" ذكرى نهايتك "
- وكبر سنة فقلبي وانتِ بعيدة , سنة ع فراقك ، سنة المفروض كانت قنينة بالرغم من الكوارث اللي معبية فاها , سنة امعبية وجع وحزن من غير مواساتك واطبطيبك عليا , سنة علمتني القوة والصبر من غيرك , قلبت صفحة حُبك للأبد ومستحيل نرجع نفتحها , عقبال سنينك الجاية وانتي مش فاهمة روحك , خليك حايرة ومتحسّرة ع كل موقف درتيه , كل كلمة قلتيها , وماكنتيش قد وعودك وكلامك , دوّريني فيهم ومش حتلقيني , في كل إسم يشبهني يذكرك فيا , كل تفصيل ايرّدك لموقف جمعني بيك , كل نومة رقدتيها من غير صوتي , كل ضيقة صارتلك ومالقيتيش راحتها وين ومع مني , كلها حتنتقم منك ع خاطر حُبي الكبير ليك !
أي أي ! ؛ تجاوزتك وتجاوزت حُبك اللي نُضعف قدامنا ، خليته بيني وبين نفسي , ع فكرة أول مايجيبك بالي نشمئز منك , وقلبي ينعصر فداخلي , كأنهم يقولولي أنتَ شـ قاعد ادير !
عارف دموعك نازلات اليوم , والحُزن والحسرة وكلين قلبك , انتي اللي جنيتي ع روحك و وصلتيها لليوم هادا , من اليوم عدي من الواحد لـ الالف وانتي تتخايلي فوجودي معاك , كثري من الدعوات اللي تنسيك فيا , بسبب حبي اللي انغرس فداخلك , ادعي وادعي وربي يستجيب ان شاء الله !
بخيانتك : ضيّعتي حياتك وخُسرتي راجل وعظم الله اجرك في حُبي اللي مات مقتول ع إيديك .
