتلاگه* حي الله الاكبر
خلونه نعلگ شمعات* وتضوي بسمه النجمات*سمعونه بسمه الهوسات*ميلاد الاكبر*ميلاد الاكبر
_____*****

اجمل ولاده* گلبي ابوداده*فرحه چبيره* اجـمل سعاده*
عوفي الحزن ياروحي* هالليله سافر نوحي* حي الله الاكبر*
شع الگمر وانواره* بيه السمه محتاره* حي الله الاكبر*
مولد شبيه المختار* بيه العقل حتماً حار* نور وتشع منه انوار*ميلاد الاكبر* ميلاد الاكبر*
_____*****

گلبي وهيامه* زايد غرامه* من حگه يفرح* مولد امامه*
حگه الگلب يـتباها*مــولد شبيهه الطه* حي الله الاكبر*
روح ال حسين الغالي* هنيالي يا هنيالي* حي الله الاكبر*
مو حگه گلبي فرحان* ويغرد بأحلى اللحان* صار الفرح ييه عنوان* ميلاد الاكبر*ميلاد الاكبر*
_____*****

يا بيت اعيده* بهاي القصيده* واگليبي ينبض* ردد نشيده*
شكتب حرت ياعالم؟* گلبي ابحنــينه هايم* حي الله الاكبر*
حي الله الاكبر زوده* خـضر ورد بخدوده* حي الله الاكبر*
بالفرحه لازم يا ناس* ننثر ورد ننثر ياس* ونعلي للفوگ الراس*ميلاد الاكبر*ميلاد الاكبر
____*****

اقبل علينه* شمس المدينه* يا فرحه بسمه* اتزيل الضغينه*
هل الليله يا محلاها* كلمة عشگ نقراها* حي الله الاكبر*
نورنه روح احسينه* شع الفرح هل لينه* حي الله الاكبر*
نور الدنيا الميلاد* محروس من الحساد* تخسه النواصب واعناد* ميلاد الاكبر*ميلاد الاكبر*
____*****


خادم علي الاكبر ع: ناجي ابو كيان الصالحي ونسألكم الدعاء لي ولوالدي

#قصائد_علي_الاكبر_عليه_السلام



علي الاكبر نزل وسط الحومه عــلي الاكبر هلا يرهــب يومه
اشبه الناس ابرســول الله دخيله
اشبه الناس ابرســول الله دخيله

_____*****

نور الدنـــيا ابطلـعته ووجـهه النوراني
گلها گالت رد محمد للحـرب مــن ثاني
گمر نوره الگاع طرهه ولحـــسن رباني
عسكر ابن ازياد مال وبده حيل يعاني
علي الاكبر لا محــــمد عـينه عـلي الاكـبر هلا ابطگت ايمينه
هذا ابو السطره والحجايه الثكيله
اشبه الــناس ابرســول الله دخيله

_____*****

نازل ابزوده يتـــبختر والزلم مــحتاره
رد ابو القاسم عليهـم هـيه هاي انواره
بس خزرته هايه تكـفـي يا هلا بخباره
ادخيل الاكبر ياحلاته ياعّـظيم الشاره
علي الاكـبر هلا بروح احسينه علـــي الاكـــبر يا ثـــگل چفينه
ينوصف؟ ما ينوصف قـصه طويله
اشبه الناس ابرســــول الله دخيله

______*****

يشبه المخـتار جــده هلا بهــــاي الهيبه
لوزعل چنه ابوفاضل شكو حگ ايجيبه
ماخذ من اطباع عمه حتى ذيج الطيبه
لو زعل بركان چنــه تــچف وكت النيبه
علي الاكــبر قائد اعلـه القــاده علــي الاكــبر يا حلات اعنــاده
هلا بريحة فاطمه وگلــب العقيـله
اشبه النــاس ابرسول الله دخـيـله

______*****

خزرت اعيونه قضيــَّّـّه والّـدرع واللامه
ياهو يم سيفه يتگرب من يشد احزامه
هاشمي تكتل سطرته من يطگ عالهامه
ياعلي كل سطره يسطر علي هاي ايامه
علي الاكبر علي ابنص وجدانه علّّـي الاكًبر بيه شمًّس حيرانه
هاشمي وعــلوّي زيّــــــــنب دليله
اشبـه الناس ابرســول الله دخيلـه

_____*****

ياعلي احتارو ابوصفك ضيعت منواهم
گامو ايدورون شــــرده ضـيعو ممشاهم
منين ماشردو تجيهم علي حيل اوياهم
زيد ضـــرباتك عـــليهم ابد لا لتــــسالم
علي الاكبر حيل زيد اعــليهم علــي الاكبر سيــفك امبچيهم
حسين اريد ابصولتك يـبرد غليله
اشبه الناس ابرســـول الله دخيله

____*****


تمت بحمدالله وتوفيقه: الخادم المقصر ناجي ابو كيان الصالحي ونسألكم الدعاء لي ولوالدي

#قصائد_الانصار_عليهم_السلام





انصــار الحســـــــيـن بالـــطــف سلاطـــين
گـــــول وفعل شـوف وســــــــط المـيـادين

______***
حي الله ابو الاكبر يحي ارجاله
سبعين اله خــــــياله من خياله
ما عافو حســـين الشفيه بحاله
زلــــم الوغـــــه ما تنهزم عياله
ازلام اله خوش ازلام
ماخلو حـسين انظام
صاحوله تامــر خدام
تامـرنــــه مــــــــــولاي ما نخــــــــــلف الـراي
گول وفــــــــعل شوف وســـــــــط الميـادين

______***

انصاره والغيـره جرت بدماهم
حــــي الله زلمه النايبه حياهم
گالوله عد عينك علي بيمناهم
شدو حزمــهم والفـخر ناداهم
واحدهم ايطيح اجبال
زلال لــــــو هـــد زلال
انصار الحسـين ابطال
ميــهمهم المـــــــــــوت لــبــــــوله هل صــوت
گول وفعــــــــل شوف وســـــــــــط الميـادين

__________***
حشمهم حسين وگبـل ليحـشم
يعرفهم اهـــل النايـبه يعـرفهم
گلوله زينـــب ســـيدي لا تهتم
بدمانه وقعــنه وفداكم هل دم
تامرنه بنـــــت الكرار
خدامـك ازغــار اكبار
بالك ابد لا يـــــحتار
ما تغلــــــــــــه الارواح صــــوت الوفـــه صاح
گول وفــــــــعل شوف وســــط المــــــيـادين

_________***
كلهم مراجـــل والوفــــه منبعهم
عباس ابوالشيمه الگمر مرجعـهم
ازلامه وحــسين السبط قائدهـم
عباس چـــــان البالوفـه معلمهم
بيهم وفه مــن عــباس
كلهم لزينب حـــــراس
خدر الله لا ما ينـجاس
لا تهتــــم ام عــــــــون والباقــــي مضــــــــمون
گول وفعـــــــــل شوف وسـّـــــــط المــــــيـادين

________***
رايــة محــمد بالحـرب عـلــوهه
انصاره والغيـره حــــرز شالوهه
ما تنظمي بنـــــت الولي گالوهه
بنت الصمـيده بهل امـر سروهه
من گالو انـمـوت ابزود
يا زيـنب اوياج اعـهود
للخيمه احنـه العامــود
لا زيـــــنب اتـــــــــحير يمــــــنه التـــــــــــدابير
گول وفــــــــعل شــوف وســــــــط المـــــيـادين

______****

تمت بحمدالله وتوفيقه: الخادم المقصر ناجي ابو كيان الصالحي ونسألكم الدعاء لي ولوالدي

#قصائد_الامام_سيد_علي_الحسيني_السيستاني_الله_يحفظه





انصارك ونطلب امر تنطينه يا سايد العايل نطب ابعينه


________*****

يا ســــيد السسـتاني احنه ابأمرك
هد بــــينه هايه ازلامك التنتّـظرك
لا تلتفت زلـــــمك تســنده الظهرك
حشدك فدائك سيـدي واسنـينه
________*****

فتوة جــــهاد انصيحلك عد عينك
يا سيـــد الــــفتوه الزلـــم بيمينك
للشـيبه فدوه سيــــــدي واسنينك
لجل الصعاب ازلامك وهد بـينه

________*****

بينه الـــعزم مـــن الگـــمر وازنوده
زلم الحـشد يا سـيـــــدي موجوده
هذا الوطن محروسه بيك احدوده
يا بونـــه انـته وفتـــوتك لبينه

_________*****

ثوريـّـه هـــايه الفتــــوه اي ثوريه
مـــن الكفــــيـــل ازلامـــنه حربيه
نگلـــــــبها والله حـــــرك الخاچيه
داعش سحگنه وبعد وينه وينه

__________*****

يا سيــــد السســتاني بـس تامرنه
بدمّـــــانه يابو مــــحمد اي وقعنه
مــــــن غـــيرة العباس هد منبعنه
واحدنه عابــس جنناه حسينه

__________*****

واحدنه شايل غـــــيره من عباسه
رغم النواصـب ما تضعضع سـاسه
نار وحمــيه تطـــلع مــــن انـفاسه
يا ناصبي يبقه وعلـي امـربينه

__________*****

فتوت جهـادك تبــــــقه ثورة غيره
لولا جـــهودك چا بقـــــينه ابحيره
يا عالم وحـــبك صــــــعب تغييره
سيد علي قائدنه واحنه انعينه

___________*****
تمت بحمدالله وتوفيقه: الخادم المقصر ناجي ابو كيان الصالحي ونسألكم الدعاء لي ولوالدي