Aziz o’quvchilar, hurmatli ota-onalar!
Onlayn olimpiadalarni tashkil etish va iqtidorli o’quvchilar zahirasini shakllantirish axborot tizimi orqali O’zbekistonda ilk marotaba onlayn olimpiada o’tkazilmoqda. Bunday olimpiadaning joriy qilinishi albatta katta yutuq.
Hozirgi ta’til davrida ushbu axborot tizimiga qiziqish juda yuqori bo’ldi. Onlayn olimpiadaning dastlabki uch kunidan so’ng axborot tizimida 100 ming nafardan ortiq o’quvchi ro’yxatdan o’tganligi onlayn olimpiadalarga qiziqishining yuqoriligidan dalolat beradi.
Joriy qilingan axborot tizimi test rejimida ishlatilayotganligini, ishtirokchilar sonining ko’pligini inobatga olgan holda hamda tizimdagi kuzatilayotgan texnik nosozliklar tufayli onlayn olimpiadani afsuski
vaqtinchalik to’xtatishga majburmiz.
Texnik mutaxassislarimiz va dasturchilarimiz ushbu nosozliklarni bartaraf etgach tizimni yana qayta ishga tushiramiz. Ro’yxatdan o’tib arizalari tasdiqlangan o’quvchilar o’z login va parollarini kelgusi onlayn olimpiadada foydalana oladilar. Keyingi tashkil qilinadigan onlayn olimpiadaning vaqti haqida tez kunda alohida xabar beramiz.
Bizning telegramdagi
@olimpdep kanalimizda olimpiadalar bo’yicha axborot olishingiz mumkin va ushbu kanalda ayrim fanlardan olimpiada topshiriqlari e’lon qilib boriladi.
Bunday texnik nosozliklar uchun ishtirokchilardan va ota-onalardan onlayn olimpiada tashkilotchilari nomidan uzr so’raymiz, bizni tog’ri tushunasiz degan umiddamiz.
