QARSHI SHAHRI HOKIMLIGI

Bugun OMQP Spikeri o‘rinbosari Odiljon Tojiev ishtirokida Qarshi shahrida tez tibbiy va shoshilinch yordam xizmati sifatini yaxshilash, mahallalarda tadbirkorlik va tomorqachilikni rivojlantish bo‘yicha olib borilayotgan ishlar bilan tanishildi.

Mazkur jarayonda tibbiyot sohasini xalqqa yanada yaqinlashtirish, shunindek, aholining bandligini ta’minlash va daromadlarini oshirishda tomorqa va uy xo‘jaliklaridagi imkoniyatlarni to‘liq ishga solish masalalariga alohida e’tibor qaratildi.

Shuningdek, uchrashuvlarimiz davomida yer uchastkalari hamda ularda qurilgan bino va inshootlarga bo‘lgan huquqlarni e’tirof etish, energetika sohasida joriy etilayotgan “ijtimoiy norma” tizimi mazmun-mohiyati to‘g‘risida fuqarolarga tushuntirilib, bu boradagi ularning savollariga batafsil javob berildi.

@deputat_f_zayniyev

Viloyatimizda Davlat xavfsizlik xizmati kubogiga start berildi

Uyushmagan yoshlar o‘rtasida jismoniy tarbiya va sportni keng targ‘ib qilish, sportning mini-futbol va futbol turlarini yoshlar orasida ommalashtirish, iqtidorli sportchilarni erta aniqlash maqsadida an’anaviy tarzda o‘tkazilib kelinayotgan Davlat xavfsizlik xizmati kubogining joriy mavsum musobaqalari boshlanishi oldidan Qarshi shahridagi "Geolog" sport majmuasida tantanali ochilish marosimi tashkil etildi.

Yuqori saviyada tashkil etilgan ochilish marosimida viloyat hokimi Murotjon Azimov so‘zga chiqib, musobaqada ishtirok etadigan barcha jamoalarga omadlar tiladi hamda 16 yoshdan 30 yoshgacha bo‘lgan yoshlar o‘rtasida sportning futbol va mini futbol turi bo‘yicha Davlat xavfsizlik xizmati kubogiga start berdi.

Ochilish marosimida taniqli san’atkorlar, estrada xonandalari tomonidan yoshlar uchun gala-konsert namoyish etildi. Shuningdek, Qarshining "Nasaf" jamoasi futbolchilari yosh futbolchilar uchun master-klass o‘tib berdi.