Ўзбек тилида иш юритиш ҳақида қўлланма тўққизинчи марта қайта нашр этилди
Бугун Ўзбек тили ва адабиёти университетида “Давлат тилида иш юритиш” қўлланмасининг 9-нашри тақдимоти бўлиб ўтди.
Биринчи марта бу қўлланма “Ўзбек тилида иш юритиш” номи билан ҳали совет даврида, ўзбек тилига давлат тили мақоми берилган илк даврларнинг салмоқли нишонаси ўлароқ 1990 йилда чоп этилган эди. Ундан сўнг тузум, сиёсат, тарих ўзгарди ва иш юритиш ҳужжатлари бу ўзгаришларни ўзида билвосита (жумлалар, қолиплар, атамалар, номлар ва ҳ.к орқали) муҳрлаб бораверди.
Асли иш юритиш ҳужжатлари тарихи жуда узоққа, Шумер ва Аккад шоҳи Ур-Намму қонунларига, балки ундан ҳам аввалроққа бориб тақалар. Кучли давлатларнинг қонуни ҳам, тили ҳам, хусусан, иш юритиш тили ҳам кучли, мукаммал бўлади. Буюк туркий ҳумдорларнинг буйруқларини эсланг: “Тўхтамиш сўзим Йағайлаға”, “Темур Қутлуғ сўзим”, “Султон Умаршайх Баҳодур сўзим” деб бошланган улуғвор фармонлар бизнинг буюк тарихимиз фахрий ёрлиқларидир гўё.
Аммо шундай даврлар келдики, ўзбек тилида иш юритиш ёт тил қолипидан олинган “Берилди ушбу справка шул ҳақдаким, ҳақиқатан ҳам ўртоқ Фалончаев шу манзилда яшайди” тарзига дўнди. Қарам элнинг тили ҳам қарам бўлди ва бу энг аввал расмий ҳужжатларда ўз аксини топди.
Бугун Давлат тилини ривожлантириш департаменти, Фанлар Академиясининг Ўзбек тили ва адабиёти институти томонидан ўзбек тилига давлат мақоми берилганига 30 йилдан кўпроқ вақт ўтгач ишлаб чиқилган “Давлат тилида иш юритиш” қўлланмасининг тўлдирилган ва тузатилган 9-нашри ҳам айни кунларимизнинг тарихга муҳри бўлиб қолади, албатта. Чунки бу нашрда янада кўпроқ ҳужжатлар, атамалар, жумлалар, умуман иш юритиш тили ва тафаккури янгиланганини кўриш мумкин.
Бир таклиф: қўлланмада бугунги кунда долзарб бўлган электрон ҳужжат айланиши масаласи акс этмаган. Шу муносабат билан келгусида давлат тилида электрон ҳужжатлар мавзусига бағишланган алоҳида қўлланма ишлаб чиқилса, албатта, жуда кутилган ва зарур манбалардан бирига бўлур эди.
Ҳозирча 3 минг нусхада чоп этилган қўлланма ташкилот ва муассасаларга беминнат тарқатилиши эълон қилинди.
Яна бир фойдали китоб ҳаммамизга муборак бўлсин.
@shahnozxon
Бугун Ўзбек тили ва адабиёти университетида “Давлат тилида иш юритиш” қўлланмасининг 9-нашри тақдимоти бўлиб ўтди.
Биринчи марта бу қўлланма “Ўзбек тилида иш юритиш” номи билан ҳали совет даврида, ўзбек тилига давлат тили мақоми берилган илк даврларнинг салмоқли нишонаси ўлароқ 1990 йилда чоп этилган эди. Ундан сўнг тузум, сиёсат, тарих ўзгарди ва иш юритиш ҳужжатлари бу ўзгаришларни ўзида билвосита (жумлалар, қолиплар, атамалар, номлар ва ҳ.к орқали) муҳрлаб бораверди.
Асли иш юритиш ҳужжатлари тарихи жуда узоққа, Шумер ва Аккад шоҳи Ур-Намму қонунларига, балки ундан ҳам аввалроққа бориб тақалар. Кучли давлатларнинг қонуни ҳам, тили ҳам, хусусан, иш юритиш тили ҳам кучли, мукаммал бўлади. Буюк туркий ҳумдорларнинг буйруқларини эсланг: “Тўхтамиш сўзим Йағайлаға”, “Темур Қутлуғ сўзим”, “Султон Умаршайх Баҳодур сўзим” деб бошланган улуғвор фармонлар бизнинг буюк тарихимиз фахрий ёрлиқларидир гўё.
Аммо шундай даврлар келдики, ўзбек тилида иш юритиш ёт тил қолипидан олинган “Берилди ушбу справка шул ҳақдаким, ҳақиқатан ҳам ўртоқ Фалончаев шу манзилда яшайди” тарзига дўнди. Қарам элнинг тили ҳам қарам бўлди ва бу энг аввал расмий ҳужжатларда ўз аксини топди.
Бугун Давлат тилини ривожлантириш департаменти, Фанлар Академиясининг Ўзбек тили ва адабиёти институти томонидан ўзбек тилига давлат мақоми берилганига 30 йилдан кўпроқ вақт ўтгач ишлаб чиқилган “Давлат тилида иш юритиш” қўлланмасининг тўлдирилган ва тузатилган 9-нашри ҳам айни кунларимизнинг тарихга муҳри бўлиб қолади, албатта. Чунки бу нашрда янада кўпроқ ҳужжатлар, атамалар, жумлалар, умуман иш юритиш тили ва тафаккури янгиланганини кўриш мумкин.
Бир таклиф: қўлланмада бугунги кунда долзарб бўлган электрон ҳужжат айланиши масаласи акс этмаган. Шу муносабат билан келгусида давлат тилида электрон ҳужжатлар мавзусига бағишланган алоҳида қўлланма ишлаб чиқилса, албатта, жуда кутилган ва зарур манбалардан бирига бўлур эди.
Ҳозирча 3 минг нусхада чоп этилган қўлланма ташкилот ва муассасаларга беминнат тарқатилиши эълон қилинди.
Яна бир фойдали китоб ҳаммамизга муборак бўлсин.
@shahnozxon