وبتعرفيني ما بحب العيّرة ،ولا تياب البالة ،
أنا بطانية ببيتي مش إلي مش قادر إتدفى فيها،
وبتعرفيني أناني ب يلي إلي ومرتب أملاكي جوات قلبي رف رف ،ولا مرة ضيّعت من الياء شي ،بس فقدت ياما وياما فقدت وانسرقت ونكسرت بقلبي رفوف،
ولا مرة قطعت الطريق ومشيت بين اتنين عشاق ،
ولا مرة دخلت بحديث مافيه من حصة عيوني دمعة،
ولامرة شربت كاسة قهوة ما إنصبت إلي تحديداً، وماقدرت متل العصافير إنقر الشبابيك وإطلب إشبع ،
وبتعرفيني اسمي غالي عليّ لو خربطو فيه بزاعل الندا وبقول لل "ماحدا" أنا وحدي معك ،وحدي المدى،
وبتعرفيني مو جلدي جلد الخيانة ولا بعرف بدل وجوه ،
بتعرفيني ما بحارب ع شي مش إلي ،ما بغامر لقول شي ماعادو إلي ،ما بقطف حدا ، ما بشبه حدا ،ما بتلّون بملح حدا، ولا بئذي حدا،
ترجعيلي بعدما هدتني القصص كلها لتقولي: "تغيّرت .!" ،
أنا تغبرت ،تشحورت بالعتم ،إسوديت بالظلم ،انخدعت وإجو كتار بأصابعهم رسمو ع وشي ملامحهم القاسية ،بشعوني ،شوهوني وسرقو المحاية ،
بس لأ لأ بعدني ماتغيّرت.!💙
