قناة سجاد رشيد || Sajad Rshed

صارت عشيره الخدام وحسين شيخ اعليها

كل عشيره وعدها بيرغ مالها
واحنه رايتنه ابو فاضل شالها
شكو اطلابه الماتحلها ارجالها
خلها على العباس واحسب حالها
ـــــــــــــــــــــــــــــــــــــــــ

كل شده لو بس تنخا عباس يحضر بيها
صارت عشيره الخدام وحسين شيخ اعليها

عامره اتظل المجالس بينه
اشضارها الوادم تحجي علينه
الجنه الهم وحنه النه احسينه
بكيفه وين يريدنه يخلينه

هاي الماتم لحسين طول العمر نحييها
صارت عشيره الخدام وحسين شيخ اعليها
ـــــــــــــــــــــــــــــــــــــــــ
شيخنه احسين ونضل حاشيته
نغمض ونمشي ورا خاجيته
ياهو مثله بطيبته وحنيته
حسين فوك العرش واصل صيته
ـــــــــــــــــــــــــــــــــــــــــ
ديوانه ماينسد يوم شيخ الهلا وراعيها
صارت عشيره الخدام وحسين شيخ اعليها

منهد ماصاح الا من ناصر
خادم بخادم ترسنه العاشر
حسين للتاريخ ماضي وحاضر
كون من صدرك نشيل الحافر

ونصير لسكينه الماي يوم اهدعش نرويها
صارت عشيره الخدام وحسين شيخ اعليها
ـــــــــــــــــــــــــــــــــــــــــ
الختم بيد حسين هو الحاكم
ياملك مثله يقدر الخادم
سيد علينه عطائك دائم
المايسلم امره بيدك نادم

والدنيا من غيرك هيج وبفلس مانشريها
صارت عشيره الخدام وحسين شيخ اعليها
ـــــــــــــــــــــــــــــــــــــــــ

كلها من ايدك وايدك راجعه
واكو وادم عافتك بس ضايعه
تاكل بماعونك وماشابعه
واكو خدام شكثر متواضعه

مايعثر اليمشي وياك وعلى امك يخليها
صارت عشيره الخدام وحسين شيخ اعليها


الشاعر : شاكر الصميري

📜اسم القصيدة :: بابا بابا بالخرابه
✒️الرادود مرتضى حرب

بابا بابا بل خرابه

نوموني نوموني

ضلوعي بردن يا غطاي ياهو يكلي تعاي

عكبك نته عكبك نته
◾️◾️◾️◾️◾️◾️◾️
فك يديك وكلي بابا ليه ليه بكل دفو

بابا لبنيه خطيه من تضل بلا أبو

فكلي حضنك يل حنين ومثل حضنك وين اكو

بابا صار ليل وينك وأنه أخاف من هدو

فكلي عينك اه اه يلا ونينك

طر دليلي طر دليلي

بجلمه منك جنه ماي ياهو يكلي تعاي

عكبك نته عكبك نته
◾️◾️◾️◾️◾️◾️◾️◾️
بابا بابا بلا خرابه نوموني نوموني

بابا لو فكيت عينك لا تكلي شني هل أثر

ولا تكلي شبيه عينج زركه ودموعج مطر

لن ما أكدر أكلك بعد يا خد نصطر

فز عل صوت حنينه بابا كله من نحر

ولزم خده ورد نشده عل تراجي عل تراجي

تكله يوجعني كفاي ياهو يكلي تعاي
عكبك نته عكبك نته
◾️◾️◾️◾️◾️◾️◾️◾️
بابا شو ذبلن اشوفك يل جنت جنك صبح

ضحكلي بابا انه عزيزه يلا ضحكتك ما تصح

بابا شو طالت سكتك وسكوت أعضم جرح

حسابي التيك توك اريد الكل يسويله متابعة ❤️

موشح في مسير السبايا

هاي زينب مادريت شلونها
عالهزل راحت ينور عيونها
............

هاي زينب عالهزل راحت سبي
ترضه ياعباس يحديها اجنبي
خدر ماظل والستر بس بالعبي
عالهزل بت فاطمه يشوفونها
............

الچانت وياك بخدرها مدلله
هسّه طلعت عالهزل من كربله
بس عليل وياها ظل بالعايله
بلا كفاله زينب تعوفونها
............

بلا خدر تتعثّر الناگه وتميل
وبالحبل مچتوفه زينب يالكفيل
شلون لو وگعت يبن حامي الدخيل
وآل امية تدري ميّرحمونها
.........

راسك براس الرمح يبره الظعن
وزينب تصدلك يعباس بشجن
اتعاتبت ويّاك بالمدمع اظن
وتنظر شلون العده يأذّونها
...........

ترضه ياعباس ياليث الحرب
بيها يتشمّت شمر طول الدرب
زينب ابين الزلم موقف صعب
ولو نخت بسمك تره يسبونها
...........

شلون لو بالسوگ مرّوها العده
عليها تتفرج الناس الحاقده
نظرة الشامت سهام امحدّده
والكلام الجارح يسمعونها
..........

والاشد من هاي بنت المصطفه
تدخل لديوان امية مچتّفه
يابوفاضل والعدو بيها اشتفه
حاولوا  ما  گدروا  يذلّونها

سيد زيد الفحام
_______________________

نزلت مقطع جديد بالتيك توك

قصيدة للأمام القاسم (ع)

حي الله الكافل وعلومه
حي الله الكافل وعلومه
________________
سل بتاره وجدحت عينه
وصاح اليوصل زينب وينه
بس الموت البيني وبينه
بجفي اليوم اكلبها الحومه...حي الله الكافل وعلومه
_____________________
شنهي الموت وشنهي العسكر
كدام الرباه جف حيدر
انا اتسمه الموت الاحمر
والمثلي يوم الطف يومه... حي الله الكافل وعلومه
_________________
ياهو اليوصل عزمي وزودي
ولعيون اختي انطيت زنودي
عاهدتْ اوفيت عهودي
بجفي الرايه تظل ملزومه... حي الله الكافل وعلومه
_________________
بجفي تظل مرفوعه الرايه
رايد تحقق هالغايه
بعدي يشيلوها المشايه
جيدومه يسلم جيدومه... حي الله الكافل وعلومه
_______________
صح كطعوا جفيني وراسي
لكن ظل وي اختي احساسي
لو صاحت حيهم عباسي
الموت بسيفي تشوف رسومه... حي الله الكافل وعلومه
__________________
خادم اهل البيت ع
الشاعر عبد العظيم أحمد الابراهيمي