Президент бўлишни ният қилиш жиноятми? - депутат Кушербаев билан бўлаётган воқеалар ҳақида!
Сўнгги пайтларда депутат Расул Қушербаевга 2 хил айблов қўйилди. Биринчисида унинг президент учун жиддий "хавф" туғдириши айтилган бўлса, иккинчиси унинг миллати қозоқ эканлиги ҳақида эди. Қушербаевнинг президентга хавф сифатида кўриш ғирт абсурд - у 2021-йилги сайловгача 34 га кирган бўлади ва қонунларга кўра сайловга унинг номзоди қўйилишига йўл қўйилмайди. Мабодо, унинг ичида президент ўрнини эгаллаш хоҳиши бор бўлганида ҳам, бунга табиий ҳол сифатида қараш керак. Нима президентлик курсига 34 миллионлик халқ ичида бошқа номзод бўлиши мумкин эмасми? Бу лавозимга эришишни ният қилиш жиноятми? Давлат тилини яхши билсак, Ўзбекистон ҳудудида 10 йил муқим яшаган бўлсак ва 35 ёшдан ошган бўлсак, шунингдек, яна айрим элементар қоидаларга риоя қилсак, ҳаммамиз ҳам президент бўлишни ҳоҳлашимиз мумкин-ку.
Президентлик курсини илоҳийлаштириб, ҳар бир гапида уни алқайдиган амалдорлардан фарқ қилиб, халқи учун ишлайдиган депутатга "президент учун хавф" тамғасини ёпиштириш тоталитар давлатларга ярашади, бизга ўхшаган демократик давлат қуришга интилаётган давлатда бунақа фикрлайдиган одамларнинг борлиги - "уят, уят".
Президент ҳам оддий одам, у бир пайтлар сиз ва бизга ўхшаб институт лекция хонасида домлаларнинг маърузасини тинглаб ўтирган. Юқоридаги қонуний талабларга мос тушадиган ҳар бир Ўзбекистон Республикаси фуқароси - Ўзбекистон Республикаси Президентлиги учун потенсиал номзод. Биз хонликлар даврида яшамаяпмиз. Ривожланган демократик давлатларнинг ҳар бирида 4-5 та президентнлик учун курашадиган реал номзод ва минглаб ич-ичидан бу лавозимга эришишни хоҳлайдиган фуқаролар бўлади. Бу табиий ҳол.
Иккинчи айблов эса энг пасткаш одамларнинг иши. Ўзи энг катта иллат одамларни миллатига, динига, ирқига қараб ажратиш. Максим Шацких исмли футболчи бўлган. Ўзбекистон байроғи остида тўп сурган. У 34 та гол билан терма жамоа тўпурари ҳали ҳамон. Ўз пайтида бир ўйинда "Реал Мадрид"га 2 та гол урган. Миллати (адашмасам) украин. Aртур Таймазов. Ўзбекистон номидан кетма кет 3 маротаба олимпиада олтин медалини қўлга киритган. Миллати (адашмасам) татар. Улар дунё ахолисига ўз фаолияти билан Ўзбекистон номли давлат бор эканлигини билдиришган. Яна бир ҳаммамиз алқайдиган инсон борки, унинг ҳам миллати (билишимча) ўзбек эмас. Лекин у юртимиз равнақи учун кўп ишлар қилмоқда. Ишонаманки, юқорида келтирилган уч инсон ўша "соф ўзбек"дан кўра, Ўзбекистонни камроқ яхши кўрмайди.
https://t.me/joinchat/AAAAAFjW1vPT7oWi3ZN3YA
Сўнгги пайтларда депутат Расул Қушербаевга 2 хил айблов қўйилди. Биринчисида унинг президент учун жиддий "хавф" туғдириши айтилган бўлса, иккинчиси унинг миллати қозоқ эканлиги ҳақида эди. Қушербаевнинг президентга хавф сифатида кўриш ғирт абсурд - у 2021-йилги сайловгача 34 га кирган бўлади ва қонунларга кўра сайловга унинг номзоди қўйилишига йўл қўйилмайди. Мабодо, унинг ичида президент ўрнини эгаллаш хоҳиши бор бўлганида ҳам, бунга табиий ҳол сифатида қараш керак. Нима президентлик курсига 34 миллионлик халқ ичида бошқа номзод бўлиши мумкин эмасми? Бу лавозимга эришишни ният қилиш жиноятми? Давлат тилини яхши билсак, Ўзбекистон ҳудудида 10 йил муқим яшаган бўлсак ва 35 ёшдан ошган бўлсак, шунингдек, яна айрим элементар қоидаларга риоя қилсак, ҳаммамиз ҳам президент бўлишни ҳоҳлашимиз мумкин-ку.
Президентлик курсини илоҳийлаштириб, ҳар бир гапида уни алқайдиган амалдорлардан фарқ қилиб, халқи учун ишлайдиган депутатга "президент учун хавф" тамғасини ёпиштириш тоталитар давлатларга ярашади, бизга ўхшаган демократик давлат қуришга интилаётган давлатда бунақа фикрлайдиган одамларнинг борлиги - "уят, уят".
Президент ҳам оддий одам, у бир пайтлар сиз ва бизга ўхшаб институт лекция хонасида домлаларнинг маърузасини тинглаб ўтирган. Юқоридаги қонуний талабларга мос тушадиган ҳар бир Ўзбекистон Республикаси фуқароси - Ўзбекистон Республикаси Президентлиги учун потенсиал номзод. Биз хонликлар даврида яшамаяпмиз. Ривожланган демократик давлатларнинг ҳар бирида 4-5 та президентнлик учун курашадиган реал номзод ва минглаб ич-ичидан бу лавозимга эришишни хоҳлайдиган фуқаролар бўлади. Бу табиий ҳол.
Иккинчи айблов эса энг пасткаш одамларнинг иши. Ўзи энг катта иллат одамларни миллатига, динига, ирқига қараб ажратиш. Максим Шацких исмли футболчи бўлган. Ўзбекистон байроғи остида тўп сурган. У 34 та гол билан терма жамоа тўпурари ҳали ҳамон. Ўз пайтида бир ўйинда "Реал Мадрид"га 2 та гол урган. Миллати (адашмасам) украин. Aртур Таймазов. Ўзбекистон номидан кетма кет 3 маротаба олимпиада олтин медалини қўлга киритган. Миллати (адашмасам) татар. Улар дунё ахолисига ўз фаолияти билан Ўзбекистон номли давлат бор эканлигини билдиришган. Яна бир ҳаммамиз алқайдиган инсон борки, унинг ҳам миллати (билишимча) ўзбек эмас. Лекин у юртимиз равнақи учун кўп ишлар қилмоқда. Ишонаманки, юқорида келтирилган уч инсон ўша "соф ўзбек"дан кўра, Ўзбекистонни камроқ яхши кўрмайди.
https://t.me/joinchat/AAAAAFjW1vPT7oWi3ZN3YA