Тадбиркорликка ҳеч қандай тўсиқ қолмаслиги керак
Наманган шаҳар ҳокимлигининг катта мажлислар залида тадбиркорликни қўллаб-қувватлаш орқали аҳоли бандлигини таъминлаш ва даромадли меҳнатга жалб қилиш мақсадида учрашув ташкилланди. Унда АТ "Алоқабанк" бошқаруви раиси Каммуна Ирисбекова ҳамда Наманган шаҳар ҳокими Анваржон Отаходжаев иштирок этдилар.
Учрашув аввалида банк ходимлари томонидан мижозлар билан ишлаш тартиби, 12 турдаги кредитлар ҳамда мижозларга банк томонидан белгиланган имтиёзлар бўйича тақдимоти бўлиб ўтди. Сўнгра фуқаролар ва банк мижозларининг оилавий тадбиркорликни йўлга қўйиш, ўзини ўзи банд қилиш ва мавжуд лойиҳаларини кенгайтириш юзасидан масалалар тингланди.
Президентимиз айтганларидек,
Бу йил иқтисодиётимизда ҳаётий уйғониш ва юксалиш йили бўлади. Айнан шу мақсад сари одимларда тадбиркорликни ривожлантиришнинг ўрни алоҳида ва унга ҳеч қандай тўсиқ қолмаслиги керак.
Тадбир давомида келиб тушган 50 дан ортиқ мурожаат ва таклифлар назоратга олинди.