Наманган вилояти соғлиқни сақлаш бошқармаси Ахборот хизмати хабар қилади:
ОҚИБАТДАН САБОҚ ЧИҚАРИБ, ЭҲТИЁТКОРЛИКНИ КУЧАЙТИРАЙЛИК
Бутун дунё аҳлини ташвишга солаётган коронавирус инфекциясига қарши кураш чоралари кучайтирилаётган ҳозирги кунда нима учун касалликка дучор бўлганлар сони шу қадар тез ортиб боряпти, деган савол туғилиши табиий. Бунга коронавирусни четдан кириб келишидан кўра, эътиборсизлик, лоқайдлик, тегишли тартибларни менсимаслик каби салбий ҳолатлар шароит туғдираётганлиги ҳақида ўйлаб кўрганмисиз? Афсуски, кимлардир коронавирусни юқтириб, юртимизга олиб келди. Энди бўлса ундан асраниш, тарқалишига йўл қўймаслик ўрнига, яқинларини, маҳаллада яшовчиларни, қариндош-уруғларни, қўйинки бутун вилоят аҳлини хатарга қўйяпти.
Туркия давлати орқали Умра сафарига саёҳатчи сифатида бориб келган Н.М. ва унинг турмуш ўртоғи А.С.лар Наманганга қайтгач, уйга меҳмон чақириб, эҳсон қилишади. Биласизми, ҳозир ана шу оилавий тадбир қатнашчиларидан 23 нафарида коронавирус инфекцияси аниқланиб, вилоят юқумли касалликлар шифохонасига даволаниш учун ётқизилган. Улардан бир нафари сурункали юрак касаллиги билан вафот этди. Энг ачинарлиси, касалликка чалинганлар орасида икки ойлик чақалоқ ҳам бор.
Шу тадбирда иштирок этган қўшнисининг икки нафар фарзанди ҳам вирусни юқтириб олади. Улар 19 март куни Наманган шаҳридаги “Мусаффо” тантаналар мажмуида ўтказилган тўйда куёв жўра сифатида қатнашишади. Натижада тўйга келган меҳмонлар ва тўй эгаларидан 13 нафарига вирус юқишига сабабчи бўлишади.
Юқтириш ҳалқаси катталашиб бораверади. Бу хавфга тиббиёт ходимлари ҳам дучор бўлишади. Ачинарлиси, тез орада ҳудуд патронаж ҳамшираси ва у билан бир бинода ишлайдиган врач, даволаш жисмоний тарбияси билан шуғулланадиган ҳамширада ҳам вирус қайд этилади.
Ҳозирги кунга келиб вилоятдаги 40 нафар коронавирус билан зарарланганларнинг аксарияти шу инфекция тарқатувчиларига боғлиқ бўлиб чиқмоқда.
Туркияга бориб, савдогарлик билан шуғулланиб келадиган аёллар ҳам аксарият ҳолларда ташувчиси сифатида вилоятимизга касалликни кириб келишига сабабчи бўлмоқда.
Одамларга коронавирусдан сақланиш бўйича амалга оширилаётган тарғибот ишлари ҳам кор қилмаётганга ўхшайди. Яна бир эътиборли жиҳат-касалланганлар қайд этилганлиги боис шифокорлар суриштирув олиб боришаётганда бемор билан мулоқотга киришган шахслар ўз яқинларини баъзан рўйхатдан яширишга уринишмоқда. Бир мисол: яқинда гумонланиб ўрганилган киши коронавирусга учраган қариндошини кўргани ўзи ва онаси билан борганлигини айтади. Оила аъзоларини эса Оромгоҳдаги хонадонлардан бирига яшириб қўйяди. Ваҳоланки, она ва болада коронавирус инфекцияси аниқланди. Яқин қариндошларга бу касаллик юқмаган, деб ҳеч ким кафолат бера олмайди.
Бу ҳатти-ҳаракатлар халқимиз соғлом ҳаётини ўйлаб, давлатимиз томонидан коронавирусга қарши амалга оширалаётган изчил чораларга зид эмасми? Элимиз, халқимизга қилинган ҳиёнат эмасми?. Чунки, айрим кишиларнинг бетартиб ҳаракати, эҳтиётсизлиги оқибатида қанчадан қанча одамлар гумонланиб карантин кузатувларига жалб қилинмоқда. Улар сони эса кун сайин ортиб боряпти.
Азиз ҳамюртлар! Коронавирусдек ёвуз бало кундан-кунга дунё аҳли ҳаётига тажоввуз қилмоқда. Унинг хавфи шундаки, ҳеч қачон кўзимизга кўринмайди. Ҳавода урчиб юрибди. Биз ҳеч қачон кўзга кўринмас ёвга билиб-билмай ўлжа бўлиб қолмайлик. Уни орамиздан йўқотиш учун биргалашиб ҳаракат қилайлик. Бугун “биргалашиб” сўзининг маъно-моҳияти бутунлай ўзгарган. Одатдагидек, тўпланиб эмас, алоҳида-алоҳида яшаб, меҳр-оқибат муносабатларини фақат Интернет орқали, мобил алоқа воситалари орқали амалга оширсак кутилган натижага эришамиз.
ОҚИБАТДАН САБОҚ ЧИҚАРИБ, ЭҲТИЁТКОРЛИКНИ КУЧАЙТИРАЙЛИК
Бутун дунё аҳлини ташвишга солаётган коронавирус инфекциясига қарши кураш чоралари кучайтирилаётган ҳозирги кунда нима учун касалликка дучор бўлганлар сони шу қадар тез ортиб боряпти, деган савол туғилиши табиий. Бунга коронавирусни четдан кириб келишидан кўра, эътиборсизлик, лоқайдлик, тегишли тартибларни менсимаслик каби салбий ҳолатлар шароит туғдираётганлиги ҳақида ўйлаб кўрганмисиз? Афсуски, кимлардир коронавирусни юқтириб, юртимизга олиб келди. Энди бўлса ундан асраниш, тарқалишига йўл қўймаслик ўрнига, яқинларини, маҳаллада яшовчиларни, қариндош-уруғларни, қўйинки бутун вилоят аҳлини хатарга қўйяпти.
Туркия давлати орқали Умра сафарига саёҳатчи сифатида бориб келган Н.М. ва унинг турмуш ўртоғи А.С.лар Наманганга қайтгач, уйга меҳмон чақириб, эҳсон қилишади. Биласизми, ҳозир ана шу оилавий тадбир қатнашчиларидан 23 нафарида коронавирус инфекцияси аниқланиб, вилоят юқумли касалликлар шифохонасига даволаниш учун ётқизилган. Улардан бир нафари сурункали юрак касаллиги билан вафот этди. Энг ачинарлиси, касалликка чалинганлар орасида икки ойлик чақалоқ ҳам бор.
Шу тадбирда иштирок этган қўшнисининг икки нафар фарзанди ҳам вирусни юқтириб олади. Улар 19 март куни Наманган шаҳридаги “Мусаффо” тантаналар мажмуида ўтказилган тўйда куёв жўра сифатида қатнашишади. Натижада тўйга келган меҳмонлар ва тўй эгаларидан 13 нафарига вирус юқишига сабабчи бўлишади.
Юқтириш ҳалқаси катталашиб бораверади. Бу хавфга тиббиёт ходимлари ҳам дучор бўлишади. Ачинарлиси, тез орада ҳудуд патронаж ҳамшираси ва у билан бир бинода ишлайдиган врач, даволаш жисмоний тарбияси билан шуғулланадиган ҳамширада ҳам вирус қайд этилади.
Ҳозирги кунга келиб вилоятдаги 40 нафар коронавирус билан зарарланганларнинг аксарияти шу инфекция тарқатувчиларига боғлиқ бўлиб чиқмоқда.
Туркияга бориб, савдогарлик билан шуғулланиб келадиган аёллар ҳам аксарият ҳолларда ташувчиси сифатида вилоятимизга касалликни кириб келишига сабабчи бўлмоқда.
Одамларга коронавирусдан сақланиш бўйича амалга оширилаётган тарғибот ишлари ҳам кор қилмаётганга ўхшайди. Яна бир эътиборли жиҳат-касалланганлар қайд этилганлиги боис шифокорлар суриштирув олиб боришаётганда бемор билан мулоқотга киришган шахслар ўз яқинларини баъзан рўйхатдан яширишга уринишмоқда. Бир мисол: яқинда гумонланиб ўрганилган киши коронавирусга учраган қариндошини кўргани ўзи ва онаси билан борганлигини айтади. Оила аъзоларини эса Оромгоҳдаги хонадонлардан бирига яшириб қўйяди. Ваҳоланки, она ва болада коронавирус инфекцияси аниқланди. Яқин қариндошларга бу касаллик юқмаган, деб ҳеч ким кафолат бера олмайди.
Бу ҳатти-ҳаракатлар халқимиз соғлом ҳаётини ўйлаб, давлатимиз томонидан коронавирусга қарши амалга оширалаётган изчил чораларга зид эмасми? Элимиз, халқимизга қилинган ҳиёнат эмасми?. Чунки, айрим кишиларнинг бетартиб ҳаракати, эҳтиётсизлиги оқибатида қанчадан қанча одамлар гумонланиб карантин кузатувларига жалб қилинмоқда. Улар сони эса кун сайин ортиб боряпти.
Азиз ҳамюртлар! Коронавирусдек ёвуз бало кундан-кунга дунё аҳли ҳаётига тажоввуз қилмоқда. Унинг хавфи шундаки, ҳеч қачон кўзимизга кўринмайди. Ҳавода урчиб юрибди. Биз ҳеч қачон кўзга кўринмас ёвга билиб-билмай ўлжа бўлиб қолмайлик. Уни орамиздан йўқотиш учун биргалашиб ҳаракат қилайлик. Бугун “биргалашиб” сўзининг маъно-моҳияти бутунлай ўзгарган. Одатдагидек, тўпланиб эмас, алоҳида-алоҳида яшаб, меҳр-оқибат муносабатларини фақат Интернет орқали, мобил алоқа воситалари орқали амалга оширсак кутилган натижага эришамиз.