Наманган вилояти прокурори У.Мадрахимов томонидан
Учқўрғон тумани ҳокимлигида Марказий банк вилоят бошқармаси бошлиғи, туман ҳокимининг биринчи ўринбосари, секторлар раҳбарлари, вилоят, туман тижорат банклари раҳбарлари, банк мижозлари ҳамда маҳаллалардаги ҳоким ёрдамчилари иштирокида тадбиркорлар билан учрашув ўтказилди.
Мулоқот давомида тадбиркорликни янада ривожлантириш бўйича кўрсатилиши лозим бўлган ҳуқуқий ва амалий ёрдамлар, тадбиркорларга банк имтиёзларидан унумли фойдаланиш, иқтисодий барқарорликка эришишда тадбиркорлик фаолиятини ривожлантириш учун ажратилаётган банк кредитлари, уларни ундириш ва улар ҳисобига амалга оширилаётган бизнес лойиҳаларини қўллаб-қувватлаш масалалари муҳокама қилинди.
Шунингдек, тадбиркорларнинг банк хизмати билан боғлиқ таклиф ва мурожаатлари тингланди ҳамда банк раҳбарларига муаммоли кредитларни ундириш юзасидан топшириқ берилди.
🌐 Бош прокуратуранинг ижтимоий тармоқлардаги саҳифаларига аъзо бўлинг!
Telegram | Instagram | @user-vs9yb6uq6e' rel='nofollow'>YouTube
| Veb-sayt