Noqonuniy daraxt kesish javobgarlikka sabab bo‘ladiNamangan tuman Ekologiya bo‘limi inspektorlari, IIB hamda Milliy gvardiya xodimlari bilan hamkorlikda joriy yilning 2 mart kuni O‘lmas MFY hududida profilaktik qo‘shma reyd o‘tkazib, fuqaro B.M tomonidan 100 yoshdan kam bo‘lgan 4 tup qimmatbaho sadaqayrag‘och daraxtlarini kesib yuborib, o‘simlik dunyosiga 326 mln so‘mdan ziyod zarar yetkazganligi aniqlangan edi.
Fuqaro B.Mning harakatlarida jinoyat alomatlari borligi sababli, ish hujjatlariga huquqiy baho berish uchun tuman prokuraturasiga yuborilgan.
Tuman prokuraturasi tomonidan
B.M.ga oid ish hujjatlari o‘rganilib, unga nisbatan Jinoyat kodeksining 198-moddasining 2-qismi bilan jinoyat ishi qo‘zg‘atilgan va jinoyat ishini mazmunan ko‘rib chiqish uchun Jinoyat ishlari bo‘yicha Namangan tuman sudiga yuborilgan.
Ushbu jinoyat ishi tuman sudi tomonidan sayyor sud majlisida ko‘rilib,
B.M.ni Jinoyat kodeksining 198-moddasi 2-qismi bilan aybli deb topib, unga nisbatan 2 yil muddatga ozodlikni cheklash jazosi tayinlandi hamda undan Namangan viloyat Ekologiya boshqarmasi foydasiga o‘simlik dunyosiga yetkazilgan 326.850.000 so‘m zararni undirish belgilandi.
Namangan viloyati Ekologiya boshqarmasi matbuot xizmati
📲
Murojaatlar uchun @eko_nam_bot🌴
Bizni kuzating ⤵️
https://t.me/eko_xabarla
