اركب شنو وصفت لي شكرتها ومشيت حسب وصفها وفعلن ركبنا المواصلات طقطقت للكمساري واديتو حقو ونزلنا لقينا استراحه قعدنا فيها عاينت لماما لقيت وشها منور غمزت ليها قعدت تتضحك قالت لي عاملين ذي المشردين قلت ليها يلا كلو لخير عاينت لراجل كدا لابس بدله قمت سلمت عليو وقلت ليو ياعمو عاوزين شقق للايجار لو بتعرف قال لي اي بعرف يابتي انا عندي برج شقق لو عاوزه قلت ليو ممكن تورينا ليها عاين لامي وقال لينا اتفضلو خته لينا شنطنه في الضهريه وركبنا ورا وساق وصلنا مبني كبير وطويل دخل سلم علي الاستقبال ومشينا معاو ركبنا المصعد ودخل قال لي اتفضلي دخلت فتح لينا الشقه رهيبه ومفروشه وجميله بس السعر اي مافي اشكال بس مادايره اضيع دهب امي كلو كانت ذي استيديو كدا صغيرا وحلوه ومناسبه معانا قال لي دي اصغر شقه وسعرها مناسب قلت ليو تمام دفعت ليو مقدم شهر واداني المفتاح نسختين اديت امي وشلت وواحد بقينا نتفرج انا وامي علي االشقه وبلكونه رهيبه والشقه رهيبه بجد عاينت لامي جبتها قعدتها وقلت ليها فكي بعد دا يامي عيشي حياتك انبسطي وين امي الكلامها كتير اخدي حقكك بي يديك المسكنه الزمن دا مابتنفع فهمتي علي قالت لي حاضر صدقيني كميه الراحه بست راسها ووديتها غرفتها ورصيت ليها هدومها في الدولاب وفتحت الشاشه وبقت تحضر طلعت علي المطبخ وكدا مطبخ ايطالي فاتح في الصاله وفي زاويه زي هول صغير وتلاته حمامات حمام برا في الصاله وحمام في كل اوضه فتحت التلاجه لقيتها فاضيه والعده ماكتيرا ومافي اي شي رجعت فتحت شنطتي.جات امي طالعه وشايله معاها دهب قالت لي دا تتصرفي فيو والباقي معاي ودا طقمك الدقاة ليك ابوك عاينت ليو بحب وقلت ليها تمام شلت.....

*#يتــــــبـــــع💙*

~Rowa Awad💙~